再讀“價值投資者的投資日記”

之前寫咗篇: 

"價值投資者的投資日記" 讀後感1

傻貓初接觸美股時，就是透過作者威廉人的Facebook專頁，認識FUTU, IQ, ZM，亦錄得盈利。

這本書的目標讀者是股票新手，作者在“投資前要知道的事”，分享建立股票觀察名單的方法、資產配置的技巧。對已經在股海浮沉20年的傻貓來說，這些都耳熟能詳。誠如<<論勢>>中，曹仁超所說: "致富之道，不在儲蓄，而在理財"。工作多年，有了第一、第二桶金後，儲蓄已經成為習慣。可是，每次大浪出現，傻貓仍然撲出去，空手接白刃，落得焦頭爛額。可見理財還是未夠功力。

由此可見，空有投資經驗，其實沒用。錯的路，走一百次，永遠都走不到目的地。既然自己沒有時間，也不想花這個心力，去研究、分析股票，擇時買賣的時機又差，不如先改善心理質素。

經歷過這2年的投資逆境，再讀此書，想法有點不一樣。之前，看書是為了改善投資回報。現在，看書是為了調整心態，至於回報，怎可能看完一兩本書，就點石成金?

為改善投資績效，近日重新開始，每天花1-2小時，閱讀投資書籍，了解市場資訊。
另外，不斷提醒自己: "不要妄圖預測未來"、"嚴守止蝕"。
現時，只餘月供股票，並在市場氣氛極差時，逐少增持。

投資，其實並非必須。每天工作繁重，放學後，還要趕去補習社上課，回家都晚上9點了。然後，和大B伴讀，認字卡、玩遊戲、沖涼、如廁練習，餵細B埋身飲奶，沖涼、換片。他們睡著後，輪到我做運動瘦身、沖涼、看書。每天都充實得很。所以，現時資產配置，只是簡單的股票+現金。沒有時間留意股市，就乾脆做自己擅長的事，好好過日子。以後，還是會不斷買入各類ETF, e.g. VT, VIX, VOO, 2800. 

最後，如果有讀者對此書有興趣，又不介意接收二手書，歡迎留言，寫低電郵地址，在荃灣或尖沙咀交收。時間互就。

參加bloggers飯局，反思投資方式

浠妤滿月了! 之前坐月乜都要戒口，今次難得有人吹雞，約得成，丟低2B，去飯局吹吹水。

餐廳靜靜哋，坐得幾舒服，食物質素唔錯，傾得放心，話題天南地北，隨心又真心，大家都有用心分享、回應，臨尾仲有魔術睇+玩。超正!😁😁😁

席間有blog友提起父子與驢嘅故事。傻貓好有共鳴。
買賣股票20幾年，雖然經歷幾次金融大浪，又金融風暴，又金融海嘯，但一直符碌過關。直至涉足牛熊證、窩輪、期權，貪騰不知輸，注碼愈落愈大，搞到 IB 槓桿咗成倍，儲蓄用晒去接貨，加上幾次踩地雷，中資股泡沫爆破、內地科網股被打壓，傻貓才再收心養性，每日用碎片化的時間，看看投資書籍，瞄瞄市場新聞，遠離報價apps.

不過，睇得投資書籍多，有時會覺得無所適從。
就好似嗰兩父子，路人甲乙丙丁講嘅嘢都啱㗎，但係邊樣最適合自己當下的處境和需要?


投資無常法。沒有一條公式，適合所有人。大家擁有的資本唔同，心理質素唔同，選股的模式、喜好唔同、投資年期和目標亦唔同，冇可能人哋話隻股好，自己就瞓身去買。
價值投資，好多人認為係王道。不過，都有人因為咁輸身家。
趨勢投資，睇圖表，好多人成功，賺大錢。不過你係咪真係識睇? 又係咪所有股票適合用圖表去睇、去設定買入賣出價?
就算平均成本法，如果你一直月供的是2800 盈富基金，呢幾年佢不斷高買低賣，超高價搶入碧桂園、小米之類，然後股價低殘時，就沽出並踢出基金。月供佢，喊都無謂。

對呢類耳仔軟嘅投資者，blog友有幾個相當有用嘅提議。

C:
"對你嚟講，個個都啱，全世界都啱，只有自己錯。希望有日你會搵到全世界都錯，自己先啱嘅感覺。投資贏家都係 profit from others' mistakes."
D:
"1. 控制注碼
2. 逆向思維操作，提升自己的分析能力。唔好高追。"

 P:
"最大嘅concern 係心態。
避免驕兵: 賺錢就心雄，亂買貨。
唔好自卑: 有時係時勢做英雄/狗雄，未必係自己能力問題。
勿扮天真: 呢個世界唔係贏就係啱，輸就係錯。(有幾多人一買就升，一賣就跌? 就算買中，賺咗，但係咪真係自己投資選擇正確?還是只是幸運?  同時，有時輸都未必完全關自己事。)
嚴守止蝕: 明知冇可能time/bet the market, 又未能beat the market, 唔想認輸，就係固執。"

對傻貓嚟講，而家湊兩個B, 全天候埋身餵奶、同大B講故事、認字卡、玩遊戲，已經好忙。
加上自己怕同社會脫節，兼且要搵吓真銀，出返嚟代課。放學再去補習社上堂。夜晚又繼續湊B, 忙到癡線。
投資，只能做最簡單、瞓得著嘅選項:
1. 月供股票，
2. 見低位，就撈少少指數股票、少量個股。原則: 分段、小注。

暫時呢個方式，自己覺得好舒服。
股票倉大上大落的日子，冇再出現一段時間了。
取而代之，係資產值慢慢上升，最近回升返去 2 百萬樓上。
如果市況慢慢好轉，股值回升，資產自然繼續成長；市況持續慘澹，就繼續慢慢吸納優質股票、指數基金，靜待牛一、牛二的降臨。

最後，承蒙讀者錯愛，要求交學費，學期權。
傻貓技不如人，對期權所知不多，之前只是記錄自己的買賣操作，大家充其量可視傻貓的blog做反面教材，切勿盲目投入資金。
傻貓之前亦因期權損手，沒有能力指導別人。
盼諒。

2023 Aug 股票交易記錄

 交易記錄

1. 20230810: BOUGHT 10 TSLA @ 243.61
2. 20230817: BOUGHT 5 VOO @ 405.8275
3. 20230824: BOUGHT 5 TSLA @ 229.86
4. 20230825: BOUGHT 200 1299 @SEHK @ 67.85

8月主要係買買買。Tesla, VOO都跌咗，我就低撈咗少少。友邦都6字頭，又買少少。

期權

1. Short call: 20230821: SOLD 1 TSLA Sep15'23 255 CALL @ 2.59

Tesla佔倉位近半，開咗1張short call.

