瘦身大作戰

自從辭職唔撈後，一直享受無拘無束嘅生活。

每日自然醒，肚餓就食，食飽就瞓。

點知噚晚同Hewitt 補習，佢話老師畀咗好多功課。其中一份係：點樣喺屋企，減卡路里？

咁我就同佢一齊搵吓資料啦。

跟住搵到呢個體脂計算器，就順手計吓自己咩環境啦。

唔計笑呵呵，一計嚇死貓。

竟然．．．．．．癡肥？？

明明一直自我感覺良好，原來好似<千與千尋>對父母咁，變咗人頭豬喇。

好啦，自己唔錫自己，仲點搵人錫自己？

貓貓瘦身大作戰，現在開始！！！

目標：一個月搣走 6 kg

方法：

1.      每天磅重　（偶然唔記得，都冇所謂啦）

2.      多喝水

3.      早瞓

4.      多食蔬果

5.      晚餐少食飯

6.      多吃白肉、少吃紅肉

7.      減零食　（唔係完全唔食喔）

8.      勤做運動