超推介！搬運公司：準時細心有效率

昨晚  9 點幾，放工回家。傻貓睇到成屋傢俬雜物，超崩潰🥺。大佬，今朝 09:00, 搬屋公司到喇！！仲係咁？？！

老公請咗 5日假、2日放早，執屋。傻貓如常返工，只能趁上下班途中，交收少量玩具。

昨天 lunch time, 老公已經話：唔夠紙箱。

當下我有點懞。明明有50個紙箱，當中有10個長紙箱，放衣服。怎會不夠？🤔4年前，搬嚟時，只用了 20個紙箱喔🫣。

SOS! 我連忙找人求救！

既然搬屋日子已訂，簡單！回家，拍片給搬屋公司老闆。

（老實說，明早就搬，這情境，不像在清屋吧？！）

客廳

兒童房

工人房

儲物室

廚房

花園

主人房

傻貓實在不知道應該從何著手。

有一秒，想怪老公：你放5日假，又收早，點解冇清過屋？

想想就明白了。

他早上幫小朋友沖涼，湊女返學，同阿仔食早餐，搭車回家跟功課，整lunch, 送仔返學。下午在外等接放學。晚上洗衫晾衫、預備晚飯、洗碗、同小朋友沖涼、做功課。

真係好忙。

重點：所有嘢都係我嘅，或者我買嘅。佢冇嘢可以丟掉。而且我工作極忙，新校差不多日日開會，他其實連問我嘅時間都冇。問咗，我都唔會理。只有 lunch後，walk under the sun 的15 分鐘，可以傾吓。

石生看了，秒回電話。

他說：“不用擔心。真的收拾不來，他們會全部跟房間、物品種類，分類裝箱。現在直接去睡，就可以了。😂

如果一車唔夠，就分2轉搬。1日搬唔晒，分2日都得。放心！”

嘩！老闆的話，猶如定酒神針。傻貓冷靜下來，環顧四周，選定幾件大型傢俬、玩具，22:00 就沖涼瞓覺😴。

瞓醒，將幾件傢俬、玩具、運動器材，影相 free 走。

彈床最受歡迎，健身單車都多人排。

儲物櫃，好搶手。

其他丟掉。

花園：鄰居話啲泥好肥好靚😊，全部清走了。

最後，分咗2轉，共80箱。由09:00, 搬到 14:30. 

先在舊屋：拆床、拆櫃、分類入箱、搬琴，再揸車去新屋。落車後，又要行一段路，先去到幢樓。

去新屋：拆箱、安裝碌架床、雙人床、衣櫃、書櫃。我哋住唐樓，師傅搬得都幾辛苦，特別係部琴。

咁搬咁多嘢，幾錢？？

今次係第4次，搵石生幫手。第一次係搬琴，然後每次搬屋，都搵佢哋，再加2間公司報價。結果都係石生最抵、時間日子又夾到。

本身影相 ，WhatsApp報價，傾好 50箱，連傢俬，共 $12300

落booking時，已付 訂金$1000。今日尾數： $13800

另加 $500 茶錢

最難得：係我返工，搬唔到屋，改咗2次期。

石生係超 nice yes man，全力配合，免費改期。

今朝搬完屋，而家傻貓同小朋友，已經舒舒服服，喺熟悉嘅床，瞓覺喇。😴

傻貓買樓記：訂造傢俬 (2) 報價單+3D 設計圖

$38380 ， 做晒廚櫃、客廳儲物櫃、展示櫃、鞋櫃、吊櫃，大家點睇？

入屋，洞洞板，可掛書包、手袋、雨傘

到頂鞋櫃，內做活動層板，可調較高低

最下面懸空，方便替換常穿的鞋

展示櫃，分隔儲物櫃、鞋櫃

放公仔、車車、旅行手信

最左邊：儲物櫃，放工作用的書本、教具、教材、筆記

鋼琴上，做吊櫃，增加儲物空間

廚櫃

U 形吊櫃

L形地櫃

原本報價單，索價 $49627

我逐樣問原因，最後刪除了

1. 廚房吊櫃五金拉籃 $2280

江師傅肯幫我免費安裝，我自己淘寶，就ok.

