一哥、濼言中咗Covid-19

Day 1 check到positive,已經即時報上政府。

最好笑係：一哥話“辛苦你喇，公司唔夠人，要麻煩你睇住濼言喇”

個仔燒到39.3度。我靜靜深呼吸一下。

貓：“你打畀老闆，同佢講聲先丫”

講完電話，佢勁失落：“老闆叫我唔好返工，怕傳染畀全公司”

今日第3日，佢愈來愈沉默寡言，鬱鬱寡歡。

佢：“我搵唔到人畀老闆～廚房得細佬一個撐住～我乜都冇做，又出5份4糧～我好對唔住佢哋～”

貓完全唔識畀反應。佢確定自己係打工仔？

剛才，佢放咗個屁～

貓“你有冇食益生菌呀？”

佢變臉又變聲：“對唔住呀～我唔想㗎～放個屁啫～對唔住呀～”

講完，眼都紅晒，轉身關上廚房門。

咩事啫？又唔係我傳染佢哋。而家係佢同濼言中咗，根據政府嘅防疫政策，居家隔離7天。我乜事都冇，但作為緊密接觸者，都要陪濼言14日。

改變唔到事實，好心就改變自己嘅心態、想法啦～

本來諗住有7日短暫假期，取消所有補習，好好享受天倫之樂。就像妹妹家一樣，天天都開開心心的，打機、做運動，玩UNO, 大富翁、練琴。而家有呢個豬隊友，似乎係天荒夜譚了。

P.S. 妹夫今日剛由竹篙灣出關了😁😁😁他們終於不用隔著電話螢幕，食飯、跳舞、講笑話、做運動了。