一哥的冷暴力、情緒失控，令小朋友經常如履薄冰。阿女一哭，他就威脅不要她，趕她出門口；阿仔做事不合他心意，他就黑面，離家出走。
我每次都要為他的行為善後，心很累。
當我擁著阿仔: "阿仔，爸爸丟東西，是他自己情緒失控。你勇敢講出自己的想法、要求，沒有錯。不用哭。媽咪喺度，唔駛驚，媽咪唔會丟低你。"
一哥: "係呀!每次都係我錯，佢哋淨係要你丫嘛。唔好講到我唔負責任咁!
我放工返嚟，已經煮咗飯啦！
你仲想我點？”
對他來說，煮飯、帶小朋友出街食飯，已經是一個好爸爸。
在我而言，夫妻關係，就是各取所需的契約關係。只不過，比普通契約多了感情加成。
婚姻裡，最好合作共贏。如果合作不順利，就及時止損。 有小朋友，要考慮的較多。尤其阿仔，他心思細膩，較內向怕事，上次爸爸離家出走幾天，阿仔情緒非常低落，不時靜靜躲起來哭。阿女較小，只要媽咪在，她就開心。
作為母親，我可以做的，是盡量提供安全感，保護他們不受身體傷害，提昇他們的自尊感。我不想他們以為自己做錯事，才遭受冷暴力，甚至以為自己不值得被愛。
另外，投資方面，回報仍然相當不俗。 6月尾，在 USD $263.28 沽出一些SOXL, 前幾日在 USD $139.86 又買回來一些。股數更多了。 也加了一些港股，包括港交所、友邦。
小朋友開始放暑假，我為他們製作了好習慣表格、早教時間表、DWE 教材使用進度表。
暫時每日都按計劃進行。
我自己維持匯君之前建議的diet plan, 每日練琴、看書、做運動。最近返返教會，始終未搵到好似以前沙浸畀我的歸屬感。但沙浸現時人面全非，我也不想再返去。或者再周圍試吓，睇吓搵唔搵到那種感覺，和神親近的感覺。行山，最近天氣不好，冇行。帶住小朋友，可選擇路線不多，但還是可以試試。單車，好想再試返越野單車。等阿仔小手肌再好些，就帶佢一齊玩。其實佢已經進步咗好多，期待早日能夠和他上山一齊踩車。
妹妹新屋開始裝修，江師傅團隊好有效率。 期望她搬屋後，我們又住近些，小朋友的emotional support 會更多；她的小朋友，今次中、英文都考得不錯。我睇吓遲些可否加堂幫佢哋上intensive tutorials.
最近整咗大門蚊網，屋企終於可以打開大門通風，冇咁翳焗。嚟緊喺客廳加裝冷氣機，喺浴室、廚房再加蚊網，重新規劃3間房的用途、傢俱。
現在一哥基本上都是睡客廳。 我打算換現時的梳化，轉電動梳化床，既省空間，他又不用曲腳睡二人梳化。他的衣櫃現時在主卧，每早入來取衣服，有時會吵醒我們。不如將他的衣櫃，放在新梳化底的櫃桶。 將睡房二，改做課室、放書櫃，在家多收學生，增加收入。 儲物室轉工人房。主卧加冰感涼蓆，加吊櫃。
買了2大1小的Disneyland 奇妙處處通銀票，嚟緊一年，工人可和我，隨時帶小朋友去玩。 下個月再買Kidztopia: 十次120分鐘遊樂通行證。
買了康文署泳池月票，這個月差不多日日都去游水，月票更抵。
幫小朋友參加了圖書館的"兒童及青少年閱讀計劃", 小朋友有本我的「閱讀足印」紀錄冊，借書更有動力，每日閱書量由幾本，跳升到10幾本了。阿仔閱讀速度和認字量，都有明顯改善。