股息收入

1. 20230801: 823 Cash Dividend HKD 1.188: HKD $7128
2. 20230804: 939 Cash Dividend HKD 0.4219867 per Share: HKD $4219.87

估唔到8月收股息都過萬蚊。現時建行股息率近10厘，傻貓會繼續分段買入，相信賺息蝕價問題不大。

月供股票

8 月份，月供咗
53股 （16）新鴻基地產 @ HKD $92.4
15股 （388）港交所 @ HKD $311

新地愈供愈跌，雖然有心理準備，還是開始懷疑自己是否選股失當。

下個月開始轉供另一隻股票/ETF.

回顧一下，中概股爆煲時，我手持的FUTU勁蝕。
3年前買入的物業3, 至今帳面雖有微利，但每月租不抵供。
4年前買入的物業2, 現時維修令未解，很多僭建、衛生問題。想沽售，但價錢毫不吸引。
只有物業1, 回報相當不錯，每月扣除所有開支，仍有$5000現金流。

想樓換樓，暫時仍未成功。
股票方面，2個戶口加埋，也只有區區幾百萬。
不能成功賣樓，在現時辣招下，也未能再買物業4。
如果買唔到，就不能在九龍塘/太子讀K1, 大B只可選擇大埔區的幼稚園。因為我寧願他多睡一會兒，也不想他每天花大量時間搭校巴。

租客交租愈來愈唔準時。
補習社的課堂也愈縮愈少。
今年開學，很多學生通知我: 他們移民了，謝謝多年來的教導。
我一方面為他們開展新生活高興，另一方面，也為自己的收入發愁。
雖然浠妤才10多天大，但媽咪已經答應了學校代課。爸爸片皮鴨般，切到自己3隻手指，工傷假1個月。這段時間，我要早上代課，下午補習，才可以錢銀鬆動些。
昨天2位攝影師，上門幫浠妤拍初生照。老實說，自己都覺得很任性。不過，訂金早已經付清。而且，哥哥之前沒有影newborn photos, 我至今仍覺遺憾。希望浠妤可以有自己一輯newborn photos. 日後看，可能挺有趣的。

星期六是補習的黃金時間，不過未來2個月，大B 在10月有很多open days, 11月也有很多面試。 收入肯定大幅減少。
只好再努力，找些代課工作，並減少不必要的支出吧。Playhouse去少一些， 每樣開支都減省些，日子還是可以過的。

浠妤黃疸留院

 因為偏細，提早催生。出生後，她一直很努力食奶。每2小時，自動自覺叫醒媽咪，埋身餵奶。
最近2天，因為哥哥搶她奶喝，她很乖，不爭不吵。讓哥哥先喝。
可是，媽咪卻沒留意，她原來不夠奶喝了。今日見她面黃，就帶去母嬰健康院看看。原來黃疸已337。270以上已超標，高危。

醫生寫了轉介信，即時入院。
到院，她入箱照燈，媽咪努力泵奶，揸奶，幫她換片'=。 
朝11出門，晚11才回到家。
浠妤仍留院。

累。

2023 July 股票交易記錄

組合比6月份，上升 2.58%

交易記錄

1. 20230707: BOUGHT 1,000 939 @SEHK @ 4.37
2. 20230616: SOLD 10 TSLA @ 257.28

期權

1. Long call:  BOUGHT 1 TSLA Jul21'23 295 CALL @ 9.95
2. 止蝕 SOLD 1 TSLA Jul21'23 295 CALL @ 4.55 (USD -542.09)
3. Short call: SOLD 1 TSLA Aug18'23 295 CALL @ 13.15
4. Short put: SOLD 1 700 Aug30'23 320 PUT (TCH) @SEHK @ 7.44
5. 止賺: BOUGHT 1 TSLA Aug18'23 295 CALL @ 3.45 (USD $967.89)

股息收入

1. 20230714: 2388: Cash Dividend HKD 0.91 per Share: $910
2. 20230713: TSM Cash Dividend USD 0.438987 per Share: USD $43.89
3. 20230731: QQQ: Payment in Lieu of Dividend: USD $8.57
4. 20230731: SPY: Cash Dividend USD 1.638367 per Share: USD $109.77

月供股票

7 月份，月供咗
52股 （16）新鴻基地產 @ HKD $94.85
7股 （388）港交所 @ HKD $287.4

最近港股、美股都跌咗少少。我慢慢地逐少吸納中。

另外，太子物業２、葵涌的出租樓，都在放售。
希望賣２間，可以買返１間，喺太子的３房單位。
方便大Ｂ嚟緊可能喺九龍塘／油尖旺返幼稚園。
暫時未有人還價。再看看吧。

我而家 36 wk 4 day. 已通知家長、學生: 9 月會休息一個月。
已經執好走佬袋。幾間收租物業的管理費，已經預先交咗。
有學校問我嚟緊９月起的可代課日期。我未知細B幾時出世，未覆。

屋企太多重覆用途的物品，清屋進行中。
已出售１ 個焗爐，送出１部ＢＢ車。
其他嬰幼兒玩具、電器、孭帶、ＢＢ車、投資書籍，待明天、星期一再處理。

大Ｂ２３個月大了。仍在密鑼緊鼓，預備K１面試的技巧、大小手肌、字卡： 生果、顏色、形狀、動物、數字、字母。
Ｅｄｄｙ仍未能分辨英文大細階。
對答亦只能講簡單叠字。
英文辭彙明顯多過中文好多，我仍然盡量全英和他溝通，怕他語言混淆。
但一星期，２天中文 playgroups, 加上表哥表姐、爸爸都和他用廣東話溝通，他的中文好像還是不行。
工人姐姐又將中文字卡收到她自己都找不到。很多同齡寶寶都能流俐溝通，表達自己。有些已經可以完整唱畢好幾首兒歌。
Ｅｄｄｙ仍然未能用語言，清楚表達自己。中文字好像完全不懂。
１１月就面試了。擔心死我了。

懷孕後期: 假宮縮、流啡

 雖然Abby和Eddy 一樣，體型偏細，不過佢34周已經2 kg. 所以還是比哥哥大隻一些。
她的頭部已經在盤骨，現在不時肚硬、流啡、假宮縮。

最近總是口渴，肚餓，有時晚上抽筋。
餵Eddy埋身夜奶時，宮縮情況會比較嚴重。
不過唔埋身，Eddy又瞓得唔好，一晚醒幾次。每次都嚷著媽媽媽媽媽，要埋身，才可以再次進入夢鄉。

