為了改善投資技巧，增加投資收入，傻貓一直孜孜不倦，努力學習。
Rain Sir 主力教技術分析，這和我所了解的價值投資，完全是兩回事。
不過，我發現可以先用價值投資，做好基本分析，了解股票的基本面，然後運用技術分析，增加勝率、賠率。簡單講，Rain Sir 教的方式，最重要是肯止蝕。
他每次都會研究很多圖表，再從中找出值博率高的對象。買入前，先定好止賺、止蝕位。
由於不太信任他教導的技巧，傻貓一直未有認真看待他的投資建議。
可是，近日留意到他建議的中國財險、TME, 騰訊，所定的止賺止蝕位，都很精準。
昨天Naspers宣佈減持騰訊後，本來還以為騰訊股價必定應聲下瀉。Rain Sir 卻參考3年前的情況，作出long call 投資建議。我看完就算了。但收市後，看看今日騰訊的股價走勢，竟然真的曾經升上 $629, 距離他建議的 $630 止賺位，只是 $1之遙。
我決定先放下成見，學習他那套技術分析。
圖一: 3 年前，即2018年 3 月，騰訊被大股東、南非傳媒巨企Naspers，旗下上市公司 Prosus 宣佈減持後的股價走勢。
暫時，我只懂得看趨勢線，以後再學到甚麼，再分享。
有意加入免費 Telegram group 的朋友，可以按此加入。
溫馨提示: 投資純屬個人操作，請勿胡亂跟風。嬴輸閣下自理，與人無尤。
(我極怕死，自己極少抄功課。即使抄功課，就算只是買低風險債券，都會仔細審視自己的風險胃納。)
個人認為, 技術分析其實被妖魔化左. 招式無好壞, 功力有深淺. 好多人技術分析做得唔好, 輸錢, 就怪技術分折, 話佢係旁門左道, 話價投先係玄門正宗. 其實不太公平. 技術分析一直有市場, 大把人靠佢揾食, 肯定有佢值得借鏡之處. 我自己唔識技術分析, 但網上聽過一句話, 幾有道理: 買股就好似追女仔咁. 價投就睇個女仔外表如何, 性格如何, 品德如何, 到底值唔值得追; 但就算揾到, 都唔係乜都唔理就狗衝, 都要用技術分折揾好時機, 例如等到佢同男友分手, 心情低落先出手. 揾到出手的最好時機, 成功率先會高.
ReplyDelete非常形象化嘅比喻👍😊
Delete等佢同男友分手，心情低落先出手。。好似有點那過，非君子所為，就算成功率高，這些錢也賺得不安心，用買股比喻追女仔，真的不太好，後者比較複雜多變化，那種一得一失的起落，非筆墨所能形容，師姐最有經驗。：）
ReplyDelete咦
Delete我又唔覺
好多荀盤，一早畀人mark咗霸咗，如果唔係遇啱好時機，人哋老婆/女友肯放手，咁真係未必輪到自己。
騰訊被Naspers減持，C基金之類才有機會用折讓價接貨。