阿仔話唔想學嘢

昨天在家補習，其他學生考完試，請咗假。
呢堂得濼言、另一位小朋友。

佢上咗半個鐘堂，就開始乜都話唔做、唔想做。簡單叫佢跟我讀生字、句子，佢都唔肯，仲直接離開位，走咗去我睡房，自己睇書。

落堂後，佢鎖咗自己房門。我敲門，佢開門好認真咁講:"我鎖門唔畀你入嚟，因為我嬲你，你鬧我"

我好嬲、好失望，嬲到飯都食唔落。

一直以來，我愛他多於我自己。我睇咗3年中醫，先有濼言。陀佢時，突然有妊娠濕疹，當時痕到瞓唔到。

妊娠濕疹、暈車浪

我高齡懷孕，本來身體就不好。陀佢時，身心俱疲。

搞掂濕疹，又到夜尿、便秘

懷孕期間，不斷睇醫生。中醫、西醫，一星期起碼幾日。

隨著濼言在肚裡，愈來愈大，觸發我的腰背舊患。我連走路都痛到喊。

同時，妊娠便秘，15日去唔到廁所。

之後，我產前、產後抑鬱。當時差點燒掉廚房，整天就抱著濼言哭個不停。
後來搬去和妹妹同住，幾個月後，才回復正常。

難得而家一切重回正軌，我想喺能力範圍內，幫我嘅小朋友。
我高齡，快50歲了，他才4歲。
我怕好快我就沒有能力再照顧他。只有良好的學習態度、腦袋裡的知識，才能跟他一輩子。當我離開後，他還可以好好活下去。

去年，他K1,我已經在1個多月內，花8萬幾，為他報讀興趣班、學術班、體育、繪畫。
今年，我花在他身上的錢減少了一些，但自己預備教材，陪他親子閱讀、到處遊歷。他的打鼓班、單車班，仍然保留。

K1 的 外補開支全面睇

結果只養了個超冇規矩，不懂禮貎、尊重，上堂擅離座位，每個練習，都話"唔想做"，每個字、句子，都唔肯讀。

我話佢。佢答：“我唔想再學嘢喇"、"我唔學喇”。

一個唔想進步嘅人，係垃圾。我係時候止蝕。

濼言仲係一個自私精。佢鎖房門，話唔畀我入，話唔要媽媽。

4歲，已經這樣。將來，我年紀大，如果要佢照顧，他必定馬上換鎖。
這樣的白眼狼，還是及早止蝕吧。

昨晚，我忙到凌晨2點，將全屋有濼言的照片，全部移除。昨晚起，停埋身餵母乳，幾次趕佢返佢睡房。今晚，會丟掉他的玩具、平衡車、電動車。他的新衣服、新兒童沙發，還有其他新書，我會放上網賣。

之前想讓他多睡點，我特意買學校附近的一個單位，讓他落樓下就可返學。
層樓我全資買，而他竟然鎖門，唔畀我入。我直情想丟佢出門口。
回頭看，是我為他想得太多。

當然，我明白我沒有接住他的情緒，亦因我整天的冷暴力，令他昨晚基本上不是失眠，就是睡夢中驚醒，怕我拋下他走掉。今早我剛出門，他馬上去我房，發現我破天荒鎖上主人房，嚇得大叫"姐姐，my mom has gone away." 他發現全屋的照片，只剩下妹妹，他的照片全部不知所踪，大哭失聲。
他昨晚幾次過來主人房，要求我埋身餵奶，被拒絕後，也很失落。

可是，他實在不值得我的付出。
我應該好好為自己打算。先預備好退休所需的資金。預留部份給妹妹。其他免談。