明明以前寫完就發洩完。
點解而家唔係咁。
我今日冇睇個市。隻long call 700, 就嚟蝕到變廢紙，但都係冇睇冇理佢。
一哥打嚟提我處理，我冇理。
我只係返咗補習社，改練習、聯絡家長、安排9月常規班課程的時間表、教材。
濼言不時彈吓彈吓，可能提我佢口渴、肚餓，但我冇理佢。
我只係好唔開心，好唔開心。
究竟我要唔開心幾耐？？？？？？？？
唔開心可以改變到乜嘢？？？
今日，知道表妹鈴鈴就嚟要返英國讀書。
唔知佢幾時再返嚟？還是在那邊定居？
五姨佢哋，會移民陪佢嗎?
身邊嘅朋友，一個一個咁走。
親戚家境比較好，就係五姨。
所以鈴鈴就走了。
本來，佢讀德望，讀得幾好。我曾經幫佢補習中文、英文。
佢好乖好勤力嘅。運動又叻。
不過，佢都要離開香港了。
媽咪谷有個谷友，BB 37週，突然冇心跳，要引產。
孕婦同樣要催生，要經歷生BB嘅痛楚，但佢生嘅，會係死嬰。
點解會咁樣？
醫生都解答唔到。
生咗出嚟，才能檢驗。
即係，BB死後，要解剖。
我睇到好驚，濼言咁輕，佢會健康順利出世嗎？？
現在35 週，頭入咗盆骨，原來仲未進入直路？
冇咗濼言，我都唔會再生第二個喇。
我身體虛弱，子宮寒，有孩子已經唔容易。
42歲，想再生，都冇乜機會。
而且，年紀愈大，體力愈差，相信都冇能力，成日帶小朋友去玩、去探索呢個世界、去陪佢做功課溫習、去行山跑步踩單車打波。
唔接受留言了。
我自己都唔知自己點解成日喊。大家鼓勵、關心嘅說話，我都收到了。
只係我仲係咁。我都好無奈，好無所適從。
這樣的喊包，好討厭。我好憎我自己。
無論走樣的身材，還是愛哭鬼，都一樣咁討厭。
喊，喊，喊，喊嚟有用咩？
究竟喊乜嘢？？？
好煩好煩好煩非常煩。
要改變，只能由自己開始。
唔可以畀自己繼續放負，唔可以再圍爐取暖。
我唔要將其他人，當成情緒垃圾筒。
我要努力學習自己堅強ｄ．
