斷捨離100天：Day 53：皮帶、幼兒牙刷、嬰幼兒玩具

 

昨天public holiday, 返補習社，上咗2堂，幫學生預備 test. 然後回家趕工改作文，預備查簿。下星期要觀課。

屋企超亂，但夠位置上課。 新居位置方便，已收2班學生。上客速度比預期快，先暫停收生。

今明兩日，安裝廚櫃、吊櫃、鞋櫃、組合櫃。屋企應該好亂、好大灰塵。不過增加了儲物空間，相信會整齊些。

新工人未知幾時到。之前擔心沒有人照顧小孩，考慮推新工。結果現在媽媽一星期湊4日，一哥湊2日，妹妹湊星期日。我反而可專心工作。

一哥回來後，一直分房睡。他堅持識網友，冇問題。反正我要返工，他肯每星期，放假2天湊小孩，由他吧。我專心工作，放工補習，回家跟小孩功課、做海陸空、閱讀，都很忙。最近睇 First 90 Days, 提醒了自己一些思想誤區。

只是媽媽已72歲，記憶力不太好，也不太懂和小孩溝通，有時難免和小孩有衝突。她通常用情緒勒索，讓大家跟從她意願。阿仔開始講：“點解你要咁講嘢？點解你要咁話我？”

今日斷捨離：

1. Free 走嬰幼兒健身球，之前給寶寶練習追視、訓練專注力

得主就我 lunch time, 嚟到學校附近交收

2. 皮帶 (一哥話肥咗，唔駛用皮帶）

3. 阿女BB 牙刷

 （她現在不肯用BB牙刷，話自己大個喇，要用哥哥的兒童牙刷）

斷捨離100天：Day 52：兒童滑梯

 

屋企冇人工淚液

替代：兒童滑梯，賣咗 $20

小朋友都仲啱玩，

不過新居樓下，已經有公園，隨時可以落去玩滑梯。

屋企細，只好斷捨離。

買家好有誠意，深夜11點，由上水揸車嚟攞。

工人斷約走佬

RolynXXttX BaltaXXX  多次獨留兒童在家，出去中環見朋友，自製days off.

睇CCTV發現後，要佢即時回家。佢07:00出去，15:30才回來。 原來去咗領事館，屈僱主出少咗糧。
僱主17:30 回家時，佢已經執好行李，話 I am leaving. 簽收晒人工、機票。3日後，佢去勞工處、領事館，話僱主迫佢走，冇畀足人工。
不斷sent messages 畀佢，叫佢返嚟做。佢已讀不回。報警，佢就話 not coming back.

經常拖小朋友，衝紅燈；落車冇回頭扶小朋友，導致4歲小孩，被夾在巴士底，受傷。
唔衛生，鍾意捽腳指，再摸小朋友。
成日玩手機，同小朋友零交流。幫小孩沖涼，會照頭淋，令佢哋尖叫，佢就好開心笑。
日日煮晒嘢食畀佢、小孩。佢自己食，冇畀小朋友食。我仔試過全日，到 16:00,都冇嘢食。

故意違反指示：
阿仔高燒，請假。佢成朝冇畀嘢阿仔食，仲帶佢返學。放低後，熄機，失聯。學校要即時接走小朋友，佢16:00先開機，去接小朋友。
佢多次帶阿女去體育館，唔返學。理由係：佢手機唔夠data,要用wifi.

斷捨離100天：Day 51：寵物袋、書架、污衣籃

繼續慢吞吞地斷捨離。

1.寵物袋，賣了 $50

Muimui 以前經常入袋，跟我去玩。可以留5個鐘，不聲不響，不動聲色，有時還乖乖睡覺。

這袋只在家試用了1次。後來她開始滲尿，我們的活動範圍，開始縮窄至屋企附近。

斷捨離這寵物袋，心中充滿不捨，也很難過。這是為Muimui預備的，我親自到寵物店，細心挑選。她這臘腸，身體長長，太小，怕她不舒服；太大，怕她滑來滑去，不夠安全感。結果，她卻從不曾用這袋，跟我去街街。

買家好nice, lunchtime 去我學校門外交收。

2. 書架

大仔行蒙，我鼓勵他自己每天早上，去書架自選書籍閱讀。

而家返工，冇時間陪小朋友睇書。佢哋識得自己去書櫃㨂書，附近又有圖書館。嚟緊都唔會買太多新書。

$20 的 iFam書架，相當搶手。剛放出，就有幾個買家爭。

3. 污衣籃+兒童衣架

搬屋，可能被重物壓爛了。丟。

小朋友衣架很多，不好用的，丟。

唔公平！Partner 勁卸膊！

同事A: "真係好唔公平呀！你有冇咩建議畀我？”

傻貓靜靜聽佢訴咗大半個鐘苦水後，再次聽到熟悉嘅提問。

佢：“我partner雖然係副班主任，但乜都係我做晒~ 回條我收晒，錢我收晒，連壁報比賽，都要我跟返！”

“我可以點樣 push 佢，做返佢嘅 duty?"

