期權基礎課程回顧 (二)

 

靚太一直以9988阿里爸爸做例子。近日因國內的反壟斷法，以及螞蟻金服被煞停，阿里股價一直偏弱。

老師話: 如果我哋有貨，做咗short call, 就有權金收，唔駛睇住佢跌。
傻貓反思: 當上市公司的基本面出現變化，短期冇運行，最佳方法應該係換馬才對。
阿里係增長股，長線睇一樣偏好，但短期的機會成本，就咁被套牢。
如果先沽出前景不明朗的阿里，換現時市場的寵兒: 電動車的TSLA, 比亞廸, 或者新能源受惠股: 信義光能、新特能源，不是更好嗎?
如果方丈繼續追住阿里嚟打，我做咗short call, 未到到期日，唔敢沽出正股，咁就只會繼續做蟹。
如果我以為股價唔會升到行駛價，先行沽出，但估錯市，到時冇貨，要在市場買返嚟畀貨人，咁低沽高買，就算賺權金，都彌補唔到損失。

老師話: 想進步，就要實戰，這樣才可以改善心理質素，學識止蝕、止賺，真正提升財商。
只有輸入肉，記住那種痛楚，才能吸取教訓。
傻貓認同。不過，期權新手，乜都唔識，一定要控制注碼，唔可以愈開愈多期權合約。
仲有，naked short call, naked short put, 都有機會輸身家。必須避免。

市場資訊泛濫，但其實，新聞係消息末端，當散戶睇到新聞時，春江鴨已經早一步入貨/ 出貨。因此，在資訊不對等的情況吓，散戶聽消息買賣，很多時都摸頂入市/賤價沽貨。
市場有很多假消息，必須小心做fact check.

Short call: 
市好，可以set 目標; 市差，做保護
時間值是short side的好朋友。

傻貓疑問:
如果市好，我做咗short call. 其實係賭股價必定在某價格波幅浮動，唔會升穿行駛價。
但上星期，TSLA入SP500後，大家以為佢上升動力會減弱，結果卻出乎意料，佢極速升穿USD $800, 最高升至 USD $884.49. 如果做咗short call, 就要將正股拱手讓人。
目標價係到咗，止賺目的達到咗，但正股嘅升幅，就冇份喇。

傻貓曾經做short strangle, 當時選擇了700騰訊、1299友邦。

由於我已有1手騰訊，加上自己都幾肯定，我通常都摸頂入市😂，因此買入後，馬上做short call @$640, 同時開咗2張short put @ $520, $550. 
騰訊破頂後，需時整固。傻貓買入正股後，股價果然下跌。(燈神是我🎉)
是次操作，為我帶來$1053的回報。

事後反思，這操作有幾點要留意:
1. 市好，股價其實可以屢創新高。你畀貨人後，未必有勇氣，再即市買返。
你為自己的賠率設限，無論正股升幾多，你都只可以賺權金。
手上的正股，只係曾經屬於你。畀人，你捨得嗎?
2. 市差，其實可以更差。如果好似去年的港股長期熊市，你short put 只係用折扣價入貨，之後仍然要繼續捱價。

因此，選股時，盡量避免選擇市場熱炒的版塊/股票。如果揀呢類股票做期權，最好將行駛價，定得遠d, 再遠d......
咁應該搵咩股票呢?
Short call, 最好搵呆呆滯滯的舊經濟股，少少哋賺返權金幫補，都ok.
如果係打算用作後防的股票，做short put, 價低，唔怕坐，甚至有息派，咁都幾理想。

當然，也可以選擇做超價外的期權，不過權金當然冇咁吸引，回報率會低好多。

另外，為了獲得更佳回報，不宜即日做short strangle. Call價高，Put就低; 反之亦然。
解決方案:
股價升，差不多到自己的目標沽貨價，才做short call; 股價跌，差不多到自己的目標買入價，才做short put.

這樣操作，權金會多好多。

延伸閱讀: 期權基礎課程回顧 (一)