股票期權roll over的考慮因素

近日美市新經濟股的PS估值暴跌，傻貓的Tesla, Futu, 都跌穿行駛價. 於是，我面對人生交叉點：接貨？平倉？Roll over?

處理期權的考慮因素

首先，我認為每個投資者的考慮有別。

本金多，不介意分段接貨；或者覺得現價合理，再跌空間不大，就可以接貨。

最忌短炒變長揸，明知隻股係炒股，接咗暴跌，會好傷。捱價冇問題，但捱幾耐？行業前景有冇改變？今次股價暴跌，原因係咩？公司基本面有冇改變？

平倉
當價內期權，變得價外，行駛機會大幅降低，我哋可以先行獲利。
另外，如果明顯睇錯市，為免加大虧損，也可以先行平倉止蝕離場，不用接貨 / 交貨。

此舉可避免後市出現突變，令自己大失預算。

Roll over / 轉倉

其實期權可以roll up, roll up, roll down

1. roll out

如果非常有自信，自認估價、估市能力高強，可以short put + long put.
舉例: 認為700騰訊，支持位是$519, 我哋可以先做 行駛價 $519, 4月到期 的short put, 然後開同樣6 月到期的long put,  做保護。

原理是: 
我哋可以先從short put得到權金，而正股短期受不明朗因素困擾，股價持續尋底。
假設我哋對該公司非常有信心，就可以透過long put, 賺取利潤，彌補股價下跌的虧損。

留意:
股價走勢是否符合預期；股價是否能夠短期反彈。
否則，long side蝕時間值，可能得不償失。

2. roll up

此舉主要目的是推高止賺位。
買入short call 後，如果股價短期暴跌，你可以先行平倉，先行獲利。然後，再開價外short call, 賺取時間值及權金。

相反，如果買入short put後，股價爆升，也可平倉，獲利後，開較遠期的價外short put,賺取權金。

3. roll down

如果睇錯市，為了避免期權被行駛，我哋可以roll down.
當 short call 因正股價格上升，由價外變價內，我哋可以先平倉，賺取時間值，然後開遠期 short call. 
或者當short put因正股價格下降，由價外變價內，可先平倉，開遠期 short put.

無論接貨，還是roll over, 我會先考慮：

1. 正股的內在價值

2. 自己有冇充足的保證金

3.期權引伸波幅（會影響權金）

4.個人現金水平（我的槓桿比率一直保持在1以下）

5.資產配置（個人習慣期權只佔倉位5%以下）

個人極少平短倉。開short put時，我就預備了足夠資金去接貨。只是現價暴跌3成以上，我才考慮roll over,以時間換取戰鬥力。然而，上次GME股價急升後，我做了 naked short call, 當時股價大幅下跌，而後市有機會急升。我平了短倉，鎖定利潤。

傻貓自己都係期權新手，唔知咁做啱唔啱，純分享。有錯請指正。🙏