香港最大的工會----教協，今日宣佈解散。
佢冇犯法，但新華社、文匯報，容不下一個有9.5萬個教師會員嘅工會。
悼念六四，以前可以，今年起成為禁忌。
通識科、歷史科，不再鼓勵大家批判性思考，同學只需要背誦政府給你篩選過的資料，就可以了。
大家以前深惡痛絕的國民教育，今年9月起，改名公民與社會發展科，取代通識科。
母語教學是廣東話，教學研究也指出：香港學生用廣東話學中文，效果更佳。但這不符合國情、政府風向，愈來愈多學校普教中。
香港素來用繁體字，未來學生由小學開始，要學簡體字。
學習英文，要用境外教材，不利管控思想，恐怕日後也將逐漸被邊緣化。
國安法令香港不再是大家熟悉的法治之地。人人動輒得咎。獻花不對、進言不對，只要你說政府不對，你就不對。
收到教協解散的消息，我只感到頹喪、無能為力。雖然已經不再在學校傳道授業，但是看著香港變得愈來愈陌生，一切政府說了算，有法不依。我好難過。
BB size正常，但媽咪少少過重。因為媽咪日日食雪糕、芝麻糊、渣渣、杏仁糊、龍眼, etc.
護士話:"BB半個頭，入咗盆骨喇。(順產機會大咗?)
以後要每2星期覆診。(我補習時間又要改?)
之後唔駛見姑娘，直接見醫生。(有咩唔同?)
記住流啡、見紅、穿水，要即刻去醫院，入產房。(咁快?)"
前幾日，一哥洗咗成機BB衫。我未見過咁細件嘅衫仔，好得意。一齊晾衫，一齊嘻嘻哈哈。
去完BB展，一哥買咗$250/ 5個奶樽、$99/ 1包初生紙尿片+1盒濕紙巾+唔知乜。
我和妹妹攞咗一堆紗巾、奶粉、濕紙巾、包被、沖涼液、消毒液。
仲諗緊紮唔紮肚。$7000好似好貴。做運動唔知有冇同樣效果。時間，我大把。錢，我總係要嚟投資。嚟緊想買間細舖，計劃緊。
呢幾日又游返水，行快咗好多，腳少咗水腫。泳池啲人不時話: "嘩!個肚咁大，都游水呀～"
"媽咪小心啲呀，泳池跣呀～"
我游得快過好多人喎，游完又冇咁腰痠背痛，手腫腳腫，手指小腿又少咗抽筋。
唔好理人哋喇。小心啲行就好，唔好跌倒。
話時話，濼言好似好驚浪花。見到大浪，我好興奮衝埋去，佢就嚇到企直咗。😂😂😂
今晚瞓瞓吓，個右胸硬晒，石頭咁，好唔舒服。
碌去左邊，濼言又開摩打腳。
仰臥啦～濼言又彈彈跳跳。
搞到我醒晒!大佬，03:45,仲好早喔～
拿來龍眼、Movenpick, 杏仁糊、鮮奶，想求下半晚安睡。但都冇用。
好眼瞓~~~~~
媽媽谷嘅人，話恥骨痛、手指腫到扭唔到毛巾、腳水腫到行唔到。
我好彩暫時冇。
佢哋好多恨放產假，我就只想上多啲堂，開多啲時段，幫多啲學生。
都擔心上課期間，濼言突然出世。不過聽講穿水、陣痛都10幾個鐘。咁上堂忍一忍，分散吓注意力，可能冇咁痛。落堂後，搭的士回家沖涼洗頭，換衫搭小巴去醫院，就唔駛聽到周圍嘅孕婦痛苦呻吟。我耳朵靈敏，細細聲都聽到好清楚。如果好多人慘叫，我諗我會好驚。搭小巴時，要記得打畀一哥，有佢陪產，我應該冇咁驚。
最近開始又乜都驚，乜都擔心。
情緒易激動。妹妹屋企冇雪糕，我都會喊。神經病!
船到橋頭自然直。驚嚟冇用。練吓琴，彈吓巴哈寫嘅曲，平伏吓心情啦～
睇得理財blog, 相信大家都想做個有錢人。但係，個個都想做有錢人，係咪個個都做到有錢人?
