期權新手Q&A: Short Put 持倉盈虧變負數，點算好?

讀者留言:
"請問如果我SHORT PUT, 持倉顯示嗰隻期權價值升, 然後顯示持倉盈虧是負數, 而且是價外, 到期都維持咁樣, 結果會係我需要接貨之餘仲要虧損期權價值差價嗎? 另外接貨意思就係我將會買入某隻股票, 即例如TSLA X 100股既意思?"

老實說，傻貓都是期權新手，去年11月開始，才做了幾個月實驗，當然不敢班門弄斧。所以，馬上請教勁人谷的谷友，務求不會誤導讀者。

綜合傻貓僅有的期權知識，以及谷友的詳盡解答，回覆如下:

其實每張short put, 帳面都是負數的。如果價外期權，還是出現負數，只有 3 個可能:
1. 行駛價、現價，已變得非常貼價
2. 開期權合約時，合約價不理想
3. 引伸波幅, 即IV, 太高，令到期權金急升

如果你short put tesla 100股 @ $700, 昨天收市價: $630.27, 咁你就入晒價。
要用$700 x 100 = $70000 去接 Tesla, 又或者，你而家好快D去平倉，忍痛止損，解決問題。
萬一戶口唔夠現金，佢會自動幫你斬倉，賣咁D股票。所以你留意邊D有機會要接貨。

一般來說，只有入咗價，又或者對方行使做long side的買家，入晒價之餘，仲冇晒時間值。咁佢就會行使你。

持倉盈虧是你平倉時候的盈虧。如果你已經預備好足夠現金接貨，其實不用理會。
如果真的要接貨，就是根據你開立期權合約時，所訂下的合約數目、行駛價去接貨。
所以，絕對不會出現: 接貨後，還要虧損期權差價的情況。

假設真的要接貨，就跟平時買入股票一樣。當時的接貨價，高於當時股價，你的帳面就會出現虧損。

至於"持倉盈虧"，股票期權一樣有持倉成本。只要期權一日未被行駛，那就只是帳面的持倉盈虧。我們要考慮的，應該是持倉成本。換句話說，如果Short Put 的期權到期，自己不夠現金接貨，會怎樣?
1. 動用孖展接貨 (IB每日計利息)
2. 斬倉 (如果你用光孖展限額，又沒有預先設定沽貨的先後次序，IB會隨機幫你用市場價，沽出持倉的股票，去接貨。)

唔想被無差別斬倉，可以set 有profit既先優先賣出，之後到bonds,  etf / option咁, 可以有先後次序。

傻貓自己一直確保自己的孖展ratio在1以下，即是沒有動用任何槓桿。近日Tesla急跌，我接了100股。但因為之前見勢色不對，已經做了long put + short call, 加上之前高位，已經沽了部份股票，現金充裕，所以暫時未有問題。
當然，我會繼續留意風險管理。
正如伊麵老闆經常提醒: 有錢short put, 有貨short call, 唔好貪心。
我不會隨便做naked short put/ naked short call. 因為我還有我愛的人、愛我的人，不想他們擔心。