代課札記：抽離

 

經過偷拍事件，傻貓決定抽離。

有3層樓收租，雖然樓價下跌，但每月現金流其實ok.
補習社現時 1 星期開4日，都有幾萬蚊現金流。
我真係唔需要為咗代課呢份工，太上心。

妹妹講得啱。我有心教，都要對方肯學。
10分鐘改完1班的試卷，好多係白卷。默書，佔半班係0分，乜都冇寫。

大部份學生，都係新移民。佢哋認為祖國強大，唔需要識英文。每日上堂，花好多心力去維持課室秩序。明知佢哋好多有學習障礙，花好多時間備課，預備教材，務求佢哋睇圖都認到吓字。但係佢哋上堂就瞓覺，連起身講聲Good morning都唔多情願。

佢哋話普通話先係國際語言，平日溝通，基本上都係普通話。
咁好啦，你哋咁勁，冇咩事，我打鐘即走。唔阻大家喇。

呢個世界好大，唔教呢間，我可以去第二間。甚至唔教，齋補習。
投資我唔叻，不過暫時回報ok. 
我只係一個小小的代課老師，唔好妄想改變人哋。乜嘢生命改變生命，太理想。

我唔需要擔心呢度的學生。佢哋自己會爬到去屬於自己的高度。如果唔係, 佢哋自己喺世界亂試，好快就會受到教訓。老師只係facilitator, 真正的老師只有現實。
對我來說，我最重視的人，是我的家人。其他人，由他吧。