呢個工人真係激死我!!!
阿女開咗學幾日，叫佢帶阿女返學，佢話: "ok, madam"
我再三確認，佢真係明白，知道去邊，幾點要到。
點知學校打嚟，話阿女冇返學。
我狂打工人手機，佢冇聽。Whatsapp, 已讀不回。
3 小時後，喺家庭群組，佢shared 同阿女去playroom 玩的照片。
大佬呀!! 學校就喺playroom 旁邊幢樓，咁都曠課??
見面後，我問佢: "知道今朝，你應該帶阿女去邊?"
佢話: "sch, madam"
貓: "點解唔去?"
佢:"Sorry, madam."
點解冇去?????
佢:"I don't know madam."
貓:"I sent you the address. We went there many times."
佢:"I have no data. At sports centre, I use wifi."
貓:"我女要返學，你為咗用wifi, 唔帶我女返學?"
佢:"Sorry madam. I hv no data."
然後就黑我面，掉頭就走。
Oh my goodness!!! 咩人嚟?? 竟然可以連學都唔帶我女返，走去用手機??
佢當自己話晒事?想點就點??
Lunch, 我叫佢餵我女，我餵阿仔。
佢望住我得2歲的囡女講:"Come, eat."
阿女梗係唔理佢啦。
我心諗: "你吆喝隻狗咩? 名又冇，笑容又冇，仲命令式咁叫人食飯。
嗟來之食，不吃也罷。"
下一秒，佢就收埋盒飯，拎手機出嚟睇。
我足足叫咗佢 8 次，要餵阿女食飯。
佢不為所動。
第9次，叫佢餵阿女時，佢突然抱起我女，帶佢出走廊，行嚟行去。
係咪癡線架???
41歲人，又唔係第一次打工，點解可以咁做嘢
再講，佢就反白眼。
人哋唔知，應該以為佢先係madam, 對住老細，竟然可以狂反白眼。
簡直歎為觀止。
唉!點解請個正常的工人，咁難???
