今朝柏霖好興奮! "好嘢!我可以入去同爸爸打機喇!"
原來佢快測雙紅線。
大家都被他引得哈哈大笑。
小孩子的世界就是這麼簡單。
不過，媽咪知道就更加堅持要出街。
佢話約咗朋友食飯，唔可以留低照顧小朋友。
妹妹在家照顧柏霖，但沒染病的珮琳，還有我的小濼言，怎麼辦?
一哥知道後，主動打電話畀我媽。
之後我媽在群組說: "取消晒今日嘅活動喇"
嗯嗯~ 今日取消了，明天呢?後天又如何?
我連續兩天都會休息。如果快測陽性，一定會取消所有活動，乖乖留在家。
始絡不明白媽咪的腦袋如何運作。
她難道就不怕傳染給好朋友、好姐妹?還有重病，並在倒數時間的二舅父?
點都好啦。柏霖的願望似乎落空了。政府的隔離令，要求他乖乖留在家中。
兩父子要繼續隔空打機了。
我諗我哋係有啲奇怪嘅。😂
上次妹妹中咗，大家好開心，日日打機放題。每次政府送物資嚟，就好似聖誕拆禮物咁，好興奮咁睇吓有咩好食。😁
今次子傑中咗，又係拿拿臨報上去，政府即日派車嚟接走。
兩個姨甥，就好開心咁過嚟我屋企，打機、練琴、補英文、玩攀爬架、玩波波池、踩單車。一哥仲焗定肉醬螺絲粉，佢哋嘅摯愛。
妹妹就即時擬定地獄減肥plan, 每日狂做運動、控制飲食。唔駛出街，就係自由自在，奉旨hea.想點過，就點過。都好嘅，佢9月返工，而家正好留喺屋企，好好執屋，親子玩玩。
媽咪同上次一樣，知道後，火速過嚟我家，食完嘢，練完粵曲，就出去同朋友食tea, 睇大戲。佢話聽日先返嚟幫我睇BB. 昨晚已經不在家過夜，今晚都係。佢同住，本來係密切接觸者。不過，經常不在家，見佢一面仲難過登天。佢唔想共同時艱，都明嘅。
不過，妹妹上次有數碼通，可以在竹篙灣無限上網。今次子傑用香港寬頻，就冇數據送喇。好可憐......😭
大哥阿Paul一向是家裡最健談，也最吃得開的人。
上個月我們還一起去深井吃燒鵝，突然知道他的腦袋長了良性腫瘤。做了一次手術後，聽說康復情況理想。等候再做手術期間，前日醫院通知家人，他已陷入昏迷，靠機器維持生命。待見過所有家人後，會停藥停機，讓他舒服地離開。
疫情關係，大家都沒去探病。現在已無力回天，醫院通融，家人符合疫苗通行證要求，快速測試陰性，入病房前又通過核酸測試，就可以於指定時間，入去10分鐘話別。
這段時間一哥比以前更沉默寡言，想安慰他，他在我開口時，已經走開，或者說自己應付得來，不用擔心。
眨眼間，小濼言11個月大了。同日谷的媽咪，都在密鑼緊鼓，籌備小寶寶的下個月的生日會。
一哥說不喜歡熱鬧，覺得生日沒甚麼大不了，不想慶祝。他自己的生日，也不准大家幫他慶祝。他連朋友搞的生日聚會都不去。我真心灰。
帶寶寶真的很累。
濼言體重始終不達標，嚴重偏離成長線。我沒訓練他戒夜奶。每天早上爸爸出門上班，濼言就醒來要我陪他玩。明明已經將大半個客廳，佈置成 playroom一樣，又攀爬架，又韆鞦，還有一大堆觸感書、發聲書、點讀筆，以及無數玩具。可是，為了讓他玩一些適齡的活動，我還是喜歡不時動手設計遊戲和玩具。每次messy play 前後，預備工夫都很花時間，玩完又要清理現場，帶他洗澡更衣。
我想讓他主動挑選食物，促進食慾，所以行BLW. 很多時候，進食完畢，災難現場都很嚇人。如果那天有火龍果、西蘭花，那景象只能夠用"恐怖"來形容。
說來說去，辛苦都是自找的。不過看到濼言玩得投入、開心，這麼快就可以自己走來走去，還有每次成功完成遊戲的自豪表情、燦爛的笑容，我就覺得值得。
下午通常要補習。為了騰出更多親子時間，現時補習時段壓縮得只有每星期4天，每日2堂。星期六全日，只提供4堂。收入大幅減少。
考慮過回中學任教，或者做代課教師。可是這意味著會錯過濼言的成長。
跟妹妹分享過我的想法後，她沒說甚麼。一星期後，卻說已經有公司聘用她了。她決定重回職場。薪水沒有以前7萬幾這麼可觀，但4萬5底薪，另加佣金。相信以她的能力，東山再起不難。老實說，我們每月給她$5000照顧濼言，也實在微不足道。(雖然她本身要求$3000). 難得她決心重投美容行業，我當然祝福她，也為她火速找到伯樂欣喜。
照顧濼言，成為頭號任務。中介費用高昂。其實Facebook有很多pages可以讓有意留港工作的外傭，刊登搵工posts, 僱主也可以列出要求，讓外傭私下PM應徵。加上中介通常之後都幫不上忙，就不考慮。
我聯絡了以前的菲傭，她介紹了即將完約的朋友給我。她45歲，在大埔同一位僱主家，服務了18年。星期日會見面，適合就簽約。見面後再想。
只是代課、搵工、在大埔開另一間補習社，這些暫時都要先擱置了。
簡單寫寫。
今日倉位:
好似寫咗年幾兩年，回報都唔係太大改善。
不過，寫咗blog後，會停一停，諗一諗，先做決定。已經踩少咗好多陷阱。
呢個月，期權操作好差。主要有2項決定做錯:
1. 買咗long put Tesla, 星期五買完，星期一開市就急插。我同緊姨甥佢哋補習，冇睇市。到我睇到，已經賺少咗好多。不甘心，於是發脾氣，唔再理佢。然後大拿拿萬七蚊，變0。
2. Short call Tesla. 賺少少權金，但會蝕住畀貨人，仲要喺市面買齊貨，再畀人。又係唔甘心，所以roll over咗去9月。結果一星期內升咗百幾蚊。未平倉。再睇睇。
