爸爸湊仔，有呼吸就好

今朝又搭咗 $197 的士。

但今日，我全日冇堂。
返工等放工。

一哥放假，但成朝乜都冇同阿仔做過。
佢話阿仔瞓到10點幾。

好無奈。

阿仔K2, 要預備升小portfolio, 普通話, 全部未搞掂。
認字又未得，小手肌寫字又未得，畫畫唔得，體操唔得。
嚟緊要幫阿仔練Talking Trinity, Cambridge Starter.

每晚都要等我喺補習社返去，22:00食後，先可以跟功課、溫書、做練習、認字。
臨瞓再講睡前故事。

佢無論幾點放工，都係返嚟就瞓，一係就匿喺厠所用手機。
我完全係偽單親。

講完N次，冇改善。
好攰。
有時我識諗:當佢透明就好。
有時又好忟憎:點解做爸爸，可以做到咁樣?!

好彩工人幫到手，我想食咩，畀YouTube佢睇，就識煮。
小朋友幾點做乜，佢又跟到進度。
唔係就攰死我。