Monday, November 23, 2020

感情煩惱: 盛女如何脫單


中學同學 G 相約聚舊。

雖然相隔多年,但尚未與G見面,我已經對她近年的經歷、想法、價值觀,有初步概念。因為她事無大小,都放上Facebook. 她不時在Facebook更新狀態,問人知唔知自己係處女、高調反對婚前性行為、疑惑點解自己一直冇拖拍。貓已經估計: 她大概想講講感情煩惱。


甫見面,G已經迫不及待,問傻貓點樣識到咁多男仔。又問我呢個男朋友,有冇以前東尼對我咁好。

貓覺得:呢個問題本身,都好有問題喔。一對情侶/夫妻,行到分手呢步,通常都有啲嘢,夾唔到,咪散咯。既然分咗手,ex只係路人甲。點解仲要將ex,同現任做比較?永遠記住前度嘅好,恐怕現任都好快會變做前度。


當佢知道,一哥係傻貓喺交友app Tinder 識嘅,馬上好認真咁提醒:"網上面好多壞人架! 你小心佢會呃你!"

傻貓明白佢一片好心。不過,現實世界嘅壞人,難度會比網上世界少? 帶眼識人,是常識吧?


G話唔明白,點解佢咁靚,又多才多藝,都冇男人識欣賞。

傻貓隨口回應: "男人都係視覺行先啩?不如試吓化少少淡妝?" 

G非常反感。佢認為男人唔應該只著眼外表。因為人會老,只有內在美才能持久。如果男人只因為你靚,先同你一齊,你老咗,佢就會離開你。如果任何男人,讚佢靚,佢只會覺得對方膚淺。而且,佢相信: 神會在適當時候,為她預備丈夫。(留意: 是"丈夫",不是"男朋友")

不過,我認為: 就算你好有內在美,男人都要先畀你外在美吸引,才會去了解你嘅內在美呀。而且,呢個世界,唔係你認為係咁,就會咁。因為,你唔係世界嘅中心。


平日,她花大量時間傳福音、返教會、寫詩歌、寫廣播劇。可能太專心歌頌神,G忘記了好好照顧自己。她的身型、衣著,比之前變了很多: 鬆身衫、裙褲、駝背。傻貓提議她一齊踩單車,或者行山。她拒絕: "呢d活動,唔可以識到願意同我一齊,事奉神嘅丈夫。"


聽完,貓微笑,點點頭,開新話題。既然無論講咩都會被否定,講多無謂。我只係諗: 如果佢一直嘅做法冇問題,咁點解到而家都仲係不情願地單身?調轉諗: 如果呢個方法唔奏效,係咪要試試其他方法

我認為: 想搵男朋友,先要擴闊社交圈子。你想識點樣嘅人,就應該去返呢d人經常出沒嘅地方,認識佢哋。如果好似傻貓咁,生活圈子超細,交友app其實係好好嘅選擇。點解佢會覺得,只要時機一到,就會有個Mr. Right, 拖住佢隻手,行入教堂,講 "我願意"?


臨走,佢送咗本書畀我。原來,佢將自己嘅日記,印成好多本書,送畀朋友。入面,有佢嘅家庭問題、單戀暗戀的心路歷程、信仰路上的疑問。然後,她力邀我上她的家,聽她唱自己寫的詩歌。

G是一個非常真誠的人。傻貓都好希望,佢可以找到愛她寵她,真正欣賞她伴侶。可是,如果她的想法、行為,依然故我,成功脫單的機會,又有多少?


最後,貓完全不理解G的價值觀。她認為公屋是我們每一位市民的福利,所以她為了得到入住公屋的資格,大學畢業後,一直都不肯做全職工作。直至派到公屋,上樓了,她才開始做全職領隊。可是,分到一間和另外2位長者共住的公屋,真的值得慶賀?如果她將時間,投資在自己的資歷、事業上,會不會又是另一番景象

當然,每個人有權選擇自己的人生。只希望她能堅持自己的信念,不要他日後悔。有時候,最不肯放過自己的,只是自己。能夠我行我素、堅守信念,也是一種幸福。

4 comments:

  1. 多謝貓姐分享,兩性相處也涉獵到,真是題材多元的blog主呢!對於盛女一詞,我想起多年前曾看的《盛女愛作戰》,「專家」主要教路的人包括也是改造型,擴闊社交圈子,注意言談舉止等。突然想起,不知哪個憧憬遇到白馬王子的Florence,現在能找到Mr. Right未呢?

    ReplyDelete
    Replies
    1. 我深信每個女人,都值得遇上真正欣賞她的人。而且,這個世界,沒有醜女人,只有懶女人。只要肯改變自己的思維,並轉化為行動,遇上Mr Right,只是時間問題。

      Delete
  2. 不是歧視信仰, 但把自己的一切都交託給信仰, 便是對自己的不負責
    這種連自己的事都不能負責的信徒, 叫她嫁給主就好了, 把所有奉獻給主好了
    至於主存在與否, 自己奉獻被誰以主的名義瓜分了否, 讓她終此一生都不知道, 就是對她的最大仁慈

    我認為, 任何信仰, 只要有導人向善之處, 本身不是壞的, 問題是信徒們如何利用它.
    有人能把它當作社交網絡, 有的能廣結善緣, 也有的會尋找獵物.
    有人能把它當作推動力, 有的能突破障礙, 也有的會自我禁錮.
    有人能藉此結集力量, 有的會行善積德, 也有的會扙勢欺人.

    我不想利用神或任何人, 也不想被神或任何人利用, 是故這種麻煩的事, 我就敬而遠之好了.
    而香港其中一項比世界其他地方優勝之處, 是沒有強制加入任何信仰的壓力.
    這種自由, 即使找遍世界, 也沒有很多地方的人能擁有, 請好好珍惜.

    ReplyDelete