他的playgroups被我cut到只剩金迦。

K1的面試內容，大部份都掌握了。只是Eddy仍然不太願意說完整句子。

之前一星期，日日識講vivi, poo poo, 去坐座廁寶寶。現在倒退了。
相信是上次被我罵完後，他哭慘了，之後才不肯再找座廁寶寶。

最近開始返行山，不過抱住Eddy, 行得有點吃力，而且很慢很慢。
游水，一星期一次，每次1小時左右，還好，每次都好舒服。

還有幾星期，Abby出世，工人姐姐已經收拾好衣櫃，將所有衣服，跟月齡分妥。
工人還整理好儲物室，清理好花園雜草，重新栽種了蕃薯、意大利生菜，又打理好我那一堆盆栽: 吊蘭、龍尾草、常春花、蘆薈、到手香。

這位工人姐姐，雖然非常善忘、不懂煮食、不懂用電器，不過很疼濼言，也會自己找家務做，暫時還是很好的。

工人姐姐開工

工人姐姐昨天抵港，即日已經收拾好她自己的房間、客飯廳，今日就清潔咗洗手間、廚房，曬咗被舖。

佢做嘢好勤力，但係唔識用鎖匙，唔識用電器，唔識分辨我邊d嘢有用冇用，唔識煮嘢食，唔識廣東話。

不過佢同濼言相處唔錯，相信會好錫濼言，就只怕她會寵壞他。

佢邊日放假都可以，晨早6點幾已經做緊家務。雖然我3點半起身，不過都係睇吓書，整理吓筆記，唔會做家務。而家有人執吓屋，都幾好。食完嘢，又唔駛自己洗。

今日雖然只得3堂，1堂義教，2堂補習社。但係都好攰。

肚愈來愈大，好重。行得好慢。之前一直懶，唔想做運動。而家有工人姐姐，我可以去行返山，游吓水。希望減到磅。我唔想胎大難產。

2023 June 股票交易記錄 （實戰倉單月升幅達13%)

June 交易記錄

1. 20230607: SOLD 10 TSLA @ 221.85
2. 20230616: SOLD 10 TSLA @ 257.28

股息收入

1. 20230605: 700: Cash Dividend HKD 2.40 per Share: $720
2. 20230630: 1448:Cash Dividend HKD 0.0758 per Share: $530
3. 20230628: VTI: Cash Dividend USD 0.8265 per Share: USD $4.13

受惠港股美股回升，特別是佔倉位過半的Tesla 升勢凌厲，股票倉比上月底，升幅達13%, 具體增加金額達 HKD $249,905.84
股票倉終於突破200萬。

月供股票

6 月份，月供咗
48股 （16）新鴻基地產
7股 （388）港交所

7月開始，因為天氣愈來愈熱，肚皮愈來愈大，濼言愈來愈重，抱他出入都有點吃力，腰痛也重新困擾我。開始減少 playgroups.
未來3個月，只keep 金迦，七田真。
7月，德智樂亦安排了3堂免費補堂。7，8月，濼言1星期1堂學游水。
在家增加 認知訓練，大小肌肉訓練，如廁。
而且表哥表姐開始放暑假，其他相近月齡的小朋友，都多咗時間，參加 gatherings, 濼言有足夠的社交活動，就不報太多playgroups 了。

所以，7，8月會有比較充裕的資金，逐少買入股票。同時，會增加月供股票的金額，並增加 1 隻港股。

預備K1面試

Eddy 快將2歲。
透過字卡、繪本故事、巧虎和 DWE 的 DVDs, 他已經可以準確理解中、英文大部份日常用語，並用單字或叠字，表達自己的情緒、愛惡、想法。
他也能成功辨認到大部份的農場動物、寵物、水果、形狀、五官。手抓板也能迅速準確配對。
可是，還未懂說句子

由於他說話能力稍遜，媽媽只好集中訓練他的認知能力、社交能力、禮貌、大小肌肉。
家中 DIY 和 free 回來的玩具，堆積如山，不過暫時也無暇收拾。每個月做一次的 toy rotation, 現在也暫停了。肚子愈來愈大，蹲下、彎腰、俯伏地上，找沙發下、攀爬架附近、床底那些失落的玩具，難度太高。

不過，DIY 玩具給Eddy, 仍然是媽咪最喜愛的活動。昨天在 playgroup, 主題是海灘。看到 Eddy 力氣不夠，只能 roll, kick the beach balls, 未做到 throw the balls的動作。所以昨晚用紙盒，自製了一個 sensory play activity. 他很投入地玩了半小時。雖然上臂肌肉仍然未能運用自如，彩色波波總是拋在紙盒下，我相信稍加練習，他拋出的波波，很快就可以黏在紙盒的膠紙上。

現在只須再複習日常用品、數字、英文字母的大細階，同時練習串珠、扭螺絲、穿繩、砌Lego. 

最近總是憂心。
二舅父病情轉差，大小便失禁，腎功能極弱，手乏力，不能自行進食。媽咪每天都去探望他。
工人 July 19 才到。
沒有人照顧濼言。我被迫一星期只能工作3天。每天只能教一堂。這3 天，媽咪會帶濼言去醫院，探望二舅父。醫院多病菌，但我又沒有更好辦法。補習收入也大減。

細B已經頭向下，從胎動及肚皮脹大的速度來看，她早產已是定局。
她出世後，我就沒有這麼多時間，教導濼言。
他還有機會學習倒退。
我仍未整理好K1的面試資料，例如: 報名日期、所須文件、面試日期、收費 (報名費、K1學費、校車費、午膳費、茶點費、補習費、興趣班收費、書包、校服、其他雜費)，當然還有學校的文化、教學模式、口碑、升小學的分派結果。

昨天出了去大澳，帶濼言體驗舢舨遊，只有早上有時間教他認顏色，捉魚魚，練小手肌。
今日伴讀了一本巧虎遊戲書 (5月)、用蛋盒和雪條棍來辨認紅、藍色、玩貼貼書來辨認不同的魚類、數字、英文字母、一齊睇Ms Rachel 學生字和baby sign language, 講咗一本英文故事書，一齊食早午餐，然後我就趕出去補習。

好多好多工作未做。好緊張好擔心。手指甲都被我咬到隻隻流晒血。但我又快唔到。每日只能在濼言小睡時，逐樣整理。連toy rotation, book rotation, 今個月都未做。明天濼言又要去那打素覆診。現在不可以踩單車，搭車轉車都很花時間。媽咪我很累。

又退谷： 23年9月媽媽谷

上次退咗21年9月媽媽谷，今次到23年9月媽媽谷。

我太傻，對陌生人都交心，推心置腹，佢哋問請外傭嘅嘢，我答；問外傭時間表，house rule, 我畀佢哋。問BB playgroups, 我又答。我覺得，大家都係9月BB媽媽，我知嘅，都盡量答。大家互相幫忙，生活會簡單舒服好多。