2. 展示櫃燈帶 $2303.5 

3. 搬運費 $6663 

我搵搬運公司，搬晒全屋傢俬，連梳化、雪櫃、洗衣機、鋼琴、1張組合床、6個衣櫃、3張單人床，連拆連搬連安裝、幾個書櫃，才 $10000

江師傅說，有明確到貨時間，他會幫我免費搬上樓

埋單 $38380

傻貓買樓記：訂造傢俬 (1) 平面設計圖

買樓後，就開始考慮裝修。

大屋搬細屋，很多雜物要捨棄。

傢俱，也一樣。

兼顧收納、美觀，首選一體式的儲物櫃。

另外，如想慳位，用傢俬橺房，也是好方法。

上星期，設計師根據我的要求，草擬了設計圖。

因為這幢是唐樓，超過 50 年樓齡，4年後， 2 個小朋友讀完幼稚園，可能又會搬近他們的小學。暫時就不做太多入牆櫃、地台床。日後，轉售或出租，甚至轉做劏房、學生共享宿舍，都可以。

這間屋，前身是美容院，浴室、廁所，獨立分開。另外，細房、房間1，用木板橺開。全屋共4房。

客廳，設計師在門口附近，設計了鋼琴上的吊櫃，善用垂直空間。

不過，電視區、用餐區，擠在一起，連走道都欠奉，由客廳入睡房，拿取換洗衣物，寸步難行。

房間1 (兒童房)

這間房，主要是小孩子、工人姐姐共用。
因為本身已經有上下格的碌架床，還有大量衣櫃，這設計就留著參考了。

房間2 (主人房)

這間理論上是傻貓和一哥的睡房，不過操作上，相信還是一家四口，睡覺的空間吧?

床頭床尾都是櫃，太壓迫。這間房，就用舊傢俬，不訂造新傢俬了。

房間3(儲物室)

家裡最多就是書櫃、衣櫃、玩具櫃，還有很多大型用品，例如滑梯、水池、彈床、多架兒童單車、scooter, 平衡車、電動車、大型玩具車(可坐2人)。

這個設計，滿足不到我的要求。我不需要展示，只需要收納。
這設計，又用不著了。

廚房

這裡完全是推倒重來。整間廚房全拆，重新規劃。

為省空間，會用電磁爐，下面放洗衣機。

雪櫃上面，偷位做吊櫃。

廚房採用 U形吊櫃，L形地櫃。

傻貓買樓記：550呎 舊屋翻新裝修 Day 1

江師傅真係好有效率！

前日約佢喺麥記，傾咗半個鐘，講裝修要求。

佢昨天再出張報價單，減咗 $1萬

1	單位內拆走房內曲尺木橺牆。
2	厠所拆走中間一幅磚牆。
3	單位廚房內，拆走舊灶台、水盆。
4	拆走2間房內，不锈鋼架。
5	拆走其中一個假天花及修補乳膠漆。
6	更改兩隻房門，廚房在總錶處，加一組電到廚房。
7	廚房要5個組合插蘇，及更改水喉到合適位置。
8	新做一組曲尺灶台，石屎面，留洗衣機及電磁爐位。
9	廁所更改水電位，代安裝洗手盆、鏡櫃、熱水爐、抽氣扇。
10	全單位，舊乳膠，翻新做乳膠，業主選色樣。
11	工程中全部垃圾、泥頭清走。
	工程約 2 星期完工
	工程費分2期支付
	以上工程連工料共$50,000

昨天，他親自上嚟度尺。

剛好我在新屋，等接阿仔放學，江師傅問清楚，我想邊度開電掣，水喉點行。

今日送完阿仔返學，上去就聽到機器聲。

原來已經拆除：

1. 分隔廁所、沖涼房的牆

Before 

Now

2. 廚房灶台、流理台

Before 

Now

江師傅分文未收，就即時開工。可見他對我十分信任。他說大概7日，就可完工。不過預鬆，報價單寫大概2星期。

離開單位後，我馬上調動資金，過住 $2萬蚊畀佢先。

自住？轉售？出租？裝修報價單

本來打算買物業4自住，單位在阿仔學校旁邊，阿女學校對面，方便接送。

不過，這幾天不斷有agents offer other options.

