小補寶: 逆境謀出路：視像上課 + 搵工

實在接受唔自己咁廢。😑

昨天用email, WhatsApp, 郵寄, 分別applied 3間學校。

為練習英文，嚟緊會多d用英文寫blog.

反正預咗冇人睇，繼續隨心寫，最重要係幫到自己: 理性思考、提升觀察力及語文能力、改善生活、人際關係、表達技巧。

今日開始，還會上公務員網站搵工。

另外，範疇不囿於教育，亦會申請翻譯、傳譯，以及其他任何傻貓能力所及的工作。

現時市道低迷，就業環境欠佳，傻貓有心理準備，搵工唔易，亦唔會好似以前咁，見一兩份工，就ok.

當然，一哥知道可能會好嬲。😥

佢成日話，有佢，傻貓只需要做自己喜歡的事: 彈琴、學日文、學德文、行山、跑步、約朋友去玩...... 

乜都好，總之唔好再搵工。🙄

補習社可以幾忙，佢見識過。

考試季節，傻貓通頂出練習、mock 卷畀學生，在家不斷改作文。

手踭手掌都因壓力出皮膚病, 佢知我痕, 又幫唔到忙。

佢總係擔心疫情減退後，貓時間分配唔好，又冇時間食嘢，唔夠時間瞓覺。

但係，傻貓最鍾意就係工作喔。

唔理啦，搵到工，再講佢知。😝

昨天開始 WhatsApp 部份家長、學生，了解他們暑假的英語學習情況。

不出所料，大部份家長，已因小朋友終日沉迷打機，怒火攻心。

小朋友亦自覺自己懶散。😂

部份家長、高中生，甚至主動要求上視像課程。😁

用Zoom，反正無論一堂還是N多堂，月費一樣。

上課模式的差異，亦不太影響學習效果。

貓就問多幾個，睇吓反應點先。

反應比想像中好。😃

大部份家長的反應，都非常正面。今天已有8位同學，轉視像上課。

之前傻貓擔心家長覺得hard sell, 所以一直被動等家長提出，才提供視像課程。

原來有時想像比現實，更可怕。