20210108 理財重讀生倉儲

近日伊面谷、勁人谷，都非常多有意思、高質素的分享，話題包羅萬有: 投資、營商、親子。
每日只看訊息，都佔了不少時間。 
閱讀速度減慢了。連自己的倉儲，都延誤了更新。
勁人谷發起檢視去年的投資年回報，但傻貓去年買了物業3, 又問妹妹、媽咪借了幾十萬投資，期間有入金、又因買樓而出金。
除了港股，又學買美股，還開了新戰場: 股票期權，結果，多次嘗試仍然唔識計自己的投資回報。大家都交了成績表喇。只有我，因為唔識計數，仲未交功課。
另外，以前我只用中銀買賣，被迫交高昂的手續費、存取股息費。現在又用耀才，又用IB, portfolio analyst 更複雜了。

也因此，我只做到2020年的股票期權年結，唔識做整個投資回報年結。

不過，單睇IB的portfolio analyst,好靚仔。耀才個戶口，都係賺嘅多，不過倉位只佔總投資組合的幾個percent,唔理喇。中銀主要係幫媽咪、一哥月供港股，自己只有少少月供的盈富基金，都唔理喇。

基本上近日的投資，傻貓的回報都幾可觀。我也分不清，因個市夠牛，好多人都贏錢，還是勁人谷他們眼光獨到，自己偶然抄功課，成績都唔錯。😜 

呢一刻，我個倉係咁:

Stock Value:		$1,394,141.59
Gain/ Lose:		$162,421.69

變動：

因為現在努力練習股票期權，正股操作大幅減少。
期權會另外寫月結，這裡就不重複了。

1. Dec 7: SOLD 20,000 8083 @ SEHK @ 2.24,  賺 $10157.34 (29%)
2. Dec 10: BOUGHT 20,000 1448 @SEHK @ 7.41

3. Dec 16: BOUGHT 30 FUTU @ 40.82

4. Dec 16: BOUGHT 10 TSLA @ 611.56

5. Dec 18: SOLD 10 TSLA @ 677.73,  賺 $5161.26

6. Dec 18: BOUGHT 1000000 55676 恒指瑞信三乙牛Ｊ@ $0.028, 蝕 $781

5. Dec 23: BOUGHT 10 TSLA @ 618.435
6. Dec 24: BOUGHT 12,000 697 @SEHK @ 2.24
7. Dec 29: BOUGHT 5 SE @ 181.97
8. Dec 29: BOUGHT 55 ARKK @ 123.75
9. Dec 31: BOUGHT 2,000 6690 @SEHK @ 27.95

檢討：

11本月繼續用持倉的舊經濟股，做covered short call. 同時short put 美國的新經濟股。

港鐵

之前$47.18入，以前唔識做short call, 觸底回升，帳面仍蝕 5.41%, 即 $9,584.19. 

$40暫時似乎已是支持位，慢慢觀察。經濟差，政府正路應該會加多d 基建，增加就業率。發展局局長自己都話：“本屆政府提倡「基建先行」及「創造容量」的規劃方式”，要達標，就要加快落實發展北環線。
另外，黃竹坑站5期招標，地價預計100億左右，現時已經收到37份意向書。

綜合而言，長遠基本面持續向好。傻貓會繼續持有，並用short call賺權金。

福壽園

呢隻係後房，升跌不大，我視佢為另類物管股。這版塊近來被冷待，我繼續用左側思維，長揸。不過，今次加注，時機不好，下次要再跌10-15%，才加注，增加安全邊際。

恆地

如果政府銳意增加土地供應，恆地、新地就可以將早年低價收購的農地，轉化為可變現利潤。
自從四叔退休後，他的兒子好像一直沒有甚麼作為。疫情下，樓盤銷售速度好像減慢了一點，但很多人預期的樓市大崩盤，卻一直沒有出現。

之前龔老師認為恆地比新地，質素更好，因為恆地有較多農地，發展潛力較大。
可是，我較看好新地，新地每次跌到$95附近，郭老太都會出手回購。當然，這不是唯一的考慮因素。可是，這舉動，確實顯示出管理層對自己的公司，相當有信心。

