產檢：驗Ｂ鏈

 昨天去醫院進行乙型鏈球菌篩查。

前度的二姐，ＢＢ因腦膜炎，出生後，幾個月就做咗天使。二姐大受打擊，決心與爛賭丈夫離婚，辭去超市收銀員工作，移民去比利時，開始新生活。

 Ｂ鏈球菌，寄存在腸道、泌尿、生殖系統，大部分孕婦毫無病徵，只有少數有尿道炎。因此，懷孕３５—３７周，孕婦可選擇是否參加驗Ｂ鏈。免費檢查，又可預防BＢ出現腦膜炎、肺部及血液感染、腸道及腎臟問題、心率及血壓不穩定。

一哥請假陪診，但拒絕爬樓梯上９樓。白白浪費半小时，排隊等升降機。上到去，填健康申報表、小便失禁問卷。見醫生，只需２分鐘。醫生非常細心又專業，詳細解釋清楚驗Ｂ鏈的好處、如果中咗，又會點，減輕咗我好多憂慮。

原來就算中咗，都只係穿水後，話畀醫生知，就可以打靜脈抗生素，預防BＢ受感染。咁都冇咁驚。

醫生手勢非常純熟，在陰道、直腸，用一枝幼棒一插一抽，幾秒完成。完全唔痛。

媽咪谷有些媽媽，則分享被男醫生做篩查，好尶尬；有些則因為本身有痔瘡，被醫生一刮，痔瘡惡化。有些痛幾天，還未痛完。

聽到這些分享，傻貓真心感恩遇到好醫生。老實說，傻貓在瑪嘉烈的醫生、護士，還有北葵涌母嬰健康院所遇到的醫生、護士，全部都非常有愛心、專業。他們讓我知道，就算我遇上任何不可預知的難題，他們都會盡力幫我。我有孕後，身體狀況不斷變化，飽受困擾。可是，他們令我的懷孕期，感覺安心很多。