小補寶: 補習寒冬期

量地貓

補習寒冬期😟
為避免社區爆發武漢肺炎(新型冠狀病毒)，教育局宣佈停課、取消小六呈分試、文憑試延期，亦不鼓勵中學進行升中面試。
唔駛考試，就唔駛補習。唔駛面試，就唔駛上升中面試班。

Freelance jobs
網上找傻貓批改作文、翻譯、校對的人，也減少了。
這半個月，freelance收入，只有$290. 
（最搞笑係: 
其中一個學生，自己加價畀我，由$30 加到$50 ）


補習社
一星期仍舊返6日，但每堂只有小貓一兩隻。
（為保障學生健康，減低互相感染的機會，師生比例：1:1-2）
每日工作時間拉長了，但仍然有不少學生無故缺席，沒有提早通知。
（非常時期，算了。）


量地貓已經算幸運，本月學費仍然夠交屋租、舖租。
不過，大部分旅行社及補習社停業、整層（座？）商場，水靜河（鵝）飛。

1點？2點？6點？都係冇人

既然如此，不如休息。😜
買了來回機票，訂了首兩天住宿。
還問朋友借了旅遊書作參考。
能否成行，到時再想。😅

始終中港澳，已成為不少國家的眼中釘。
只要同機有人確診😷，大家就變成帶菌者。😫
但在港食飯、搭升降機，除下口罩，都有機會受感染。
口罩的效用，亦未必如傳聞中的厲害。
風險，幾時都有。
如果真的被拒入境，就自我隔離14日，睇吓書、做吓運動。都好。
去年年終無休，一日返幾份工，現在讓身心好好放假，也不錯。

不過剛才家長又打沉我了。

原來去完旅行，要自我隔離14天。
真的嗎？
我都係想出國行吓山，呼吸吓新鮮空氣咋喎。
要逃離負能量，仍須努力。