已經搞掂晒所有期權合約，唔駛再畀任何利息IB.
我欠媽咪15萬，每次還錢，她都不肯收。叫我還晒證券行嘅錢先，唔好畀人收利息。
而家還清IB條數，會開始每個月還錢，畀媽咪。
3月，4月，我只係買咗3次嘢。
分別係
1. 騰訊: 200 股，$332.4
2. TSLA: 10股，$163.38
3. TSLA: 10股，$155.68
每次都係少少，少少咁買，分段買入，再跌再買。
呢個做法真係好舒服。
其實，作為散戶，好難估底買入。不過，如果跌到好甘，按兵不動，或者少少，少少咁加倉，只要對隻個股有足夠了解，係ok 嘅。
當然，選股方面，就要再多少少技巧。呢方面，我都做得唔好，要繼續努力。
SPY, QQQ, 之前停咗月供。我仲考慮緊，係咪要重新月供。
而家個倉係咁。嚟緊會再執吓個倉，到時再講。
呂明才小學，面試問題 （家長篇）
1. 你認為點樣嘅學習方法，最適合3歲嘅小朋友？
2. 如果小朋友話唔肯返學，因為老師冇俾貼紙，你會點處理？
3.喺屋企，點樣培養小朋友嘅獨立性？
4.如果處理小朋友問題時，家長有爭執，會點處理？
5. 知識與品德邊樣重要啲？
6.小朋友想贏，應該點處理？
7.品行好緊要，咁邊方面嘅品行最重要？
8.如果小朋友幫放學返嚟，畀同學笑佢幅畫，畫得唔靚，你會點處理？
9.小朋友唔肯換衫返學，你哋會點處理？
10.知識、品德，邊樣重要啲？
11.小朋友食飯期間，要求睇電視，點處理？
12.如果小朋友唔肯瞓覺，爸爸同媽媽應該點溝通處理？
13.學校應該用咩方向，教育小朋友？
14.如何幫助小朋友，適應小學生活？
15.如果學校派左評核表，其中一項老師剔左表現尚可，但平時佢表現好好嘅，咁你會點做？
16. 到咗小朋友瞓覺時間，爸爸想講故事，但媽媽想小朋友瞓覺，你哋會點處理?
17.如果小朋友喺學校，俾同學笑佢唔識拍波、，返黎同你講，你會點處理？
18.你覺得讀書係咪要求分數？點解？
19.小朋友返到屋企同你講，學校冇小朋友同佢玩，你會點樣處理？
20.你對學校教育，有咩期望？點解選擇我哋學校？
懷孕第9周，已經被安排去威院飲糖水。即日下午，已知妊娠糖尿。
開始時，我又整天偷偷地哭。
明明陀濼言時，一切正常。點解呢胎會咁?
然後，開始隔日拮手指，驗血糖。每2星期，返威院，見醫生、營養師，聽講座。
近日，開始調整心態。
食返清d, 用羅漢果糖，整蛋糕，一樣好味道呀。
食少d白飯，粥，改食米線、紅米飯，多食生菜、煙三文魚沙律、麥皮，唔飲熱朱古力、凍橙汁，改飲熱檸水 (1片檸檬)、無糖豆漿、無糖豆奶，其實仲健康喔。
甜品，而家唔敢一星期食幾日心太軟，最多2星期去食1次桑寄生蓮子蛋茶。一樣可以同家人，一齊去family time 嘅。
做運動，都可以減血糖。
現在每日盡量抽時間，踩最少30分鐘exercise bike.