前日，有酒樓集團想租嚟做宿舍，出租回報率 6.7%

他們自己裝修，我取匙後，交匙即可。

昨晚，有客提價想買，短短幾個月，執30萬，回報都不錯。

如自住，之前係美容院，所有裝修要拆。

江師傅已幫忙裝修 3 間屋，後續維修都好幫得手。他不擅言辭，但說到做到，講好幾時完工，一定準時交場。

最重要是他的報價，每次都最低，而且不會臨時加價。

全屋簡單裝修，大概 $6萬

傢俱公司，有裝修部門。單計廚房裝修，不計廚櫃：$5萬

全屋訂造傢俱，大概 $10 萬

一陣收鎖匙，再想想。

買入物業4：美容按摩店

今朝自己又睇咗2個單位。反正一哥在不在，都冇意見，錢又係我單獨畀嘅，我決定就可以。

唐1/F, 550實呎， 開328萬，在超市樓上，幼稚園附近，4房，商住兩用。而家做緊美容按摩店，得1間梗房，其餘3間，用木板分隔，簡單批盪。

唐2/F, 530實呎 ，3房，售338，在足浴店對面，廳大房大，3房單位，對住公園仔。

兩間都很不錯。而且都已完成大維修。

最後落咗$50000 誠意金，請agent 去傾價。最後唐 1/F肯減價，290萬成交。業主收咗誠意金做細訂，成交日定為 Aug 29.

初步打算開補習社，for K1 to K3, P.1-6, F.1-6.

住正學校旁邊，沒理由再遲到了吧？！

只係間屋應該點裝修，才可以自住+補習？

有點頭痛。再想想。

斷捨離100天：Day 12：書櫃

 

破洞浴巾要找找

今日先斷捨離這個破爛的書櫃

昨天落細訂嘅單位，原來要做大維修。

Agent提議減10-20萬。

我有點猶豫。

物業1都要做大維修，物業2大維修不成功，現時拆咗棚，但未找數。

買舊樓都係麻煩。收租回報好，但比較多嘢費神。

斷捨離100天：Day 11：隱形眼鏡

搵唔到爛梳，但有一盒2016年買，2021到期，只用咗一對嘅隱形眼鏡😂 眼乾症，本就不適合戴con, bye.

昨天睇咗2個單位。

第一間好細，得2房，諗唔掂工人房。不過，開價270 萬，要嚟收租，回報率初步計，有4.5厘。
第二間 360 萬，超咗 budget. 唔駛考慮。

買物業4, 係想近阿仔阿女返學，但有工人，基本要3房。大埔墟真係冇乜盤，有又out of budget.

 
物業3，跌咗100 萬，咁就收住租先，以租代供。
物業2，市建局搞緊收購重建，但業權問題比較複雜，計份數，唔係單位數目。幢樓又有2個業主立案法團，其中一個冇運作多年。之前幾次有金主想收購，都係咁，唔成事。今次睇吓點。
物業1，租金回報率 4.39厘。好地地，又唔想郁佢。而且，現時冇正職，做唔到新按揭，按兵不動最好。

搵銀行問吓可以點做，但一聽到傻貓冇正職，又供緊樓，已讀不回。

阿妹有流動資金幾百萬。佢一向唔做投資，連網上銀行都唔識用，層樓一筆過買，唔駛供樓。總之錢入咗佢戶口，就係不動產。

但佢自己都心思思想換樓，又想儲錢畀佢2個小朋友去外國讀書。
銀行話，佢月入9萬，但已供緊物業2 (其實供樓的是我，雙辣招時，才找她上會，找媽咪做業主)，佢再買樓，只可做5 成按揭。
未遇到真係好鍾意的單位，我都唔想問佢借。

只係好掙扎，這4年，儲咗 340萬，買260萬呢間，可收租投資。還是再等等，遇到啱價的 3房單位，買嚟自住? 不過唔知等幾耐。而且用晒筆錢，風險好似好大。

剛剛睇咗另一間，大埔墟市中心，唐4樓，250萬，3房。

落咗細訂，查咗冊，睇吓成唔成事。