A口中的 partner, 喺度做咗1年，由 contract 轉咗做 permanent, 今年 probation 過到，下年就係正式公務員 AEO. 

傻貓：“你嗰班學生，有冇幾個特別醒目、有責任感，可以幫吓手？”

A: "有呀，但B有出糧㗎，冇理由咩都唔做，要我做晒！”

我：“做正班真係好辛苦~如果有幫到手嘅學生，你就唔駛做晒啦~”

“你 partner可能都好忙，上星期又查簿，又出卷

你負責嘅 duties 就更加多，希望 train吓學生，大家舒服少少”

A:"咁副班乜都唔駛做，齋出糧？”

我：“學校係一個community, 每個人留得低，一定有佢過人之處。佢仲有咩 duties? "

A數咗好幾樣，都係豬頭骨。

我：“你好多 workload, 你 partner 都唔少。與其改變人哋，不如改變自己。你當自己一個做班主任，冇partner，想點就點，仲自由啦~”

A:"咁佢咪好得閒？”

我：“我唔建議你改變佢囉🫣你唔甘心，盞自己唔開心。放下啦施主😂”

A:"點解咁唔公平？”

傻貓喺度，都係新人。都係合上咀巴，欣賞陸運會嘅班際接力啦。

斷捨離100天：Day 50：梳妝枱、玩具、儲物櫃、彈床、單車

 

繼續斷捨離

1. 手抓板 (配件唔齊，丟）

2. 餵奶枕 （起毛頭，丟）

3. 鞋 (太細、太大，丟）

4. 書 （看完，沒時間 free, 丟）

5. 幼兒玩具（全新，唔識玩，丟）

6. 幼兒手推BB車玩具（冇位，丟）

7. 新婚蠟燭 （用電，全新，冇時間交收，丟）

8. 射珠玩具 （有1塊爛咗，丟）

9. 鐵架（生銹，丟）

10. 小朋友耕田玩具（全新，用咗一次，煨蕃薯；新屋冇位，丟）

成長梯（日日用，但新屋冇位，丟）

11. 餵奶枕（只用過1次，小朋友都大了。冇時間交收，丟）

12. 2格儲物櫃（放玩具。冇位，已 free出）

13. 彈床、健身單車 （第一份情人節禮物，經常用。新屋冇位，已free走）

14. 電視櫃 （太長，新屋冇位，丟）

15. 不倒翁獨角獸 （冇位，丟）

16. 婚紗 （5年過去，變黃了。丟）

17. 兒童傘 （有點發霉，有時自動關上。丟）

18. 3格儲物櫃 （放零食。近全新，冇位，丟）

19. XL 尿片 （阿仔著到M碼，戒咗片。未雨綢繆，有點無謂。丟。）

20. 幼兒玩具（太大，冇位，丟）

21. 狗零食 （Muimui好鍾意，但她走了）

22. 餅乾、薯片 （跟健康萬象後，冇食過，唔擺喇，斷捨離，送畀妹妹、姨甥）

23. 茶几（生銹，丟）

24. 碗、煲、燉盅 （唔用，丟）

25. 鞋架 （爛了，丟）

26. 白板（佔位多，丟）

27. 鞋 （穿得不舒服。太舊、太大、太“鞋”，丟）

28. 鞋櫃 （門甩了，背板發脹，丟）

29. 跑步鞋、行山鞋 （4年冇著過，丟）

30. 搖搖馬、電動車

31. 梳妝枱 連 鏡

32. 小童椅子、搖搖椅

叩門落選了

 今日陸運會，同同事吹吹水。

佢哋都教過另一間 band 1 名校，傻貓以前叩門，失敗了。

他們碰巧是入學組的負責人，聽到笑笑口分享: "以前通常係 CA  睇信。我哋老師冇時間睇。
佢哋學歷麻麻，咁大叠信，通常抽嚟睇。你入唔到我地學校，唔係我哋唔揀你，係可能封信，我哋都冇見過"

