細B唐氏又高危

 其實我有心理準備。大B，2年前，照超聲波，頸皮正常，但睇埋我42歲，就高危，要返醫院覆檢，做T21, 照多次超聲波。

我今年44, 明白這是正常安排。

但昨天醫院在我上課期間，打咗3次電話嚟，再次聽到電話錄音，那氣急敗壞的語氣，要求我留意醫院的來電號碼，一定要聽電話。今日上課，我開咗電話聲音，以免錯失醫院來電。

可是，向學生解釋我會開電話，等醫院電話時，我突然淚崩，久不能止。

最後，我出咗課室，在走廊努力控制情緒，2分鐘左右，才再折返課室，如常上課。

我覺得自己好差，好唔專業。明知這是正常安排，仍然覺得好大超大壓力。我好辛苦。

另外，前晚視像interview了一位工人，但她昨天已被另一位僱主聘用了。

我覺得好累好無奈。努力花時間，細閱履歷表，面試，但還是請不到合心水的工人。

保姆姨姨，6月頭就移民英國。現在3月，我如果仍然想如常補習，就要盡快請人。

我好怕請工人，好怕有陌生人在家，但現實又迫我要請人。想請，又請唔到。

代課，這間學校，今日是最後一天，好多作文、聆聽integrated tasks 等我改。好忙超忙。
放學後，有2堂補習。學生下星期二考試，今日要溫晒所有嘢。另一堂，學生要考DSE, 他專攻作文，要非常費神。

我好攰好灰好辛苦，隨時都可以大哭一場。