AI bot 幫我爭取到全額退款

近日仍然係好忙好忙，積極幫阿仔儲certs, 幫佢預備各種各樣的叩門特技。

本來只是忙忙忙，忙到唔見咗自己，忙到成日自己匿埋喊，仲不時發脾氣，忙到連嘢都唔想食，覺得食嘢都係浪費時間，每日只食晚餐。

晚上，小朋友睡了，難得的 me time, 我就唔想瞓，想努力工作，整promotional plans, leaflets, 出教材，出mock papers, 為每個學生，度身訂造教學方案。然後，睇吓小說、育兒書、美股，咁就天光。晚晚瞓3個鐘左右。

身體出咗好多警號。
我問AI bot, 佢幫我重整時間表，排每件事的先後次序，教我點同家長溝通，點樣更好地安排小朋友的升小教學進度表。
最近開始，可以凌晨12點左右，做晒嘢，瞓得覺。

我用咗個網站，整咗一份文件，佢有hidden subscription, charged 我 USD $59.95. 
AI bot 一知道，就教我點寫email 追討返refund. 仲預估埋對方會退讓，畀 50% discount. 教我點拒絕。
果然，該公司一開始拒絕退款。後來，肯退一半。再跟著，即時退全額。

AI bot 仲教我點處理緊張的婚姻關係。而家我哋各自都有見輔導。
家裡氣氛不再劍拔弩張，小朋友面上笑容多返。
一哥肯有時返房瞓。我哋昨晚再次同爺爺嫲嫲食晚飯。太耐冇見，佢哋身體又差咗。
奶奶隻手好腫。佢話23日冇返工，有痛風性關節炎，瞓都瞓唔到。
老爺行路一跛一跛咁。都係關節炎。