Thursday, April 29, 2021

中西合壁,治療懷孕期濕疹、便秘



今日好奔波。先去油麻地,廣華醫院,睇中醫。再去瑪嘉烈做第3次產前檢查。一哥預先請假,全日陪伴。

張醫師仔細審視上次藥單,話藥性算溫和,可能黃芩、首烏藤,治療皮膚病、祛風瀉火,但我體虛,以致服後多次肚瀉。



今次,她換了金銀花、墨旱蓮,只開2劑藥。服後感覺舒服,才再回去補購。這次藥單,可重配3次。之後再服用上次未完的沖劑。


張醫師詳細問我的飲食、作息習慣。說著說著,我又痛得哭起來。有BB後,情緒好像波動很大,又愛哭。不知怎的,活像個大喊包。
張醫師不斷提醒我:要放鬆,要勇敢。我快成為媽咪,日後生BB,仲痛喔。媽媽之所以偉大,因為她們都經歷過各種各樣的磨練。既然選擇要BB,就要有信心、能力,為他/她,遮風擋雨。

還有,既然這刻痔瘡比濕疹嚴重,我要先恢復吃蔬果。但仍然要戒菠蘿、芒果、壽司、酸、辣、煎、炸、生冷食物及飲品。

取藥後,一哥陪我去醫院睇西醫。

正常程序: 量血壓、驗尿睇血糖、磅重。

見完護士,見醫生。

醫生開咗好多藥畀我。



醫生見我成腳濕疹疤痕,開咗好多藥。口服藥、藥膏、藥水,都有。




口服藥,服後有睡意,副作用:口乾、便秘、噁心、肚痛、記憶力衰退、不能集中精神。

藥膏有分: 有類固醇的fluocinolone cream、冇類固醇的止痕膏。

而藥水,要稀釋後用,主治濕疹、腳癬。



便秘方面,畀咗收縮腫脹、減輕痛楚的痔瘡膏,還有口服嘅lactulose liquid. 



醫生做了肛探後,寫了轉介信,安排去外科,排期做手術。過程超痛。她戴上手套,翻開我那一粒粒提子,仔細檢查是否不涉陰道、子宮問題。我痛得不斷哀號、眼淚缺堤。




然後,她幫我檢查子宮頸,伸了一支工具進陰道,左探右探。有點不舒服,但不痛。她表示一切正常,出血的只是痔瘡。這是孕婦常見疾病,因為胎兒漸長,會壓著膀胱,不用太擔心。

跟著,她用儀器,讓我和一哥,聽胎兒心跳聲。BB看來很健康,心跳響亮、節奏穩定。

因為胎兒一切正常,她建議下次開始,可以去母嬰健康院。產前,只須回醫院2次,抽血驗葡萄糖、驗乙型鏈球菌。

3點半,我準時開始補習。上課前,竟然還有時間和一哥吃下午茶。他時間觀念極強,有他在旁,我永遠準時。

(第一次產檢,就因為我大頭蝦,冇去到。之後,他要我每次寫清楚日期、地點、做乜嘢檢查,WhatsApp他。他細心,總是一絲不苟,跟進得滴水不漏。)

3 comments:

  1. 總覺得婦科私人醫生用藥比公家醫院到位,可以同D學生家長打聽一下,兩手準備!

    ReplyDelete
    Replies
    1. 👌會睇情況
      食晒/用晒d藥,再決定

      Delete
  2. Hang in, everything will be ok.

    ReplyDelete