Day 3：新宿御苑、歌舞技町

為預備明天行山，今日先到中途站：新宿，抖一抖，全日hea.

新宿好多地方都有免費wifi. 新宿車站內+地面出口附近、歌舞伎町、新宿大道、百貨公司、餐廳，都可以免費上網。蕩失路都可以用GPS, 睇Google map.

早餐食炸牛扒，自己燒，生熟度自己決定，唔好食就冇得賴人。

食店在雷門正門對面，得9個位，未開門已經排長龍

排緊隊已經要點菜，午餐只有定食：大或中份量

不過一路燒，嗰陣肉嘅香味係咁撲埋嚟，又真係好香好脆好好味。

新宿御苑
傻貓特別鍾愛皇室建築，好似匈牙利的露天皇室溫泉、法國凡爾賽宮、德國舊天鵝堡。

新宿御苑都係以前皇帝嘅御花園，建於1906年，內有法式、英式、日式庭園、溫室，是明治時期，其中一座最重要的花園。

我哋由新宿門入去，佢最接近日式庭園，流水淙淙，有亭、迴廊、茶室、山櫻、茶花，不少當地人一家大細來野餐，亦有不少龍友專程來拍照，影櫻花+美女。

入場費：500日元（成人）；250日元（小童）
星期一休息
開放時間隨月份改變
官網：新宿御苑

歌舞伎町

晚上去歌舞伎町搵食，見到哥斯拉雄踞高廈。

左穿右插完，人多又唔想等位，人少又話驚唔好食。最後，我哋揀咗勁多分店嘅磯丸海產。

裝修都幾日式，座無虛席。

海鮮都好新鮮

魚缸有新鮮海產