BB 返 playgroups 學緊乜？

 

金迦

首先，呢間九龍塘嘅playgroup,係10個月可以報讀，13個月大才開始上課。佢叫做綠苗工作坊，同金馬倫迦南冇直接關係，讀咗playgroup 都唔一定入到K1.不過，可以豁免K1 first round 嘅interview.

Sor far 濼言參加咗N咁多個playgroups, 我覺得最物有所值嘅，只有金迦。

每個活動，1個課室。所有教具，都有嘢蓋住。用時，老師才拿出來。學生可以好集中精神學習。老師好 experienced, 活動very engaging, 冇人走嚟走去。我諗呢個係同其他pgs,最大分別。Circle time,有1老師現場伴奏，1個講故事，另1個一齊講or show 教具。3個老師同場，BB好難分心。

我仔而家返金迦，聽到音樂，自己會主動放好玩具，入課室，然後坐低等攞樂器。玩完音感節奏，就大肌肉訓練，成個課室周圍走，踢波，行平衡橋，入波波。然後sensory play, free play. 最後去circle time, 聽故事，唱遊（老師即場伴奏），玩吓相關教具。

不過，金迦同TT 一樣，不設補課、調堂。

大埔有CPDA, Mamagreenia, Zebedee,德智樂、閃星星，都係多人上既playgroups.

CPDA

CPDA, 課堂內容簡單、重覆，適合細BB學習規矩、聽指令、守秩序。 上咗2期，Ming 老師教得好好，不過時間撞晒我上堂的日子，外婆、爸爸、姨姨、姨丈，都分別輪流，抽時間，陪濼言上堂。勞師動眾。
而且，每堂開始頭15分鐘，都係free play, 然後10分鐘點名、舉手，唱hello song, 同太陽伯伯點點頭，睇晴雨表，又5分鐘。玩樂器，練習shake, quick, slow, stop. 

每堂得15分鐘，聽吓繪本故事、做小手工、玩樂器，然後10分鐘大肌肉訓練。但空間所限，每次都係行平衡橋、跨欄、上樓梯、瀡超短滑梯，有時玩tunnel. 

最後5-10分鐘，做小肌肉訓練，貼吓貼紙、塗顏色。濼言好憎做勞作，每次都唔肯做。

Mamagreenia 

基本上係free play. 繪本storytelling,唱吓兒歌，玩吓瀡滑梯，咁就1堂。

好處係可隨時報堂、調堂，揀上堂時段好方便。好彈性，可以每次自選上堂日子時間。不過內容單調簡單。

德智樂

完晒CPDA 2期課程，冇再報讀，轉咗去德智樂。老師比較caring, 好識鼓勵小朋友，而且都是前幼稚園教師。

上課流程：free play玩玩具＞點名＞讀晴雨表＞唱歌跳舞＞ 大肌肉活動＞ 認知 (學分大小、前後、上下), 小手肌＞睇書(老師同家長debriefing, 講返該堂做咗咩活動，每個活動，教學重點係咁，如果家長返屋企，同小朋友溫習，就知道可以點樣跟進返。)

缺點:
如果請假，調堂/補堂，德智樂的老師，會完全重覆課程內容、活動。
濼言之前有其他playgroups, 報名前，已清楚表明頭3堂上唔到。估唔到，佢安排的3堂補堂，和濼言原本課堂的其中3堂，完全一樣。
嘔血。

唔介意課室細細，可考慮同秀坊嘅蚊芝姑娘，同茂坊Joyful 嘅謝老師。蚊芝嘅親子playgroups,

謝老師嘅分離班都好好，學到唔少N班、K1面試技巧。

蚊芝姑娘

童樂fun紛社的親子playgroup ，創辦人係專業社工。上堂有自我介紹，音樂律動、messy play, 繪本故事，學守規矩。

濼言1歲左右上堂，唔鍾意messy play的意粉、麵粉。但2.5歲，就好鍾意返佢嘅學前班。最近見佢學識數1至10。

學前班

每期都有1堂親子戶外活動日。試過去足球場，玩陸運會，又去過小學的園圃耕種，了解農作物成長過程。上個月，佢哋學前班嘅小朋友，又去咗太和鄰里中心表演跳舞。上星期就去北潭涌度假營，玩集體遊戲，聽講座、踩平衡車。

每個月有1次家長講座，方便家長了解小朋友上課情況。

Joyful Creativity Academy (謝老師)

分離班 

大小手肌,認知,繪本故事 

茶點時間+free play

老師好有經驗，採用螺旋式教學，小朋友好快掌握到唔同主題嘅生字，例如：季節、天氣、味道、水果44。濼言整過龍舟、父親節領呔、母親節花花、筆插、手袋、車車，又試過上堂整pancakes.

