冇眼睇 🙈 由賺 68% 變蝕 3.61%

無語

對自己，真無語

次次都好牌變爛牌

今次我又做錯乜嘢？

投資記錄：

睇返過去近2個月的交易記錄，蝕錢主要係高買低賣 TSLL. 

SMH, RDDT, 港交所，江南布衣，NFLX，賺返少少，都補唔返。

而呢幾隻好股，都係勁人谷的谷友發掘出嚟的。

TSLL, 係另一位 blogger推介。但買入價比他高，止蝕價又比他低。
當時剛買咗物業4，畀咗細訂，心理壓力較大，就不問價，止蝕咗。

簡單講，賺蝕都係抄功課。
其他倉位，好多都係繼續月供中。

呢幾個月，去咗幾次旅行，戶口只剩290萬左右。
福岡好適合親子遊，又抵。
最好玩係富國島，不過同唔識游水的老公去，佢乜都冇興趣玩，我又陪佢，勁悶。
最近去較場尾，陽光與海灘，我帶阿仔，同妹妹、妹夫，乜都玩，連降落傘都玩埋，好正!!
行到邊，食到邊，好開心 :)
民宿又靚，海鮮餐又新鮮好食。
妹妹佢哋對錢睇得好輕，樣樣都駛得比較豪爽，我哋玩得好開心。
嚟緊，我哋會去北海道玩，靚湖景、靚民宿、美食、自駕，諗起都超 relaxing.

8月尾，要畀物業4的大訂。仲要出席物業2的重建收購會議。

玩完返嚟，要勤力少少賺錢了。
暫時答應咗一間學校，代課一個月。
接咗一單上門補習， 時薪 $500. 
開埋中小學，中文補習課程，冇乜promotion, 只靠 referral. 不過反應幾好。

請咗個part-time tutor. 佢要求的時薪好低，我搵多一至兩個學生畀佢，就賺到少少差價。

既然月供指數，比較適合自己，嚟緊就盡量唔做太多多餘動作。始終自己冇投資天份，做多錯多。