今日講起做full time mom, working mom, 遇到嘅情況，我又講吓。
但原來自已開補習社，每日做個半鐘，賺到錢，夠交租和日常開支，很多人覺得不可思議。
有樓收租，係人上人。BB返幾個 playgroups, 係有錢人，強迫BB承受壓力。
細B唔返playgroups, 就唔公平。大B考名幼，細B讀屋村幼稚園，又唔公平。

其實2個BB, 都咁細，好多嘢都未落實。
大B考唔考得入名幼，沒有人知道。細B之前check咗頸皮過厚，有機會唐氏，或其他基因問題。
加上我妊娠糖尿，細B會幾時出世，是否健康，好多都係未知數。

大B係一早plan好，細B不請自來。
不過都係神賜的禮物。
我會盡量一視同仁。
不過，十隻手指都有長短，點解要畀一模一樣的待遇，才是公平？
小朋友的性格和能力，都未顯現，甚至細B仲未出世，這些媽咪，為細B抱不平，有意義嗎？

如果能力所及，我當然會提供資源，給兩個小朋友，盡情追夢，發展所長。
否則，先照顧大B, 有何問題？

初生嬰兒，起初2年，根本所費無幾。
只要不讀playgroups, 每個月已經省下2萬幾蚊。
哥哥讀到好學校，妹妹報讀時，都可以加分。
先照顧哥哥，為他預備K1 interview, 才是此時傻貓可以做的事情。

如果妹妹實在能力稍遜，或者不幸唐氏，所有計劃要推倒重來。
這些不是我能力範圍內的事情。不去想了。

另外，妹妹愈來愈大，早產機會大。可能做8月BB. 
退出9月谷，也沒所謂吧。

而且這些媽咪，好像和其他谷的媽咪很不一樣。她們對名幼好抗拒，偏向讓小朋友開心輕鬆成長。
其實，讀名幼，不見得特別辛苦或大壓力。
我都有打算幫大B報券校，不過都要睇佢面試表現。

工人本來話6月尾，7月頭到。現時仍音訊全無。
我都好擔心。

補習社今年的暑期班，報名人數驟降，很多學生都外遊，移民。
頭痛。

一哥轉工後，待在家的時間長了，經常煮食和洗衫晾衫，執屋，清潔。
但收入大幅減少。
之前每個月，有5千蚊，入家庭基金，仲有$1500，做月供股票，$1500做大B的教育醫療基金。
現在每月只有$3000, 點分配，佢叫我諗。我索性做晒月供港股。唔駛用腦。

距離細B出世日期愈近，我愈多嘢擔心。好多時都諗吓諗吓就想喊。
係大B愛笑，會拍我手臂，哄我。

早兩天，爸爸帶他出九龍塘上playgroup, 讓我留家練琴睇書。
不過9月谷有媽咪分享，大仔生日，她不想和奶奶一起，慶祝BB 1歲生日。
我想到： 濼言都會長大，新抱到時不喜歡我，不讓我參與我孫仔的生日會，心就碎了。
濼言揀老婆，我只可以尊重他的選擇。可是，新抱的成長背景不同，原生家庭不同，她可能有各種原因，不喜歡我。人和人相處就是這樣，沒有公式，只有緣份。
然後，我就哭個天昏地暗，整整一小時，好像在大海，不斷漂浮，呼救無門。
沒有濼言在身邊，我可能又有產前抑鬱了。

所以，還是退出媽媽谷吧。話不投機，半句多。我自已又習慣胡思亂想，凡事過份認真，對人太坦白。現時被圍攻，也是自找的。誰叫我這麼多言。
有時間，好好陪濼言，陪一哥，搞好補習社，見見朋友，練練琴，睇多幾本投資書籍，更好。

明天又要回醫院覆診了。明天是第一天轉醫院，重新開file. 希望壓力沒有這麼大。
也希望明天覆診後，趕得及回補習社，準時上課。

K班面試問咩？(持續更新)

小朋友講自己個名 ，幾多歲

要識答：

今日邊個同你一齊黎呀？

你坐咩車過黎架？

鐘意食咩？

鐘意做啲咩？

學認知：

分形狀 分顏色 分大小  

動物

練小手肌：

玩lego ，玩多啲手抓板 ，分類，串珠

練下大肌肉：

去多啲公園爬下 玩下瀡滑梯

一哥月供港交所 #1

呢個月供倉，一哥肯畀錢就繼續供，冇錢就停。

一哥 （月供: 港交所）
388 港交所	月供金額	數量	平均買入價
Jun-23	HK$2,790	9	HK$310.00
總計	HK$2,790	9	HK$310.00
			HK$310.00

港股恒指現時20,040.37, 短炒我唔識，但長遠計，港交所應該有月供價值，回報應該ok.
參考過去5年的港交所股價表現。
過去股價，不代表未來。
不過，除非對香港前途絕望，對港股死心，否則，現價的港交所，真係唔算好貴。

佢個倉有:

一哥倉儲
Date	Sold	Symbol	Stock	Bought	Sold	Last	Volume	Value	Gain/lose		Trading fee	Dividend
18/12/2019		6823	香港電訊－ＳＳ	$11.14		$9.27	250	$2,317.50	$61.59	2.21%	$8.26	$537.36
10/12/2020		SPY	SPDR S&P 500 ETF Trust	$411.92		$439.46	18	$61,602.10	$4,130.36	7.14%	$8.71
19/03/2021		QQQ	Invesco QQQ Trust	$338.92		$367.93	8	$22,922.33	$1,875.47	8.91%	$6.55
13/06/2023		0388	港交所	$310.00		$317.00	9	$22,218.02	$567.62	2.62%	$0.00

一哥的新工作環境

 一哥: "個廚房大佬，新升上去，叫貨唔齊，冇腐乳，但午餐餐牌，出腐乳蒸雞😂。然後話班細嘅，點解唔提佢，又唔寫貨。不過，係佢自己負責寫貨㗎喎"

佢: "廚房行10個人，不過大佬成日叫人去休息、食飯、食煙，長期得2-3個人，做緊嘢"

"佢要大家跟配方煮嘢食，但西餐乜都落雞粉。好多西餐嘅材料，都係中餐嘢。
到我整羅宋湯時，佢又叫我唔駛跟配方，我自己做開點就點。
咁我唔理啦，佢話咩就咩啦~"

"嘩，班靚仔好嘥嘢呀。碟碟飯都夠2個人食。
d醬汁好核突，杰撻撻咁。仲落好多味精。
個雪櫃，唔凍嘅"

"同事問我: "咦，點解你個個位都企到，咩都識嘅?
聽講你以前係老細嘅同事?

