傻貓美股初體驗

近日港股跌到嚇死貓。
之前自己計的和老師講的估值，都唔準。
大跌市，所有監察名單的股票，除了順豐，全部都跌破預估的可買入價。

美國申領失業救濟金嘅人數激增，各國出口術救市，到救市措施出爐，大家又話好消息已出盡，病毒變咗種，疫情可能比想像中嚴重　．．．．．大家都估嚟緊可能仲會跌跌跌。

不過個市根本就冇得估。你估佢跌，佢就升。你預佢升，佢就跌到暈。
睇咗少少關於投資美股嘅書，試吓買美股。

52週低位的IBKR

拉長睇，IBKR係從$15左右爬上嚟。要有做蟹嘅準備。

傻貓冇subscribe IB嘅報價功能。臨瞓入咗個低12%嘅買入價，大被蓋過頭就瞓咗。

瞓醒見到入咗。

似乎傻貓又撞牆喇。

港幣冇少到，美元變負數。
估計係唔小心，未兌換好美金，結果借咗孖展。
要等星期一，銀行開門，才能做外滙兌換。

星期一早上，已經成功沽出港元，買入美元。戶口的港元和美元，回復正數。

不過，明明IBKR的買入價係USD$41.21, 低過現價USD$41.42. 點解P&L 顯示-1.32K? CHNG 係咪change？ 點解-$1.7？