小故事四則: 你想我點?

故事一：

妹妹：＂家姐，妳要食多ｄ生果先去到厠所㗎。
一粒西梅唔得，就食兩粒。兩粒唔得，就四粒。
食晒成盒，實得。
加大力度，就可以啦。＂
貓努力地，一口氣食咗半盒。
中醫：＂你齋食生果、蔬菜，有纖維，但腎氣不足，又唔多食肉。
咁唔夠油份，當然去唔到厠所啦"
貓: 😮

故事二:

星星："妳唔好行咁多呀，一陣個B早產就麻煩喇＂
醫生:  "妳行多啲，先冇咁易抽筋，第日生仔都容易啲㗎。仲有，妳有孕，我開唔到行氣嘅藥畀妳，妳郁動多啲，先可以行氣活血喔"
貓: 😅

故事三:

一哥買游泳月票畀貓。
貓 😁: "好嘢! 我可以日日去游水喇"
佢: "要等我放假，或者妳妹妹得閒，先可以游
泳池地面濕滑，我怕妳跣低跌倒"
貓: 😞 (心裡嘀咕: 嘥錢!)

故事四:

貓: "屋企有好多生果喔，有你買嘅火龍果、香梨、罐頭雜果、蒟蒻、鮮果沙律醬。
我今日又買咗大蕉、哈蜜瓜。
晏少少去超市買奇異果、牛油果，就可以整雜果沙律喇。😋"
睇完中醫返嚟。望住藥單。
貓: "😟我買咗好多生果喔。但醫師話要戒生果。
佢哋個個都好熟，實死梗㗎😭。嘥晒喇。"
平日唔多食生果的一哥: "唔緊要啦。妳食少少，其他我幫你慢慢食啦"
貓: 😥 (心裡嘀咕: 你最後咪又係丟晒佢😒!)