我答:"哦，一齊做過吓嘢咁啦。"

我唔會話畀人知，自己以前做總廚，睇5間分店，個個位都識做
做嘢啫，唔係識朋友，唔駛認叻。
總之，做到咪做咯。

大佬叫做咩，咪跟咯。
總之，我要返早收早。
老細畀到我，就得㗎喇。

人工，以前底薪$37000, 仲有花紅。而家老底$30000. 
不過，對生活冇影響。
老婆，你唔駛擔心呀~
可以放工同你哋食飯，我好開心㗎喇"

-----------------------------------

由同細佬拍住上，行3個人嘅廚房，一下子，跳返去10個人嘅廚房。
由電爐，變返明火。廚房成日都好熱。我見一哥返嚟，d衫好臭好大汗味。對腳都係，好似全日畀水浸泡住，一除鞋，就臭氣薰天。

佢好多嘢都睇唔慣。話唔會做得長，不過會留低最少半年。學吓嘢，識吓人。將來有機會，開返間細舖仔。

其實，傻貓好怕不斷轉變的工作、居住環境。
不過，一哥的工作，由他自己去想去計劃。我管好自己就夠。

暫時，一哥仲喺度適應緊新嘅工作環境。由廚房大佬，變返散仔。落差好大。
不過佢冇怨天尤人，冇數不完嘅投訴，每次都輕描淡寫咁，講佢返工嘅所見所聞。有時聽落都幾有趣。
最唔慣反而係: 佢每日都打幾次電話嚟，傾閒偈。
以前返工，就全日唔見人。而家佢成日都break. 每次break 都30分鐘左右。
我唔慣講電話，都冇咁多嘢傾。有時間，睇吓書，聽吓止凡Patreon, 整教具畀濼言玩，仲好。
但我又唔可以咁樣講。

老公催沽Tesla

我真係覺得佢好煩

自從知道我重倉Tesla, 佔倉位超過一半，就由 USD $140起，不斷做人肉報價機。
佢同朋友聚會，都打電話嚟，叫我沽售TSLA.

開頭我好乖，5股10股咁賣。至今已經賣咗唔少。

TSLA急升，佢催賣得更急更頻繁。

其實，錢係我嘅，我又唔等錢駛，點解成日要催我賣股票。

我講咗好多次，唔需要佢報價。唔駛佢理我投資嘅嘢。

我買股票，都冇同佢商量。點解佢要催我賣? 

我持倉多，但我唔覺有問題，亦冇壓力。

我唔覺得經營環境真係咁差。美國加息減息，有個知字就算。

TSLA的管理層、營運模式、經營環境，又冇乜大嘅負面轉變。

佢唔報價，我根本就唔會無啦啦開app睇報價。

最近TSM, TSLA都升返好多，本來係好事。

但而家知道自己之前早咗沽貨，賺少好多，心情非常不好。

佢成日話，細B 9月出世，叫我放晒所有股票。

我想問: 係咪生仔前，要賣埋所有物業? 揸現金，又有咩好處?
我買我賣，關佢咩事?
純粹因為股價急升，就要沽售股票，我覺得非常不合理。

我從來冇干涉佢投資、投機: 買期權、買牛熊證。
我而家持有的都係正股，仲有幾張期權，都係自己能力可以負擔嘅。

戶口一堆現金，有咩用?
嬲咗。

2023 May 股票交易記錄

May 交易記錄

20230508: BOUGHT 100 388 @SEHK @ 318.2
20230516: SOLD 2 2388 Jun29'23 24 PUT (BOC) @SEHK @ 0.43
20230516: BOUGHT 100 388 @SEHK @ 310.6
20230519: SOLD 20 TSLA @ 174.895
20230530: BOUGHT 100 700 @ SEHK @ 323.52 (SP期權被行駛: 權金: $648; 行駛價: $330)

港交所

港交所現價 $302.4, 比我在5月的2次買入價，都要低。
現價唔算好貴，有餘錢，就繼續慢慢買入。

騰訊

而家儲夠4手，9月時，可以交貨畀人。現價 $334.2, 但我之前3次的買入價，分別係:
20230221: BOUGHT 100 700 @SEHK @ 366.8
20230310: BOUGHT 200 700 @SEHK @ 332.4
20230530: BOUGHT 100 700 @SEHK @ 323.52 

平均買入價: $340.9

9月可能被行駛的騰訊期權:
700 28SEP23 294.44 (權金: $19.73; 行駛價 $294.44)

(294.4+19.73)*400-(366.8 * 100 + 332 * 200 + 323.52 * 100)
=-$9780

帳面虧損 $9780

只能繼續觀察 騰訊，如果股價較低殘，會繼續慢慢買入。

TSLA

Tesla 的升勢很驚人。傻貓又早咗沽出。
現價 $213.97, 我卻於$174.895, 就沽咗 20 股。

20230421: BOUGHT 10 TSLA @ 163.38
20230426: BOUGHT 10 TSLA @ 155.68
20230519: SOLD 20 TSLA @ 174.895

埋單計數，賺咗 USD $307.3

現時尚有465股。

檢討

幸好而家冇以前咁衝動，一口氣大手買入，或賣出。

不過短炒真係唔適合我。今個月再沾手期權short put, 又衰咗，要接貨。
雖然之後騰訊股價急升，高於我的行駛價，但再次證實，我不適合運用期權。

最近沒有太大意欲睇股市。在中銀設立了月供股票，每個月，月供 $10000. 

12月時再檢討成效。

當股市早前跌跌不休時，傻貓開始時，還會"低吸"一下，但當股價繼續跌，我卻轉為觀望。人性就是這樣吧? 但卻無助投資表現。

不要緊。傻貓覺得: 港股再下跌的機會不小。
只是現時恒指只有不夠19000點，慢慢分段入市，還是可以的。
短期的升升跌跌，不值一提。

一哥轉新工了，返早放早。
我不用每天清早起床，出去和他吃早餐。
每天早上，多出很多時間，落田、種菜、淋花、閱讀、和BB溫習字卡，食早餐，訓練他如厠、玩 sensory play, 手抓板，學認字、說話。
可是，我的拖延症嚴重，很多時都要搭的士出入，才能趕及補習、帶囝仔返playgroups.

