睇到blog友嘅文章，令我反思。最近自己真係躁咗。補習社收入大跌，追唔返7萬/月，我算。點知1月追返5萬，2月又跌，3月更負收入。我真係好想搵人鬧一場交，打一場交，或者瘋狂大叫。阿B塊面好返少少，但隻手又損晒。不斷搽藥膏，食藥。學生相繼確診。雖然暫時未有現場學生確診，但我心已經好累。等確診嘅感覺，好難過。政府唔知用咩準則，送人去方艙、酒店，或者居家隔離。我開始好擔心，唔知幾時要同阿B分開。
然後，Facebook有谷友，送書畀我，書名: The Secret.
亦有網友開谷，講吸引力法則。
引戰其實好無謂，純粹情緒宣洩。
不如轉念，令自己活得更好。
貓姐，咁啱嘅。
ReplyDeleteThe Secret 這本書剛在年几前重讀（第一次讀係十年前），今次重讀幫了我好多。之後，再讀吸引力法則，在面對各方面的事情，都懂得自處之道，心態唔同咗。而家練緊正念。
我剛開始睇，都幾好睇
Delete還有，剛感到焦慮，听完吸引力法則的音樂鬆弛下，打開BLOG，便看到你的文章。真巧
ReplyDelete呢個真係吸引力法則ＸＤ
Delete比起上一輩人的生活，現今的環境，又算是甚麽一回事，逆境總會有過去的一天，能有像芝蛋治退出江湖博主留言，感覺師姐幸福，畢竟知音人，難得有幾人。：）
ReplyDelete芝師姐已經重新回歸
Delete冇退隱到呀
收到，又可以學吓嘢！
Delete最近真係多災多難，希望大家頂住，捱過今次的逆境，之後會更加好。
ReplyDelete今次個市跌得仲誇張過去年３月
Delete我的主動收入又大受打擊
一哥好耐都冇放過假，直踩一個月。。。。。。我怕佢唔夠精神，會切到手
我家旁邊連續出現幾條好粗好長嘅蛇，我怕佢哋會咬到貓貓和Ｍｕｉｍｕｉ
樣樣都令我好憂慮