BB好輕磅

今日返醫院照超聲波。

上次醫生懷疑BB個胃太細，話可能出世後，要做手術，擴闊食道。

今日醫生話，BB個胃正常，臍帶輸血正常，但濼言得1.9 kg.

34週6天了，媽咪谷嘅谷友，34週，BB一般多過2 kg.

有幾個BB早產，已經出咗世。

睇返電腦條curve line,濼言3次照超聲波，都係細B.留喺條底線，冇乜變動。

醫生話，2星期後，再返醫院檢查，再照超聲波。仲叫我取消母嬰健康院，下星期一嘅覆診。

聽完，我有啲擔心。

一哥請咗假陪診:"BB細d,咪仲容易生?"

"你同我都唔係牛高馬大，細粒唔緊要呀。最緊要健康。"

我諗起龍貓。世界可以好簡單，隨遇而安，會舒坦些。

每個BB都有佢嘅成長節奏。既然仲喺成長線上，就可以。

BB體積細，媽咪順產應該冇咁痛，會陰撕裂嘅情況，都冇咁嚴重。復原都快d啦。

一哥可以快d盡返老公嘅責任啦，唔駛成日自己解決，仲懶正義、為我著想咁去犧牲我。

出世後，濼言食多d有營養嘅嘢，都會泵大。總之，健康就好。

(雖然，我還是會想:

細粒嘅係我，唔係一哥。點解濼言似我咁細粒?

男仔太矮，好難識女朋友喎~)

講開食嘢，我最近食多咗，體重又颷升。但原來係肥貓唔肥B.

食咁多嘢，個肚真係大咗又重咗。行路條腰都攰咗，膝頭又痠軟。

腳水腫又搞到對腳成條象腿咁，行得好慢、好攰。

咁我不如keep返skip lunch,或者飲盒鮮奶當lunch. 

雪糕都唔食咁多喇，食完又咳、又肥。

咁多年都冇乜食雪糕，呢個月乜都彌補晒。夠了。