不過，這星期，已經看完3本書。未來幾天，可以慢慢消化，寫寫讀後感。

咁多款點讀筆，點揀好？

BB 開始對閱讀產生興趣，日日都會主動攞書，請媽咪講故事。

媽咪忙緊其他嘢，佢就自己攞點讀筆，逐本書點點點。

傻貓家，有好幾款點讀書，例如Food超人系列，Baby all, ORT (Oxford Reading Tree). 不過，如果大家想一筆走天涯，可以考慮以下呢幾款：

小達人

✅ 價錢比較相宜

✅ 外型簡單，好揸手

✅操作簡單，無多餘功能

❎音質一般

❎可以讀到內地大量老翻點讀書，不過需要自己下載點讀檔再用usb放落支筆度，而通常賣家啲點讀檔都係擺上百度網盤，下載速度非常慢

✅有點讀貼紙，可以將YouTube啲read aloud video或者買書送既CD轉檔(需另外自己download software)，將書變做點讀書

✅有錄音貼紙，媽媽們可以自己錄自己把聲做點讀書

小蝌蚪

✅價錢比較相宜

❎比較重，因為有個大頭，唔係咁好揸

❎音質一般

❎有啲唔多用到既功能，例如播兒歌，微信對話，小朋友有時會唔小心按錯去左第二度

✅同小達人一樣，可以讀到內地大量老翻點讀書，基本上小達人讀到既，佢都讀到，不過佢有Wi-Fi自動下載點讀檔，算方便既，下載速度唔快，但好在佢可以一邊下載，小朋友一邊玩住先，只係反應會慢少少

❎下載點讀檔時需要開住支筆，但唔用佢又會叫，有啲煩

❎佢有個鏡頭可以scan書封面，然後當小朋友揭書佢會跟住自己讀，我覺得有啲雞肋既，因為佢load既速度比較慢，小朋友無咁好耐性等

❎無點讀貼紙/錄音貼紙

毛毛蟲

✅價錢貴少少

✅外型靚，算好揸手，不過聽聞有好多小朋友會多手搞爛毛毛蟲兩條觸鬚

✅音質幾好

❎有啲唔多用到既功能，例如播兒歌，微信對話，小朋友有時會唔小心按錯去左第二度

✅讀內地正版圖書，例如ORT內地版

✅有Wi-Fi自動下載點讀檔，方便，下載速度快

✅有點讀貼紙，可以將YouTube啲read aloud video或者買書送既CD轉檔(需另外自己download software)，將書變做點讀書

✅有錄音貼紙，媽媽們可以自己錄自己把聲做點讀書，但錄音貼紙有限，跟機有600張，加購再有300張

Kidsread

❎價錢最貴

✅外型簡單，好輕便，好揸手

✅操作簡單，無多餘功能

✅音質非常好

✅讀正版圖書，除左英文書，有台灣出既繁體字書，有廣東話點讀同教材，但書既數量唔多，同埋貴

❎要自行下載點讀檔入落支筆

✅點讀貼紙同錄音貼紙通用，可以將YouTube啲read aloud video或者買書送既CD轉檔，將書變做點讀書或者媽媽們可以自己錄自己把聲做點讀書

✅貼紙有分層，同一個貼紙可以錄兩個唔同音檔

✅有免費software，可以一次過改大量音檔既file name，方便自己整點讀書，另外可以將CD 音檔轉做點讀音檔格式

✅有兒歌卡，可以自制兒歌playlist 播兒歌

面試外傭問題 (Part 2: 照顧 newborn 初生嬰兒篇)

 

新手媽媽，想請工人姐姐湊初生BB, 面試時，應該問咩好? 點先知道，對方係咪自己想請嘅人，係咪真係幫到手? 個工人係咪真係識照顧初生BB?

可以參考吓呢d問題，睇吓幫唔幫到你?

1. Can you describe your approach to maintaining a clean and hygienic environment, especially for a baby?

2. Have you ever handled a situation where a baby is sick or has a fever? What did you do?

3. Can you record my baby's daily activities, such as feeding, sleep, and diaper changes, if necessary?

4. What kinds of activities or playtime will you engage in with my baby?

5. Are you comfortable with handling and administering medication if necessary? Such as feeding medicine or staying at hospital overnight with my baby 

6. How do you handle situations where my baby is fussy or inconsolable?

7. Have you ever dealt with a baby who has special needs or requires additional medical attention? If so, can you describe your experience?

8. How would you handle situations where the baby is in distress or needs urgent attention?

9. Are you comfortable with taking care of the baby at midnight occasionally?

10. Are you willing to undergo additional training or certification in infant care, if necessary?

11. Can you tell me how to make formula milk? And how do you sterilize milk bottles?

12. If my baby keeps crying loudly even after drinking milk and having enough sleep, what will you do?

13. How do you know if the baby is sick? What will you do if so?

14. What will you do if my baby is pushed by other kids and/or gets hurt at playgrounds? 

Shichida 七田真 值得上嗎？

好多人話：七田真係學術playgroup,冇大肌肉訓練，冇free play. 整整50分鐘，BB圍住張枱，專注地望實老師，透過 flashcards, memory games, 認圖片、學生字、訓練記憶力。

我仔 20 m, 上緊 Explorer 2, 又分享吓，佢上堂嘅情況。大家自己再諗諗，適唔適合自己嘅小朋友，係咪自己想要嘅教學方法，或者想做到嘅效果。

第1堂嘅Explorer II 係咁嘅：

上堂時，好多環節

1. 認beach圖片

畀3幅相，撈亂

請BB認Beach

2. 認texture: bumpy (rough) VS smooth

3. 手拿7幅圖，反轉，請BB認，邊幅係phone, robot, elephant, etc

4. flashcards

time: 1 thirty, 2 thirty ... 12 thirty

gesture: nod, shake, up, down, etc.

5. 認numbers

見到“3”字，搖手鈴

6. 睇abc 字卡，指畀BB睇

7. 畀細階f to j, 要BB martch返大階嘅F to J

8. 畫圓形、cross

9. 睇YouTube, 聽phonics song

A is for Apple, Ap ap Apple, B is for bal, b b ball...

https://youtu.be/BELlZKpi1Zs

10. 記3幅蔬果照片

左：cabbage，中：tomato，右：yellow bell pepper

再畀張白紙BB,要由左至右，正確貼返那3幅照片

下課前，老師會畀功課。今個星期嘅功課：

1. 辨認beach圖片，以及喺沙灘可進行嘅活動

2. 在家玩動力沙，砌城堡

3. 透過蜆殼，認數字1-10，及排次序

4. 伴讀圖書

5. 記吓3個字母嘅英文字

6. 連線：記吓大階細階嘅英文字（不過Eddy已經做認得晒，反而連線難少少，佢直線劃唔直）

7. 畫圓圈，Eddy喜歡亂畫不規則線條，我之前都鼓勵佢，用唔同顏色，構思圖畫。現在要跟指示，畫圓形。媽咪我覺得好難。

睇到呢度，如果大家真係想報名，要有心理準備：Weekend classes要排2-3個月。平日好d,除非你揀老師，否則都可以報吓新開班嘅時段。

如果想讀，可以填報名表時，寫referral code. 咁你就將會有一張$200現金券, 用於購買educational material. 有意可comment留email, 我畀code你。