或者帶濼言去playhouse, 公園，遊樂場放電。
我輕咗，行路快咗，又可以親子，都唔錯。
仲有，我飲返多咗水，以前一日才飲半杯水，現在盡量每日飲5-8杯水。
好像皮膚也好了一些。
雖然Abby係不請自來的BB, 不過，她的出現，為媽咪帶嚟好嘅轉變，都係好事嚟。
希望佢繼續健康成長，將來出世，好好錫哥哥，同哥哥相親相愛，一齊開開心心成長。
太好喇
太子物業B, 第一手租客住咗3年，期間通常因疫情，留在內地，冇點住過。
佢最近遷出，我搵咗江師傅幫手翻新，佢求其收幾百蚊，就翻新晒。
不過，我冇時間出去帶客睇樓，個經紀又只帶過3檯客上去，一直未租出。
丟空近一個月喇。
今日聯絡幫我買樓的經紀Mark,原來佢回巢了。公司和另一間合併咗，佢而家主力睇油麻地，旺角，大角咀，深水埗。
所以，佢可以幫我跟太子個租盤。
我終於唔駛帶住大B， 陀住個西瓜咁大嘅肚，頻頻撲撲，由林村出太子，開門畀客睇樓。
其實而家經常要帶濼言，由林村出九龍塘上playgroups, 有時又過海，其實好攰。
係我自已唔生性，期權勁蝕，否則已夠首期，買物業4。
咁就可以喺太子住幾日，林村幾日咁，唔駛日日搭車，搭嚟搭去。
而家要再過1年左右，才儲夠首期吧？但一哥份工，做到8月。咁之後點呢？
細B 9月出世，又係另一個問題。
而家都唔敢接太多代課，都係做開嘅學校，主動搵我。
收入增長放緩。
個月供計劃，冇乜進展。真係好對唔住一哥，辜負咗佢嘅信任。
因為去年患產前抑鬱、產後抑鬱，之後期權嚴重損手，傻貓努力撲水還債，冇再理佢個倉。
一哥冇畀錢，我又冇追。佢畀咗，我又冇理。
最近佢話想開舖仔，睇吓投資情況。
月供2萬倉的供款記錄:
Summary:
股票市值（Valid on Apr 8, 2023)
(7,365.42+2,544.4)×7.85
+2,620
=HKD $80412.087
戶口現金： HKD $6223.404
其實我唔明白點解買入平均價，高過現價，但戶口現金仍有正數。
但又諗唔明邊度計錯。
一哥睇咗一輪，都話唔知點解。
新手僱主，對聘用外傭，要問咩問問題，有點丈八金剛。
於是，傻貓上網搵咗d 資料，再結合自己以往喺公司請人嘅 interviewer 經驗，仲有之前妹妹家請工人時，遇到嘅情況，整合咗呢堆問題。
視像面試時，我唔再需要外傭自我介紹。反正佢哋講嘅嘢，同我喺CV睇到嘅，冇乜分別。
而且，佢哋嘅過往唔算太重要，反而，佢哋嘅性格、待人處事方式，係咪接受到我屋企嘅情況，有冇信心做到我嘅要求，更加重要。
面試期間，留意吓candidate有冇化妝同整gel甲，太貪靚嘅，可能係公主。
傾談時，會發現佢識唔識英文，流唔流俐。如果請咗，佢都要聽得明你嘅指示、表達到佢諗乜，大家先溝通到。
設定問題時，避免yes/ no questions, 要問open questions.
傻貓預先畀咗呢堆問題中介agent, 工人面試時，逐題作答。
我就靜靜地睇表演了。
以下係工人可預備的問題：
1. You'll have your own room, but 1 year later, our family may move to another flat. Maybe you'll have to share your room with a baby/toddler. Is it fine? (有些工人好重視有冇自己獨立房間，冇就唔考慮。我唔知將來小朋友讀幼稚園，會唔會搬返出太子、九龍塘，因為物業1地段不錯，校網好好，我有機會搬返出去。到時工人姐姐就冇獨立房喇。)
2. Around once a week, when visitors come over, you may need to wash dishes for around 9 people, is it ok? （No need to cook usually) (定時嘅額外工作量，講定，等工人有心理準備)
3. Are you afraid of cats or dogs? (有些外傭會怕貓狗，又會對貓毛狗毛敏感。這些都要預先講定)
My sister's dog lives nearby and may need you to walk it sometimes. It's a medium-sized, 18-year-old dog.
There's a cat in the garden. It comes and goes as it wishes.