另一位: "後來有ICAC, 我哋認真咗少少，整咗個表，逐樣剔。
但好多獎項，都係發水。
補習社有服務獎，原來捐咗 HKD $5 買旗；作文比賽得獎，原來係某間補習社，得幾個人參加的比賽。

我哋7個同事，每人分 100 份申請睇，用咗一星期，後來太忙，有些就唔睇啦。"

嗯~~

上星期，同小學老師食飯，在座好幾位，已經做咗退休校長。有些做過幾間名校校長。

他們知道我重獲教席，都好欣慰。

言談間，知道他們都有自己退休校長、在職校長的圈子，很精彩。

以傻貓的年資、教學經驗，應該勝任科主任。
只是我從未敢奢想，反而一直認為有教席，已經感恩。

訓輔導方面，讀過 postgraduate diploma, major in discipline的人也不多，我有優勢。
可是，現時這班F.2, 我要先展現出足夠能力，處理好和他們的關係，重新建立信任、課堂秩序、常規。

係乜嘢令我固步自封??
我係咪可以再進一步?

我的老師，鼓勵我去試吓讀: 擬任校長課程。
我深知現時，還未有足夠能力。只是，好像不再那麼遙不可及。
只要按步就班，也是有機會再上一層樓的。

超推介！搬運公司：準時細心有效率

昨晚  9 點幾，放工回家。傻貓睇到成屋傢俬雜物，超崩潰🥺。大佬，今朝 09:00, 搬屋公司到喇！！仲係咁？？！

老公請咗 5日假、2日放早，執屋。傻貓如常返工，只能趁上下班途中，交收少量玩具。

昨天 lunch time, 老公已經話：唔夠紙箱。

當下我有點懞。明明有50個紙箱，當中有10個長紙箱，放衣服。怎會不夠？🤔4年前，搬嚟時，只用了 20個紙箱喔🫣。

SOS! 我連忙找人求救！

既然搬屋日子已訂，簡單！回家，拍片給搬屋公司老闆。

（老實說，明早就搬，這情境，不像在清屋吧？！）

客廳

兒童房

工人房

儲物室

廚房

花園

主人房

傻貓實在不知道應該從何著手。

有一秒，想怪老公：你放5日假，又收早，點解冇清過屋？

想想就明白了。

他早上幫小朋友沖涼，湊女返學，同阿仔食早餐，搭車回家跟功課，整lunch, 送仔返學。下午在外等接放學。晚上洗衫晾衫、預備晚飯、洗碗、同小朋友沖涼、做功課。

真係好忙。

重點：所有嘢都係我嘅，或者我買嘅。佢冇嘢可以丟掉。而且我工作極忙，新校差不多日日開會，他其實連問我嘅時間都冇。問咗，我都唔會理。只有 lunch後，walk under the sun 的15 分鐘，可以傾吓。

石生看了，秒回電話。

他說：“不用擔心。真的收拾不來，他們會全部跟房間、物品種類，分類裝箱。現在直接去睡，就可以了。😂

如果一車唔夠，就分2轉搬。1日搬唔晒，分2日都得。放心！”

嘩！老闆的話，猶如定酒神針。傻貓冷靜下來，環顧四周，選定幾件大型傢俬、玩具，22:00 就沖涼瞓覺😴。

瞓醒，將幾件傢俬、玩具、運動器材，影相 free 走。

彈床最受歡迎，健身單車都多人排。

儲物櫃，好搶手。

其他丟掉。

花園：鄰居話啲泥好肥好靚😊，全部清走了。

最後，分咗2轉，共80箱。由09:00, 搬到 14:30. 

先在舊屋：拆床、拆櫃、分類入箱、搬琴，再揸車去新屋。落車後，又要行一段路，先去到幢樓。

去新屋：拆箱、安裝碌架床、雙人床、衣櫃、書櫃。我哋住唐樓，師傅搬得都幾辛苦，特別係部琴。

咁搬咁多嘢，幾錢？？

今次係第4次，搵石生幫手。第一次係搬琴，然後每次搬屋，都搵佢哋，再加2間公司報價。結果都係石生最抵、時間日子又夾到。

本身影相 ，WhatsApp報價，傾好 50箱，連傢俬，共 $12300

落booking時，已付 訂金$1000。今日尾數： $13800

另加 $500 茶錢

最難得：係我返工，搬唔到屋，改咗2次期。

石生係超 nice yes man，全力配合，免費改期。

今朝搬完屋，而家傻貓同小朋友，已經舒舒服服，喺熟悉嘅床，瞓覺喇。😴