每堂茶點都有不同的水果。

不時有配合節慶、季節的美勞小手工。

老師仲幫手戒片。

英文playgroups 

但係金迦、德智樂，都係中文playgroups. 英文語境嘅playgroups, 試過幾個。
Spring, Bauhaus, St. Hilary's, Boxhill, Tutor Time, 都唔啱心水。

Spring
Spring 玩嘅係Neurosense, Neurosteps, 學行路、玩messy play. 但係濼言大個喇。佢需要一個比較豐富的語境，同埋切合佢成長嘅需要。

不過佢嘅play area真係好正。課室內，又有另一個play area. Free play可以玩得好開心。

Bauhaus
Bauhaus係培養音感節奏，唱吓英文歌，跳吓舞。其實自己在家都做到。

St. Hilary's 
St. Hilary's 的free play 時間太長，唱遊又係播吓英文歌咁，我覺得冇必要特登搭車出太子上堂。
Boxhill其實係香港人教，play area 好細。

Tutor Time
Tutor Time好貴，仲要搭去元朗或者九龍塘。性價比唔值，加上我陀住5個月嘅細B,搭巴士會暈車浪，唔去喇。

Zebedee
最後，我幫阿仔報咗Zebedee, $110/堂，抵坃好多，同樣係外藉Net 老師教，仲喺返大埔，唔駛長途跋涉，搭車去灣仔。
又玩一排先，睇吓濼言鍾唔鍾意Zebedee嘅上堂模式、學習環境、老師。

不過升班後，$200/lesson; $380/2 lessons a week.

NIS 挪威國際學校

有免費試堂，1 hr/lesson

之後$200/lesson

對象：18-32 m

Little Vikings Free Trial Session

https://form.jotform.com/NIS_school/littlevikings_trial

濼言試堂當日，係香港人教師。全班得4個學生。課活動：唱遊、art craft整紙風鈴，認動物figures. 

最吸引係戶外遊樂場。不過好細。

VPP

等完咗5月嘅代課，我早上時間鬆動些，會安排返濼言，出尖沙咀上VPP, 習慣吓兩文三語嘅環境。

Magart

座落於粉嶺牽晴間的幼稚園，分離班都有2個Net上課。

Shichida (七田真）

近日報咗Shichida, 試吓閃卡記憶法，增加BB嘅辭彙量。

好多家長，認為佢嘅playgroup 好學術。上課時，每堂50分鐘，所有BB都會坐定定。BB會學ABC, 數字、聯想記憶，不過沒有大肌肉、小肌肉的訓練，全程坐低。

My gym

運動方面，佢試咗荃灣嘅My gym premium, 尖沙咀的My gym. 都好玩嘅。
如果再有自組，時間又夾到，都會再去玩。

黃竹坑都有間My gym, 地方更寬敞，設施更多更齊全。不過太遠，暫不考慮。

嚟緊會再幫佢報讀Minisports, 英文語境，學吓唔同嘅sports. 
游水方面，喺Stanford，免費試咗1堂。其實幾好嘅。教練又有心機教，佢有自己泳館，水質又乾淨，又多教具。濼言都學得唔錯。
不過，Stanford嘅學費好貴，每期都16-18堂。要報夠2期，學費才算划算些。但報3期，我又怕到時冬天，濼言上落水時會凍親。
暑假仲有好多泳會，都有暑期親子playgroup, 再諗諗先。

（後記：濼言而家跟泳會學游水，Miss Chan單對單教佢，而家識孭住浮板自己踢腳游水，可以喺池邊自己跳落水。

Fri

$1160/8 lessons 

Sat

$1320/8 lessons）