又喊。煩。

 今早好頭痛，好唔舒服。
7點幾，落街同一哥食完早餐，就返屋企瞓。
12點幾起身，收到家長的訊息，問產假安排。
又問有冇代課。
我諗吓諗吓，又喊到傻咗。

我唔知下星期二，催生前，濼言會唔會提早出世。
又唔知催生要幾耐，醫生話短就2小時，長就3日
唔知駛唔駛開刀，傷口會唔會發炎；唔知開刀後，幾時去到厠所。聽講開唔到大，就唔畀出院。
唔知濼言有冇黃疸，駛唔駛日日返去醫院睇佢。
唔知上唔上到奶。見到其他媽媽，話有石頭胸，谷奶、塞奶，乳腺發炎，好痛，仲發燒。
我愈諗愈驚，個頭愈痛。又爆喊。

濼言未出世，我已經覺得自己頂唔住。
昨天是唯一一日，幾個月嚟冇喊。
估唔到今日又唔得。好挫敗。

下午1點幾喇，今日仲係乜都冇做過。一事無成。
好失敗。

仲有10個鐘先瞓。一哥今日收早。
一陣唔可以再情緒失控，唔好令佢擔心。要做好d自己。
好好安排今日餘下的時間，做返情緒嘅主人。加油。