Thursday, March 11, 2021

懷孕初期不適: 濕疹、暈車浪、食欲不振

最近有谷友問我: "心態上,是否已經為bb出生作好準備?"

老實說: "我唔知要準備咩😅"



傻貓的免疫力一向差,最近開始疑惑個B係咪真係存在。

搭8分鐘車,仲係私家車,已經暈車浪。
全身長了好多紅點。唔知係孕期濕疹/妊娠蕁麻疹。



成日冇胃口,但半夜肚餓。
昨晚9點就累得睡死了。最近都是這樣。但又不知道為甚麼自己經常突然疲倦。
工作量增加了一點點,因為收多了一些新學生。
但脾氣開始有時亢奮,有時暴躁。
習慣早起,安靜看書、睇影片上課、練琴。
如今大廈外牆維修,每天噪音不斷。
想心平氣和,專心學習,好像難比登天。

Muimui在大埔,妹妹手傷了,不能拿重物,攞唔到Muimui畀我。
冇得同Muimui行山,我被迫留在家,忍受噪音。
有考慮過出外走走,或者到圖書館看書。但噪音一起,我就hang 機。只會躲進被窩,掩著耳朵。
好低能。
由細到大都係咁,自己都知白痴。不過我真係咁低能。

另外,最近經常冇胃口食嘢,食少少嘢又飽。
但好多時夜晚晚凌晨2點幾至4點,就餓醒咗。
冇得瞓令我非常煩躁。總之,自己的身體,自己控制不到。
感覺完全out of control. 

妹妹、媽咪、Wing 都冇我呢堆問題。我唔知自己點解咁麻煩。心情非常糟糕。

昨晚和一哥,講起最近這堆沒因由的憂慮、身體狀況,說著就想哭。加上幾個谷友,都分享經歴:第一胎好易夭折。我好擔心,好驚。

一哥見狀,馬上過來擁著我。

他分享往事:第一任妻子,曾經有葡萄胎。所以,他不敢抱太大期望,不想太早添置嬰兒用品。

他說:“BB有冇,都唔緊要。最緊要你放鬆d,唔好諗咁多,唔駛擔心。我最鍾意見到貓貓笑,你食嘢個樣最可愛。”

佢仲話:“我知你好想要BB,我都係。我只係擔心,如果BB有咩事,你會唔開心。所以唔會因為有而太興奮。無論有冇BB,我都會喺你身邊,會咁錫你,咁照顧你。唔好諗咁多。”

我個中醫3月29返港,已經預約了。希望她幫到忙。
之前為了有BB, 我已經跟過好幾位朋友推介的神醫,艾炙、針炙、中藥,都試過了。
每次食完中藥,都瀉到十彩,連站都站不穩。愉景往南豐那不足10分鐘的路程,我針炙後,要行半小時。


幸好,最後我遇上這位中醫,她是東華三院的駐診資深中醫,收費低廉,而且好細心問診,提點我生活細節、飲食習慣,並每次根據我的情況,慢慢換藥,逐步調理身體。

開始時,我仍然食完藥45分鐘左右就肚瀉。後來,慢慢改善,冇咁水腫,皮膚過敏亦消失。


這次有BB, 除了一哥上輩子做了超多好事,而且非常細心照顧我的起居外,功勞一定是這位超細心的中醫師。
雖然每星期要特地乘車出去油麻地,可是花的時間非常值得。
而且,搭地鐵好像沒怎麼暈車浪,挺好的。

西醫我唔敢睇,怕藥物影響BB. 經常懷疑佢仲喺唔喺度。
谷友都勸我睇西醫。我當然知道這是最合理的做法。

不過,慳妹一向唔鍾意用錢。
而且,上網睇咗好多人分享,睇西醫都係攞藥膏返去搽。
類固醇最有效,但可能對BB唔好。
咁我寧願另外諗辦法,忍一忍,唔好抓損晒自己;食雜菜湯,去水腫+排毒;每日做最少30分鐘瑜伽。睇吓有冇效先。

下星期去照唐氏,3月尾做產前評估,登記時,職員有講會照結構。不過我唔知係咪同一日。
我想簡簡單單生個B, 唔想好似妹妹咁,又私家又公立。
除咗錢,走嚟走去,都令我覺得好麻煩。
盡量唔駛搭車,就最理想。
希望所有不適,盡快消失。

貓貓乖,靜下來,想想應該做甚麼,才對自己、對BB, 會更好?

最近少咗行山、睡眠不足、飲食習慣改變,如果是荷爾蒙問題,就嘗試慢慢適應、接受。改變不到環境,就改變自己想法、心情吧。理性思考、保持心境開朗、多做適量運動,會更好。別想太多無謂事情,別為明天憂慮。如果BB的出生,是天父的旨意,我不用掛心。如果天父要帶走他,可能祂有其他安排,不用我操心。

放下,自在。加油。

18 comments:

  1. 都唔知講乜好。。希望師姐正能量一點,繼續加油,我地一眾blog友都會為妳打氣!

    ReplyDelete
    Replies
    1. 我都唔知講乜好😣
      其他準媽媽好似都唔係咁
      係自己特別麻煩

      Delete
  2. 好好enjoy吧,我老婆話佢好懷念大肚的感覺 :)

    ReplyDelete
    Replies
    1. 你一定好錫佢
      佢可能係懷念你待佢如珠如寶嘅感覺😁
      不過身體多咗個小生命,真係幾奇妙😊

      Delete
  3. 多保重身體 ~ 找些靜一些的地方休息下, 多些傾訴下 =]
    加油吖 ~!!

    ReplyDelete
    Replies
    1. 寫blog已經係好好嘅樹洞😆
      寫寫吓,先發現自己咁低能、杞人憂天
      多謝你聽我訴心聲😘

      Delete
  4. 總之心情平和,想睡就睡,想食就食,聽下音樂,讓自己放鬆一下。

    ReplyDelete
  5. Replies
    1. 謝謝Cherry😊
      仲有好多個月喔😄
      希望一切順利🤞

      Delete
  6. 我老婆生第一胎時,開頭係床瞓足成個月,睇晒成套大長針...你不妨都考慮下全職臥床炒股...

    ReplyDelete
    Replies
    1. 😅咁我仲行動自如嘅
      卧床安胎,應該悶死我
      呢兩日,終於冇咁嘈,生活開始回復正常
      繼續睇書、上課、練琴😊

      Delete
  7. 加油呀,保重身體,放輕鬆就好

    ReplyDelete
    Replies
    1. 謝謝June姐
      多謝你哋經常聽我訴苦
      又畀咁多意見我

      Delete
  8. 多保重身體,其實身體出狀況係唔係壓力引致?
    但慘一點有每日有嘈音煩住自己,影響自己呢點最煩。

    ReplyDelete
    Replies
    1. 都好大機會
      我係少少壓力,都會皮膚敏感嘅人
      而且對聲音好敏感
      以前在課室,坐在課室最後排同學傾偈,我都好清楚聽到佢哋講乜嘢
      XD

      你得閒約我行山啦
      雖然我而家行得好慢......

      Delete