快靚正請到外傭

本來搵開嗰間外傭中介，收$14000 中介費。
始終識人好過識字。我問妹妹、妹夫，佢哋介紹咗另一個agent 畀我。
話說妹妹個friend, 差不多每 1 或 2 年，就換工人。
冇㗎，佢鍾意請後生、靚女、聰明、英文好的工人。咁工人其實都係人，人哋有咁嘅條件，就有更多出路。聽講有好幾個，係嫁咗畀香港人，有d 就嫁咗去外國。

講返傻貓嘅case:

首先，我完全冇掙扎過: 請印尼 / 肯亞/ 菲律賓工人。因為，我由囝仔出世開始，已經同佢全英溝通。所以，工人都要有能力全英語溝通。

而家，我個agent收$9300，包晒呢堆嘢: 

我比較過，同我之前搵開$14000嘅，係完全一樣。

而且，佢根據我嘅要求，介紹嗰幾個海外女傭都好好。慳咗好多時間，最後我好快揀咗幾個面試。

面試當日，我好唔舒服，失埋聲。Agent 幫我做埋interviewer問問題，冇嫌我煩。

最好嘅係：佢係上門嘅，我全程唔駛去佢喺青衣嘅office.

面試ok 後，佢又好有效率，好快就約到我老公，拎埋合約去佢公司，趁佢食晏時，簽合約。佢住新界，但係願意特登去港島，詳細解釋份合約內容，以及我哋第一次請外傭，又要照顧 2 個BB, 其中一個仲係初生，有咩要留意。

講真，$9300, 包晒接機、在菲 + 在港驗身、來港機票，仲會親自揸車，送埋嚟我屋企，又肯陪佢申請身份證，我覺得呢個價，抵到爛呀!

今日喺WhatsApp嘅外傭僱主谷，見到有些媽咪分享:

"第一個2個月炒左，然後7折再請，7折完都16000"

" 我個agent 13800"

傻貓更加覺得自己好好彩。中介費真係間間唔同。所以做個精明消費者，唔怕瘀、唔怕煩，問多d人意見、攞吓contact, 真係好緊要。