剛才搭巴士，送車尾，等咗15分鐘。
差不多有巴士時，有個年長女士，打尖排頭位。
貓：“太太，隊尾係後面”
佢：“我唔理，我一向都係排第一”
貓：“唔好意思，我哋好多人排緊隊，請你排返後面”
佢：“我冇見到有人~人哋都冇出聲，你咁冇禮貌嘅？咁樣對老人家”
貓：“大家都等咗好耐車，排隊係基本禮貌。而家你打尖，冇禮貌嘅係你”
佢：“你咁多事嘅？你哋怕曬，我唔怕。我見唔到你哋排隊”
貓望望，我企喺條線上，其他人線外：“咁大家排喺度做乜？”
佢：“總之我唔理，我係第一”
貓靜下來，等車到，我撥開佢打算啫卡隻手：“太太，我哋全部有排隊，你打尖唔啱㗎”
佢突然成個人向後退，然後“跌”落車前面。
如果有video,我都想知點可以咁高難度，呢個角度跌落去。
佢：“哦，你推跌我~我起唔到身喇~”
貓：“我唔趕時間，不如幫你報警？”
佢：“好呀~你報咯！”
講完，佢好快咁，企起身，上車啫卡。
跟住，轉身怒啤傻貓，拎住個銀包，隊埋嚟我個鼻：“你呢個咁粗魯嘅女人，推阿婆落車，我記住你”
傻貓：“你冇事就好喇！以後記得，搭車要排隊”
No comments:
Post a Comment