4. How do you interact with toddlers? If the baby is sick, what'll you do? (情境題，好重要。有些外傭，真係答 I don't know.)
5. Is there anything that you don't eat? (有些外傭原來自己唔食豬、牛，都唔會為僱主，煮豬、牛)
6. Do you have to pray at particular time? (印傭如果係虔誠回教徒，一日要祈禱好幾次)
7. What's your usual working hours with previous employer? (中東那邊，基本上係冇休息時間。新加坡那邊，工時也很長。不過，如果工人姐姐之前嘅工作，只係喺主人不在家時，照顧吓貓貓狗狗，每日工時得幾個鐘，聽到自己都驚啦。
之前另一個中介，我interview時，遇到有個工人，答呢題時，老實地答: 佢只係負責淋花。所以，佢唔識其他家務，亦不懂煮食。要煮，佢只識炸炸炸: 炸薯圈、炸魚柳。)
跟進題：
What's the most challenging experience working as a domestic helper ? How did you handle it?
8. Pay attention ‼️
Master has to work on Sundays and madam has to work on Sunday mornings. Is it ok to have day off on Tuesdays or Fridays? (每人嘅工作時間唔同，咁我真係唔鍾意放假同人哋迫，寧願返補習社，由朝做到黑。工人要有心理準備，星期日，可能冇得返教會。如果佢朋友大過天，或者係虔誠天主教徒，一定要返教會，咁就next 喇)
9. How long do you expect to work in Hong Kong? (呢題係睇吓佢會唔會打算做一年兩年就走，如果佢冇心長做，我都唔好阻人發達)
10. Who'll look after your kids (if any) when you are away? (如果得佢老公湊，sorry 咯。因為外傭離婚率好高，如果離婚，就要仆返去湊仔，咁就有機會提早辭職)
11. No phone when looking after babies, ok? (傻貓知道好多外傭鍾意Facetime, 同菲律賓嘅家人朋友溝通。不過，照顧BB時，稍一不慎，就會有意外。講定先好。)
12. No borrowing, ok? Once found, the contract will be terminated immediately. (太多外傭，借咗一堆街數，煩到僱主。所以先做醜人，講定唔好借錢喇。一借，就 bye bye.)
13. There may be surveillance cameras installed at different area of the home. But not in the bathroom or your bedroom. Is it ok for you? (安裝閉路電視，牽涉私隱問題。徵詢工人的同意，是必須的。）
本來搵開嗰間外傭中介，收$14000 中介費。
始終識人好過識字。我問妹妹、妹夫，佢哋介紹咗另一個agent 畀我。
話說妹妹個friend, 差不多每 1 或 2 年，就換工人。
冇㗎，佢鍾意請後生、靚女、聰明、英文好的工人。咁工人其實都係人，人哋有咁嘅條件，就有更多出路。聽講有好幾個，係嫁咗畀香港人，有d 就嫁咗去外國。
講返傻貓嘅case:
首先，我完全冇掙扎過: 請印尼 / 肯亞/ 菲律賓工人。因為，我由囝仔出世開始，已經同佢全英溝通。所以，工人都要有能力全英語溝通。
而家，我個agent收$9300 (updated: $10300 valid from Sept 26, 2024)，包晒呢堆嘢:
我比較過，同我之前搵開$14000嘅，係完全一樣。
而且，佢根據我嘅要求，介紹嗰幾個海外女傭都好好。慳咗好多時間，最後我好快揀咗幾個面試。
面試當日，我好唔舒服，失埋聲。Agent 幫我做埋interviewer問問題，冇嫌我煩。
最好嘅係：佢係上門嘅，我全程唔駛去佢喺青衣嘅office.
面試ok 後，佢又好有效率，好快就約到我老公，拎埋合約去佢公司，趁佢食晏時，簽合約。佢住新界，但係願意特登去港島，詳細解釋份合約內容，以及我哋第一次請外傭，又要照顧 2 個BB, 其中一個仲係初生，有咩要留意。
講真，$9300, 包晒接機、在菲 + 在港驗身、來港機票，仲會親自揸車，送埋嚟我屋企，又肯陪佢申請身份證，我覺得呢個價，抵到爛呀!
今日喺WhatsApp嘅外傭僱主谷，見到有些媽咪分享:
"第一個2個月炒左，然後7折再請，7折完都16000"
" 我個agent 13800"
傻貓更加覺得自己好好彩。中介費真係間間唔同。所以做個精明消費者，唔怕瘀、唔怕煩，問多d人意見、攞吓contact, 真係好緊要。
