山系狗：hea行鶴咀機鎗堡

自從無端端暈車浪後，行山一真局限在金山、城門水塘、畢架山、獅子山，這些我可以步行來回葵涌的地方。行個幾2個鐘，才開始行山。Muimui有時都有點累。

難得Rebecca約行鶴咀，這條路線我曾經探路、帶隊，沿途馬路，跑步來回ok,踩單車一流，但係齋行就悶咗少少，而且連拍照，4個幾鐘走唔甩。

段路有元陽石可探險，又可穿少少林落機鎗堡，燈塔、雷音洞、蟹洞，影相又靚，都係好選擇。

一如所料，上9號巴士不久，我開始胸悶、頭脹。15分鐘左右，落車，半响才回復正常。

不過Rebecca唔畀我爬石，少咗個景點。

落機鎗堡，今次可能體溫升高，好惹蚊。我只穿sports bra, 肚皮似乎好吸蚊。一手拍落pat pat, 10隻死咗。

陽光明媚，電視框已修茸完畢。靚景。

Hea咗一陣，一哥放早。佢打嚟話唔理我行到幾點，佢都喺筲箕灣站等我，怕我孭Muimui太重。Rebecca跟住就話唔行喇，無端端5個鐘行程，變3個鐘。

不過，可能出咗一身汗，今次成晚冇皮膚痕，都冇出新嘅粒粒。