斷捨離100天：Day 46：冬天衫、公仔

 

反正要執衫，順手斷捨離咗 3 大袋冬天衫。今次係無痛斷捨離。參加了匯君嘅健康萬象 program, 身型好似大學畢業幾年後，好多中碼、大碼衫，都唔啱著。而家著返細碼。

今日起，會由最不需要每天用的東西執起；拿起一件物品，如果 1 年內沒有用過，就斷拾離。

谷友講得啱。

只要用另一個角度諗：「呢件嘢佔左屋企 1 尺，每尺月租 係$40，三年所需既租就係 $40x12x3=$1,440。 呢件嘢值$1,440嗎？」

結束上一段關係時，我覺得冇嘢可以真正屬於自己。

好多嘢都冇帶走。之後，開始重新累積。

其實，人離世時，都無嘢帶得走。不如變現，化為與親人/自身的開心經歷/記憶。

屋企有 3 盒大富翁，斷捨離咗 2 盒。

香港版大富翁，換咗 $50

騙徒行者版大富翁，換 $70

再斷捨離咗一堆全新，冇玩過冇用過冇攬過嘅毛公仔。

新居冇花園，斷捨離埋高壓水槍，送畀鄰居。