以下是由去年11月，開始學習期權至今，運用期權的投資成績。
本月的期權操作，一塌糊塗。
之前當打機，贏谷輸縮。有信心嘅，long side就落大注少少。心儀嘅股票，計好數，確保自己夠錢接貨，就short put;自己有貨，但股價呆滯，或者次次股價去到某個阻力位，寸步難行，就short call.
今個月，因為要還$60萬畀妹妹，仲有$16500利息，我陣腳大亂。
還款本來按計劃進行。我5月初，開始減持股票，套現現金。
可是，當美股、港股，愈升愈有，自己成手cash,又未到期還錢時，本來中短期投資+投機嘅傻貓，開始按捺不住。明知錢遲早要還，不敢做太遠期的short side,但瘋狂開long side.
幾次估錯市、睇錯圖後，虧損$24,360.48
事後檢討，我明知自己只係賭癮起，已控制注碼，並在買入前，設定了止蝕位。這是不幸中的萬幸。
可是，本月情緒起伏大、還款壓力更大，本來就應該收心養性，遠離股市。仔細審視本月操作，每次交易都係贏少少，但輸多多。最差勁的4次勝仗，回報只有可恥的 0.07%, 0.44%, 0.59%, 0.69%, 反觀3次敗仗，蝕成 62.96%, 35.6%, 32.53%
UPST
其中，蝕最甘嘅UPST LC,事後證明正股爆發力驚人，5月8日，開LC時，正股$94. 買入後，股價持續下挫。5月13日，跌至$80.85
行駛到期日，股價卻急彈至$156.24
老實講，我仲未搞清楚，死因係自己急於求成，盲目抄功課? 還是純粹壓力問題? 可能都有吧？
騰訊
呢隻曾經為我帶嚟唔少權金嘅股票，本月股價波動超大，引伸波幅大，合約價不斷變動，非常刺激。
可惜，傻貓總是判斷錯誤，開LP後，北水瘋狂湧入追捧。虧損達$3975.44
最失敗嘅，唔係輸咗嘅LP,而係心態。
臨近月尾，還款期近，我見騰訊踞高不下，無視股票已經超買的訊號，開咗2 張SP， 行駛價分別係$580, $590. 5月26開嘅，係末日期權，合約金超級波動，行駛價係更貼現價$618嘅$590，回報率只有區區0.07%.為咗增加回報，我竟然開咗4張SP,完全無視風險。一旦睇錯市，我就要用$236,000去接貨。
遲d一定要搵Barton Biggs的Hedge Hogging, 以及 George Soros的著作，好好細讀。明知自己賭性強，就要學識提高downside意識，做足保護。次次事後，先識做檢討，分分鐘死十次都唔夠。
FUTU
呢隻堅唔識睇。明明計佢嘅合理值，係$120左右。但佢升升跌跌，幅度好大。睇唔透，次次SP,都怕死，提早平倉，食唔盡時間值、股價升浪。以後都係小心為上。
小米
以為近日升勢強勁，今日仲升至$29.5,一定SC走啦。點知早上升到近1個月高位嘅$29.6,就無以為繼。收市價得$28.6,呢隻正股，買入後，又被美國列入黑名單，又被基金大手沽貨，邊個估到咁快又鹹魚翻生?
不過我本來計啱數，一筆過還錢，而家差幾萬蚊。又要再執倉沽貨，才能明天還債。
總結
很幸運有這個好妹妹，在我買物業3時，慷慨借錢畀我，還款期仲長達1年。期間，更從未催我還錢。
還錢後，倉位細咗，現金少咗。但妹妹整年只收$16500利息，真係好抵。用呢筆錢，我已經賺咗唔少。
不過，我原來又犯了低級錯誤: 只著眼IB倉，忘記了中銀、耀才的股票。
這次執倉，才發現之前買落一些倉底貨: 首程、香港電訊
忘記了它們的存在，沒有止蝕，虧損頗嚴重。
以後還是只用IB算了。
另外，本月輸完又輸，好灰吓。
自己的賭博心態，始終改唔甩。唔知下個月會點樣。
谷友提醒: 如果手風不順，最好停賽一個月。
想清楚自己投資/投機/賭博的思路。逐個細項檢視，提升日後勝率。
