BB 唔肯刷牙，點算好？

想小朋友開開心心咁刷牙？

唔難喔！

傻貓用咗呢幾個方法，阿女 6個月大，就愛上刷牙喇（不過當時唔識吐水😂）

透過繪本、動畫、兒歌、遊戲，讓小朋友對刷牙，有初步概念，並逐步建立良好的衛生習慣。

1. 繪本

下午或晚上同佢睇關於刷牙的繪本，潛而默化，令小朋友更容易接受刷牙。

呢幾本，都好有趣。我哋都睇得好開心，愛不釋手。

我女特別喜歡巧虎刷牙鏡，每次刷牙，都會按掣聽刷牙歌，邊聽邊刷牙。

 

2. 動畫

如果小朋友好抗拒刷牙，可睇呢套。同理佢嘅感覺，了解佢唔鍾意刷牙嘅原因。千萬別讓刷牙成為大家的壓力。

動畫：我不要刷牙

小朋友明白點解要刷牙後，就可以練習刷牙嘅手勢。

佢哋喜歡模彷，monkey see, monkey do. 好快就識有樣學樣，自己主動刷牙。

故事：我會自己刷牙

故事：刷牙公主與蛀牙王子

3. 兒歌

邊刷牙，家長邊哼刷牙歌，可以令氣氛更輕鬆，令刷牙變成溫馨的親子時光。

(I) 白色牙

(II) 刷牙歌

4. 感統遊戲

Let's Brush Teeth!

我嘅小朋友，好鍾意玩呢個遊戲，我女玩完仲叫 again, again. 玩完，就明白食完嘢，牙齒會好 dirty, 細菌怪獸就會出動咬佢。所以我哋要搵巧虎呢個牙刷超人，出嚟打怪獸🤣

5. 獎勵貼紙

我同小朋友玩遊戲，一齊鬥快刷牙，勝出者，有貼紙。完成任務，都有安慰獎。大概 7 日，就養成刷牙嘅習慣喇👍🥳

備註：

高敏的小朋友天生部分感官的強度和廣度比一般小朋友大。家長可以試用紗布，沾水弄濕，輕抹牙仔，等小朋友再長大點，再轉用牙刷，動作盡量溫柔，減低不適的感覺。