期權新手Q&A

收到讀者電郵。傻貓簡單回覆:

1. 見到你Short Put的交易都有計預期接貨$, 亦在你較早的文章提及不做leverage, 那是否需要保留相關的現金作buffer? 如11月10日的SP, 就要有60萬cash。

我通常會預留資金接貨。如果不夠資金，又確信自己大機率會接貨，會沽掉手上正股，換取資金去接貨。
不過，就算做槓桿，也不是那麼可怕。傻貓用IB去買賣股票、期權，孖展戶口的利率，非常低。借15幾萬港元，每月利息只需300左右。

2. 見到11月份有好多Long position, 如TSLA LC (11月2日, 11月12日, 11月24日), TSLA LP (11月23日, 11月27日, 11月26日, 11月30), 這些是否都是賭上升/下跌方向? 還是有類似strangle的策略?

有睇 blogger 無忌在上一篇文章的留言嗎?
我買賣long position, 就像賭大細，沒有學習價值。
有些投資者，會用long position來做對沖，確保不會賭單邊，輸突。
如果真的想賺錢，就要平日撓埋對手，當個市或個股，暴升/暴跌時，才交易。這要考驗耐心、心理質素、測市能力。

3. 11月30日一條700的LP 50張，咁多張數風險都好高, 呢條交易主要係咩原因。

那隻期權，權金只是 USD $4.33, 50張，每張100股，總成本只是4.33*50*100，即 HKD $168870
我當時主動收入不錯，投資又順風順水，就買多少少，試試眼光。
簡單來說，我只是在自己能力範圍內賭博。
記得，買long side, 要有本金歸零的準備。所以，勢色不對，就要速斬。

4. SC是否都有揸住正股。

90%情況: 是。
我好冇安全感，所以唔敢冇貨short call.
不過都試過幾次naked short call. 如果你有足夠彈藥，就算正股股價爆升，你都確定自己可以在市場上，不問價掃貨，再拱手相讓股票，就沒問題。
我沒有這個膽量。

5. 有咩資源或書籍推介參考, 目前我都追緊Kelvin No的youtube, BLOG: 股票期權的實踐, 追瘋,好兒堂 , 先學習希望減少損手機會, 同時做好風險管理。見到你有投資書籍清理, 如果唔介意我可以接收一部份,謝謝。

Kelvin No的期權教學videos, 與以前皮老闆的期權教學，極為相似。
我之前join 咗皮老闆的Patreon, 裡面有很多有用又深入淺出的videos, 睇完videos, 有唔明，可以喺WhatsApp group 問，好多師兄師姐，都很熱心分享，獲益良多。
你可以subscribe試試: https://www.patreon.com/NoodleLobster

期權bloggers，有很多無私分享。你可以參考。可是，記得每個人的能力圈、風險承受能力，都不同。
就像我，只是寫寫blogs, 自我檢討一下。你要有自己的獨立思考能力。

請你務必緊記: 期權是雙刃劍，也是投資界的界王拳。無論賺蝕，都會幾倍放大你的投資回報/虧損。

投資書籍，我的確放滿儲物室。
細閱後，我會再分享。
到時你看到適合自己，又有興趣的書籍，可以留言。時間適合，我會面交或順豐到付。