內地嚴禁補習，香港呢?

是我太杞人憂天? 看著新聞報導: "嚴禁私人補習收取費用"，傻貓真心不寒而慄。
怎樣橫蠻獨權的國家，才想得出事事規管，又人人必須聽命，不得異議?

內地教育政策，朝令夕改令人擔憂。

今年3月，中國開始嘗試監管私人補習市場，禁止晚上9時後，舉辦網上直播課堂、為學前班小童舉行學術輔導班。

6月，開始禁止在校內舉行補習班，周末亦禁止補習。校外輔導，特別是英文及數學課堂亦需要減少。

當時只吹風：新規定即將限制補習社、教育機構所收取的費用。

8月，網上開始廣傳大量影片：內地公安雷霆掃蕩補習社，補習老師因提供補習課程被捕。

安徽破門抓補習老師 學生面前粗暴執法

點擊視頻

今日可以突然出台一項政策，取締整個補習教育行業，下一個行業，又是甚麼？

知識有價，傳授知識，換取收入，有錯嗎?
有種錯，是國家話你錯，你就錯。

家中極少開電視，早餐看到茶記播出的新聞，我瞬間失去胃口。

一哥: ＂老婆，我驚你好快死呀＂
貓回過神，望望他。
佢: "政府嘅嘢，我哋控制唔到㗎。你樣樣都擔心，成日唔開心，我驚濼言出世冇耐，媽咪就死咗"

貓: "你睇，柏林圍牆，搞到d人想走都冇得走。
今日我哋唔走，第日會唔會冇得走?"
佢:＂到時先算啦。你見而家移民去馬來西亞、英國嘅人，好多都搵唔到工作。
佢哋好似難民咁，去到淨係食老本。佢哋嘅生活，唔見得一定比我哋好呀＂

貓：＂佢哋有自由"
佢："我哋喺香港，有工做，有屋企人，有朋友"

貓:＂我驚第日冇得補習😔"
佢：＂唔驚得咁多㗎，到時再擔心都唔遲啦＂
貓開始沉默。呢一日，可能嚟得比想像中快。

佢:"喺外面，盡量少講政治啦，唔知人哋點諗～
有咩返屋企講啦"
貓:＂我哋自己做言論審查＂
佢：＂我唔想你有事呀＂

幾時開始，連傾偈講嘢，都要諗過度過？
我好難過，好唔開心，好沮喪。