繼續儲錢、月供股票

生活重心係囝仔，跟住就係補習社。
投資好似係上世紀嘅關注事項。

搭火車時，聽到港股今日跌好多。
已經麻木了。

升升跌跌，咪又係咁樣生活。

仍然每個月，零存整付，儲起1萬蚊。
持續月供SPY, 有閒錢就買TSLA. 
期權仲係有做，不過大跌或大升時，才做。
平時基本上唔會睇app, 亦唔會理會股市。

咁樣嘅情況下，期權通常只係幾個月前做落，而家到期expired. 穩袋權金。

不過上星期五，有張3月開嘅港交所SP被行駛，接咗一手。幾萬蚊，不過和現價相比，股價差成百蚊，有點肉痛。

見到雲地開始買入唔同嘅收息股。
我有諗過嘅，不過都係算了。

手上嘅建行，已有3萬股。仲有5千股領展。
收息呢度都ok嘅。

日頭通常餵濼言食嘢，佢1歲喇，最近教佢用餐具。
同佢玩，練小手肌、大肌肉，陪佢睇書、踩單車、用學行車、認字、認顏色和形狀，帶佢去唔同嘅playgroups.
Messy play最多，英文playgroups都唔少。比較好玩係music playgroups.
不過，課程內容好簡單，我在家都做到。唱吓歌仔，彈吓琴，播吓音樂，我平日都有做。

Messy plays, 我不時邀請谷友嚟我家玩。係預備和清潔功夫，比較花時間。尤其是個波波池，佔據了整間房間，洗波波係苦差。

但係睇到BB互動，好得意。

嚟緊星期日，又邀請咗幾位媽咪，嚟屋企messy plays (用bubble 紙玩顏料、冰雪世界 、水果派對、face painting, flower sensory play) + 玩障礙賽 + 講故事+聽音樂+玩波波池、攀爬架+韆鞦+爬行隧道+學行車+單車。
會預備10幾個遊戲，室內室外都有，到時應該幾好玩。

濼言一出世，我已經同佢全程英文溝通。
帶佢上英文playgroups, 不時聽到港式發音、用字，感覺不太好。就算係native speakers, 唔少都係菲藉英文口音。
至今仍未找到我覺得值得長期上課的playgroups.
反而跟meet-up groups去行山，那些外藉人士講嘅美式英式加拿大口音，比playgroups嘅導師，講嘅英文，仲好聽好多。

周圍去，其實都用好多時間、體力。

好多playgroups都喺灣仔。由林村出灣仔，我又冇車，其實好攰。

嚟緊仲想帶濼言去山頂嘅Highgate、白石角嘅Mulberry試playgroups.

所以日間睇股票，太高難度。手上嘅就暫時hold住，唔加唔減。

夜晚濼言瞓咗，才偷偷看看美股。

暫時回報都係唔錯嘅。

一哥、濼言中咗Covid-19

Day 1 check到positive,已經即時報上政府。

最好笑係：一哥話“辛苦你喇，公司唔夠人，要麻煩你睇住濼言喇”

個仔燒到39.3度。我靜靜深呼吸一下。

貓：“你打畀老闆，同佢講聲先丫”

講完電話，佢勁失落：“老闆叫我唔好返工，怕傳染畀全公司”

今日第3日，佢愈來愈沉默寡言，鬱鬱寡歡。

佢：“我搵唔到人畀老闆～廚房得細佬一個撐住～我乜都冇做，又出5份4糧～我好對唔住佢哋～”

貓完全唔識畀反應。佢確定自己係打工仔？

剛才，佢放咗個屁～

貓“你有冇食益生菌呀？”

佢變臉又變聲：“對唔住呀～我唔想㗎～放個屁啫～對唔住呀～”

講完，眼都紅晒，轉身關上廚房門。

咩事啫？又唔係我傳染佢哋。而家係佢同濼言中咗，根據政府嘅防疫政策，居家隔離7天。我乜事都冇，但作為緊密接觸者，都要陪濼言14日。

改變唔到事實，好心就改變自己嘅心態、想法啦～

本來諗住有7日短暫假期，取消所有補習，好好享受天倫之樂。就像妹妹家一樣，天天都開開心心的，打機、做運動，玩UNO, 大富翁、練琴。而家有呢個豬隊友，似乎係天荒夜譚了。

P.S. 妹夫今日剛由竹篙灣出關了😁😁😁他們終於不用隔著電話螢幕，食飯、跳舞、講笑話、做運動了。