暫時繼續short call 恆地，到價畀貨人。同時short put新地，睇吓有冇機會接貨。

有贊

谷友減持時，我清倉。人哋增持，我壁上觀。

加倉時，有贊與首程同價，我考慮風險後，寧願買入短線走勢不佳的首程。結果，人人開香檳，我負責拍手。😂 見谷友賺錢，都好丫。
眼紅症，我一向都冇。不過，真係會怪責自己表現未如理想。

反思後，發現自己抄功課，賺咗過萬蚊，當時好開心，認為錢落咗袋，先安心。呢個錯誤觀念，真係要改。
蝕錢股票，唔見你沽? 賺錢，就急急腳止賺? 咁係自己整個賺錢天花板畀自己。
仲有，我唔夠信念，所以坐唔穩。以後，抄功課，一樣要仔細睇財務報表，搵資訊，了解自己持有嘅係咩股票，前景係點。

ARKK

契媽話攞返控股權，疑慮消除，重新買入。

騰訊

摸頂$626買入後，繼續用short call賺住先。

佢嘅手遊業務，受惠疫情，加上聖誕、元旦的節日，盈利穩定增長。《使命召喚》、《妄想山海》似乎都頗受歡迎。

另外，佢有份入股SE, BEKE等

FUTU

大家似乎已經忘記去年3月，美國股市曾經4次熔斷。近日，愈來愈多人想買股票。香港今日的股票大市成交額: 2703 億港元。 除了港交所，券商股應該最受惠。FUTU的客戶，既能買港股、美股，又可以買港股美股期權，而且它的app設計非常好，簡單易用，有齊財務報表，可做初步估值。另外，它的社交平台，讓用戶可以增加互動，交流對個股、大市的看法。
最重要的是: 散戶積極認購新股，每當有新股上市，大家就借埋孖展去搶去抽籤。抽到，好似中六合彩咁。你抽唔抽到唔緊要，券商借孖展畀你，就一定有息收。

現時FUTU比買入價，升咗54%. 

TSM

全球市值第10的TSM, 打破慢升格局，昨晚突然急升。12月營收1173.7億新台幣，同比增長13.6%. 我對半導體行業、芯片市場，認識不多。可是，飛鳥對台積電，了解非常透徹。

有興趣的朋友，可以睇返飛鳥介紹台積電的video. 睇完，可能你都會同意: 台積電，有買貴，冇買錯。嫌貴? 月供啦。

傻貓只知道: 台積電的訂單，多到接唔晒。現時產能，未能滿足需求，所以要加建廠房。
自從9月中買入第一注後，台積電一直穩步上揚，在$104-$107徘徊。我一直等位再加注。但好股係唔等人嘅。幾位谷友在$114左右加注，我卻猶豫不決。然後，它升到USD $126.29. 

TSLA

昨晚TSLA再急升，一晚升USD $50, Elon Musk 做咗全球首富。

我只有20股正股，還有1張short put TSLA. 雖然仲未係倍升股，但已經比買入價，上升75%, 即 HKD $60089. 
未來繼續睇實TSLA, NIO, 比亞廸的業績。現時除了short put, 乜都唔會做。

SE

呢隻係東南亞騰訊，業務還在虧損，好難估值。小注買入，再做功課。
SE既是電商股，也是手遊股。它的手遊業務 Garena, 提供騰訊的授權遊戲和第一方遊戲，為公司帶來不錯的盈利。同時，它以手遊業務的盈利，推動電商業務Shopee (蝦皮)。蝦皮是東南亞其中一個最大的電商平台，目前以燒錢的形式，擴大市佔率，吸引客戶，意圖建立行業的領導地位。

總結：

升市，莫估頂。還有，切勿以為自己能人所不能，走去沽空。你可以唔認同股市走勢，覺得個市好差，唔應該升咁多。不過，如果你嘅睇法，同市場唔同，就要付出血嘅代價。我作為小散戶，好怕摸頂，只好繼續short put心水股票，如果跌，咪用折扣價買嘢咯。同時，分注買入，減低一鋪清袋嘅機會。

仲有，我開始咗月供股票，平均成本法，可有效減低價格風險。還有，我開始儲待熊基金了。希望大市續升，我可以ride the wave. 而退潮時，仲可以有條泳褲著。