外傭工作流程

工人姐姐的Visa已經出咗，跟著入领事館申請核証，然後寄去菲律賓，申請出境。
傻貓第一次請工人，好多嘢擔心。
先寫低大概要工人姐姐的工作安排，稍後再調整。

每個家庭的情況都唔同，以下只供參考。

平日基本工作 (初步概念)

無須set死時間（除左BB上堂的時間）

早上: 洗衫、拖地、晾衫、燙衫（包括當日要著嘅校服）

準備早餐/ 午餐

下午做家務、準備晚餐

臨睡前，幫大B沖涼

煮飯、開飯、洗碗、拖地

湊newborn + 22m 大B的工作流程

7:00-姐姐起身，食早餐，洗奶樽，洗Bb清潔用玻璃器皿，洗開奶用玻璃儲水樽，然後全部拎去蒸氣機消毒

8:00-換片餵奶掃風，食完第一餐奶要同bb 洗面洗口洗手撩鼻鼻查cream, 然後擺好三角枕俾bb 訓一陣

9:00-姐姐做家務，照顧貓，掃地拖地，洗衫，清潔洗手間、預備午餐

媽咪帶bb 出去散步，大概 1 to 2 個鐘

12:30-餵奶換片掃風

1:30-2:30 bb 訓教，姐姐又做下少少家務，清潔bb 車、玩具

3:00-bb 沖涼，陪bb 玩下，睇吓點讀書，訓練下bb 肌肉

4:30-bb 又食奶

5:30-bb 訓教，姐姐洗bb 沖涼盤，洗bb 衫（多污糟衫仔就機洗，少就手洗，但紗巾手套一定要手洗，機洗bb 衫前又要洗下部洗衣機先），如果要煮飯就準備下簡單晚餐，唔煮飯就一係收下大人衫，或者一路睇住bb 佢一路休息下玩下電話食下午茶咁

7:00-晾bb 衫

7:30-照顧貓，晚飯時間

8:30-bb又食奶

9:30-姐姐倒垃圾，幫大bb 沖涼

10:00-姐姐睇吓屋企須添置乜嘢物資，話我知
放工

產前抑鬱 again?

最近又係成日喊喊喊，喊到我自己好煩好憫憎。

一哥本來份工，做到8月尾。
而家有舊同事，搵佢過檔。人哋已經係茶記連鎖店老闆，任一哥開條件，肯過檔就ok.
一哥卻將家庭放在首位，不肯做大佬，寧願做散仔。仲要返早收早。
最後，人哋offer 底薪 $31000. 冇bonus, 乜都冇。收入比現在少好幾千蚊。

我諗起7月開始，每個月工人姐姐的固定支出，仲有佢要又供樓，又交租。
仲有大B嘅教育開支，醫療開支。
細B又係一項大支出。單單買尿片，都買窮。
我好頭痛，好辛苦，抖唔到氣。

今日喺醫院，醫生簡單問: "有冇喺出面照超聲波呀?"
我答: "邊有錢..."然後無端端就開始喊。
F.6 考完DSE, 每月收入減少 HKD $7000左右。
我又唔敢開始暑期班招生，唔知細B會唔會提早出世。
同時，濼言好多playgroups, 都好貴。
我唔想濼言讀書太大壓力，但international schools、直資私小，學費絕對不菲。
就算供到濼言，咁浠妤/浠珆呢?

最近幾間學校搵我去代課，但冇人湊到濼言返playgroups. 所以推咗冇接。
其實一日有$1720, 都可以幫補到好多。
只係一哥話唔准、唔好、唔得。
我可以點做?

好像全部都是死胡同，沒有出路。

今次第二胎，比較好的是: 濼言是開心果，喜歡甜笑，愛kiss mummy, 又鍾意拍手手、跳舞。
所以見到他，我會忍唔住笑。
我會好用心機，教佢認字卡、伴讀圖書、睇DVD, 一齊唱歌，練習baby sign language, 趁佢瞓naps, 就佈置屋企，同佢玩messy play/ sensory play. 
佢學嘢好快，而家已經識用叉、用匙羮、筷子，飲嘢成杯拎起，放低亦唔會倒瀉，唔駛我哋操心。
Baby sign language, 佢識得好多字。
同佢講嘢，佢識點頭、搖頭，表達喜惡。
同媽咪一樣，鍾意拎筆寫字，雖然寫得唔靚，但已經唔係畫不規則線條。
教佢認顏色、形狀，佢都好快識。
大肌肉掌握得好好，係小肌肉未得，穿線仍然太難。
音樂感係有，但我未有時間教佢，佢成日想彈琴，但我都只能畀個xylophone 佢玩住先。不過佢敲出嚟，唔係齋噪音，係有節奏、音感嘅。平時最鍾意自己攞書睇，播The Animals Orchestra plays Beethoven. 一邊播音樂，一邊自己拎handbell, 跟節奏搖，仲會自轉、踏腿，好搞笑。

現在只希望自己學習放鬆，一切慢慢會好起來。

DWE 廸士尼美語世界，值得買嗎？

傻貓最近開始想為寶寶，營造更好的英文語境。

好多DWE用家，都勁推介：

‘’迪士尼美語真係好值得買, e家又唔洗煩, 又唔洗出去外補。我唔同佢溫書, 佢都有96分, d錢洗得值‘’

“囡囡用了一個月多些dwe，她無時無刻都唱番video的歌和做動作，增强了音樂感，並且可以讀番英文歌詞出來，我之前都無教過她，這是一個很大的驚喜，她的能力增加，自信和專注力也有提升。😊”

“DWE 真係好勁~~ 可以開心愉快玩住咁學, 而家長又唔需要用時間去教同埋跟住玩”

“如果你想小朋友每日都學吓英文, 十分推介廸士尼美語世界, 真係可以善用暑假時間，用盡佢”

“DWE係屋企日日用, 每日都用, 沉浸式, 一定係WORK, 做到一個好好既英文語境

因為DWE入面教材, 有書, 卡, 歌, 故事, 玩具, 勞作等等, 都係環環相扣, 不斷用唔同方式去INPUT入小朋友個腦到

DWE係可以訓練到聽講讀寫, 全方面”

“開頭我都覺得係好貴，但了解完，再計過條數，原來好抵

我每月供都係二千蚊，出去補習可能都唔止呢個數，而且學習語言，係用一世，學得好真係無價

而且係玩住咁學，完全冇逼佢哋，真係開心愉快學習

如果上小學d英文唔得，出去補習又要洗一筆錢，而且仲要用小朋友時間，小朋友好辛苦，過咗學習黃金期，學語言冇細個咁容易係🤷🏻‍♀️”

“其實我一開始都覺得貴. 但了解後覺得值得, 因為教材可以培育小朋友十個能力😄. 

