茶記小妹：清潔達人

貓思前想後😔，實在太厭惡搞衛生，毅然辭職。

但輔導話唔夠人~康師傅年紀大，唔想佢咁辛苦~最後，佢叫貓頂多1個月。

反正孤身一貓，晚上冇地方去、冇簿改、冇細路，唔駛睇功課，做多陣啦。

咁既然要做，貓就調整心態，同掃帚地拖互相認識吓～

一輪對望，都唔知點操作，只好厚著面皮，請教同事。

識期超nice, 教貓點拎、點掃，城哥睇到，忍俊不禁，傳授心法。

昨晚，每個卡位，貓都蹲下，逐寸地方、逐個角落打掃。原來唔駛咁樣。地拖，好濕超濕，拖抹好easy. 地面濕咗，就代表抹咗。

掃地抹地，比想像中容易。或者多試幾次，貓都可以成為清潔達人喇😤。

P.S.
收銀的雯雯靜靜告訴我，今日last day；新樓面笑姐，做咗1日就消失咗；今日原本有新人報到，結果no show. 她們說，這裡人工比外面低，又經常畀人鬧，唔好做。