人氣blogger 雲地推介咗 "有錢人想的和你不一樣"，作者 T. Harv Eker 提出幾個成為有錢人嘅心法，附帶行為治療嘅練習，幫大家徹底改造。
重點：
要成為有錢人，要識Be, Do, Have.
你要相信: 自己全權掌控自己的人生。無論成敗，唔好怨天尤人。我哋嘅人生，係由自己一手造成嘅。千祈唔好標籤自己做受害者，咁樣你就成世都係loser.
Loser 嘅特徵：
1. 卸責
千錯萬錯，唔係我錯。
際遇差，係屋企人拖累?
人工低，懷才不遇，係老闆唔識貨？ 工作唔順利，係同事唔合作、客戶靠害?
蝕錢，係股市嘅錯，係政策嘅錯？
誠實點，你自己有咩地方，做得唔好?點樣可以做好些?
2. 合理化
傻貓經常講: 補習係好有成功感嘅事，賺錢唔應該靠教育。
教育係生命影響生命，係有意義嘅事。
ＯＭＧ！原來咁係唔得嘅！
根據吸引力法則，如果我認為補習唔可以賺錢，只會自我實現。
賺錢就係賺錢，唔好拎金錢和親情、健康、友情之類比較。大家都重要。分咩莊閒呢?
我要做嘅，唔係盲目追求金錢，而係學習得到金錢後，如何用得其所。
3. 抱怨
當我哋不斷因為一個人、一件事去抱怨，代表我哋重視佢。真的，你會不斷抱怨一個不小心踩到你隻腳嘅陌生人嗎?如果你嘅答案係否定嘅，咁你就明白: 你抱怨，代表你緊張佢。你愈將注意力放落去，佢就會不斷擴大。
愈抱怨，你嘅際遇只會愈差，你嘅人生只會更不幸。
我哋要做嘅，係遠離負能量嘅人，唔好鬥慘，唔好做情緒垃圾桶。
寫寫吓，突然想起:
"你 要別人憐愛
先安裝一個藥箱"
試吓挑戰自己，連續7天，開口感恩，零抱怨。
只有失敗的人，才會自怨自憐，但這樣不會令你成為有錢人。
世上沒有"有錢的受害者"、"放負的成功人士。別把被愛放大，為了吸引別人的注意、得到別人的認同，而將自己打扮成受害人。這樣對你冇好處。
真正的有錢人，懂得自愛、肯定自己，我哋成功、快樂，才能夠將幸福、快樂，帶畀身邊更多嘅人。
你做善事，損錢畀教堂去擴建、幫明哥買飯盒派飯畀露宿者、買旗，都要用錢。
錢本身唔係邪惡嘅，係睇你點樣賺、點樣用。
千萬不要做"憎人富貴、厭人貧"嘅討厭鬼。
當你責怪別人，為自己嘅失敗搵藉口、不斷抱怨時，你在為自己創造貧窮，方向錯誤，離"有錢人"也愈來愈遠。
龔老師之前都提過，大家可以寫成功日記，每晚臨睡，回想自己做咗乜嘢，記低自己嘅成功點滴。積小成多，每個小成功，都可以令我哋變得更成功。
老規矩:
有興趣又不介意看二手書的讀者，請留言取書。
傻貓這星期補習時間很密，又要覆診，只能晚上在荃灣/葵興站交收。
如果能夠配合一哥的時間，也可以在荃灣/港島線(天后站附近)交收。
送書是傻貓讀書的原動力，希望大家多多支持。
上次買騰訊long call, 一單經濟參考報嘅文章，就打到我隻call 落花流水，蝕$5,620.44
第二日反高潮，騰訊愈升愈有。我在下午又買返同一隻long call. 諗住邊度跌低，邊度起返身。
人總是重覆犯錯。
下課後一睇，騰訊又跌返落嚟。
帳面虧損: $4,319.52
這幾天FUTU, TSLA的long call, 賺埋賺埋嘅錢，可能要蝕返出去喇。
白痴貓，無端端搞到自己左一巴、右一巴。
為咗改善投資績效，我決定先冷靜一下。
回歸投資書籍，下星期五(Aug 13)前，要將"有錢人"由頭到尾睇多一次，並完成交收。
再下星期五(Aug 20)前，要重讀最後一次"價值投資"，並完成交收。
至於其他書，盡量用一至兩星期，認真細讀，再free出去。
你賭性太強，係時候留意風險管理。