包括: 數學能力, 觀察能力, 音樂能力, 溝通能力, 創造能力, 創造能力, 認知能力, 認知能力, 

推理能力, 空間能力, 組織能力. 

除了學英文, 還能夠產生這些能力, 我覺得係抵. 

我個囡用了大約兩個月DWE, 效果好好. 她每天都有聽和看video, 好快巳經有output. 

我喜歡售後服務, 有face call 和 顧問跟進. 小朋友在外國人面前都勇敢講英文. 

她輕鬆學, 我不用花太錢時間和勞氣. 對家長來說, 負擔細左好多. 😌”

要幾錢架？

‘’每月供大約1000- 2000左右, 但小朋友用教材可以最少用4-5年, 程度可以去到小三四

供2年半，屋企有幾多個小朋友都可以一齊用👍🏻

其實出面幾多人補習班係無了期咁俾錢🤷🏻‍♀️但迪士尼美語供完之後，仍然係繼續用。小朋友可以用到平均七八歲嘅時間，6歲先開始用嘅小朋友可以用到9歲添

仲有free demo, 可以幫你聯絡Winnie, 佢好細心同埋好深入，分析到小朋友需要邊種形式嘅學習，會令你更加有信心

呢個示範係好值得聽，好多人未去理解教材，覺得貴就拒絕去了解，Winnie可以由淺入深咁講解，因為佢自己都係真實用家，所以令到你好明白同理解教材有好多好處‘’

坊間有好多二手DWE, 應該課金6萬，買1手，還是2萬左右，買二手？有咩要考慮？

“一手有好多配套，教材先可以發揮得最大效果

如好似美語電話，有外藉老師每星期打電話比小朋友講故事, 唱歌或者free talk

有playgroup, 內容同教材內容環環相扣, 所以小朋友會特別投入

每2個月都會寄雜誌比小朋友，小朋友收到係勁開心，家長又可以同小朋友一起伴讀

cap計劃，小朋友係app交功課，交齊就會有一頂帽仔同埋證書，集齊5頂帽他就可以去廸士尼酒店行畢業生

每個月都可以換20件教材，因為小朋友會好易整爛d書, 卡, 碟”

“同埋唔同年齡再加上不同情況，用法都係會有唔同，我教左你我係點用, 而未必一定岩你小朋友既情況

所以一手就會有教育顧問可以幫手, 我遇到唔知點用, 我就會即搵我個教育顧問winnie, 有人take care真係好好多

呢樣都係讚下有售後服務, 據我所知, 其他教材好多都無售後服務 / 顧問跟進”

“2手係好難用得好，因為每位小朋友特質不同。加上冇其他支援，所以不能發揮最大作用。最好用1手”

“其實DWE教材入面有咭機和點讀筆，最好結同埋聽和睇video用。”

“顧問係套教材的靈魂。DWE, 唔同年齡都會有D唔同用法, 如果只比一個schedule你, 就真係難d去發揮效果

顧問會問我用既進度去到邊, 好鼓勵我去用。令我堅持落去。”

“我真係要畀個like我個顧問Winnie, 佢對我嘅關愛和教導超出咗要賺錢嘅心， 佢會同我傾到我小朋友嘅內心世界， 佢觀察到我小朋友嘅情緒問題，佢留意到我環境需要，亦盡心盡力幫我慳錢，所以好感恩透過群組認識winnie❤️我覺得用dwe好值得和開心，因為我小朋友已有dwe的影子😆”

我想試吓體驗課程，可以嗎？

“可以去環宇世界，體驗一下課程

仲有CD,免費送畀你試聽

網站都有好多教材，畀你免費試用”

我冇時間去D2 Place聽佢講解，顧問可以嚟屋企嗎？

‘’可以上屋企介紹🥰👍🏻‘’

安排月供股票

之前認為IB交易費低，所以停咗中銀月供股票。
但其實自己自制力、行動力不足，每個月0.25%的手續費，相對建立起一個良好的儲蓄習慣，實在微不足道。

今日喺中銀網站，揀咗月供股票。

每個月，月供 (i) HKD $5000 港交所，(ii) HKD $5000 新地

這兩隻股票，每手金額較大，所以選擇做月供。

傻貓還篩選了幾隻股票，每個月，有額外資金，就買入少少。

美股方面，由於不再考慮用期權，月供股票，不會再選擇SPY, 改選VOO。
QQQ就視乎情況，應該會繼續。
TSLA繼續密切留意，合理價就入少少，急升又放少少，但core 就hold 住。

Watch List
Updated on	20230514
Symbol	0939	0388	1299	0016
Stock	建行	港交所	友邦	新鴻基地產
Last	$5.31	$309.60	$79.75	$103.20
PE	3.58	36.28	421.96	15.92
52 wk L	$4.10	$204.51	$57.25	$78.15
52 wk H	$5.70	$397.06	$93.65	$114.65
股息率	8.02	2.31	1.92	4.8
lot size	1000	100	200	500
Admission	$5,310.00	$30,960.00	$15,950.00	$51,600.00
Symbol	2388	0823	0066	0002	6823
Stock	中銀	領展	港鐵	中電	香港電訊
Last	$24.50	$49.55	$38.70	$60.25	$10.20
PE	9.11	15.5	24.43	143.11	15.76
52 wk L	$23.55	$44.65	$33.15	$49.61	$8.42
52 wk H	$30.72	$66.85	$43.00	$76.65	$10.90
股息率	4.61%	5.03%	3.72%	5.15%	7.20%
lot size	500	100	500	500	1000
Admission	$12,250.00	$4,955.00	$19,350.00	$30,125.00	$10,200.00

因為有相熟地產經紀 Mark 幫忙，太子物業2，總算租出了。由於客人是我找的，Mark 只是在電話和他WhatsApp 溝通，所以他說不收佣金，有時間出去旺角或者深水埗，約他去茶記，食個午飯就可以。

不用經常由林村，趕出太子開門，也不用在荃灣上課前/下課後，趕去開門，然後近凌晨才回到大埔。鬆了口氣。

欠媽咪的15萬，大概幾個月，就可順利還清。

幫BB報咗 Shichida (七田真)，希望他認字、說話能力，會有改善。

Zebedee, 德智樂，會暫停。
英文唱遊，我自己在家都經常和BB做，他也一直全英聽我說話，理解能力不錯。偶爾也聽到他說幾個英文單詞。只是句子還須努力。

如果要再改善英文語境，可能稍後買一手DWE. 
另外，可能會報讀Little Habs. 佢係英文語境，連接去學之園的 playgroup. 好多人讚好。不過，還是自己親身trial lesson後，再決定。

德智樂，通常由外婆帶他上課。外婆每次都講不清楚，BB在學甚麼。我也不知道怎樣和他溫習。還是算了。