斷捨離100天：Day 49：大型玩具、餐桌連椅、燒烤爐、戶外植物、小童衣服、水喉延伸、平衡車

明早搬屋。

工作忙，根本無暇分類、交收。

最後，大部份都放上Carousel, Facebook page, 有興趣的，自行來取。

今次斷捨離的東西有點多。

1. 大型玩具 (原價 $3000 左右，賣咗 $50)

2. 兒童傢俱 (購自玩具反斗城，可變成桌椅）

3. 戶外枱椅 （燒烤用），賣咗 $100

4. 燒烤爐 (新屋冇花園)，賣咗 $400

5. Free 走咗：餐桌連椅 

(佔位太多，新屋轉用可升降摺枱連茶几)

6.戶外植物  (幾位鄰居，自己來搬泥、取植物)

7. 小童衣服 (10幾袋紅白藍，已回收)

妹夫車咗幾轉，去衣物回收箱😂

8.水喉延伸 (發霉，棄)

9.平衡車 (太多單車、平衡車。這架落雨濕咗，生鏽，丟了)

當初冇諗過，阿仔3歲就識踩腳踏單車，唔駛用輔助轆。亦冇預計佢咁細粒，踩唔到14吋平衡車。

有時，賺到錢，就買買買。以後，都係簡約生活啦！斷捨離，好累🥺。

被學生霸凌🥺

好失敗

返工唔夠半個月。自己做班主任的F.2A,勁憎我。

同學欠功課，記咗欠交記錄，他們要去留堂室。事先已提醒，寫埋黑板，仍然欠書、欠功課。之前亦提過欠交安排。他們不以為然。到收到留堂紙，就炸開了。

首先，他們在IG secret page洗版。

我喺Ms Shing留低的 class folder,見到有name list:陽光電話

畀少少心理準備佢哋，家長有機會收到學校電話。佢哋話我搞事。

同學偶爾冇帶書，冇罰過。但開學至今，個半月，仲有2個 cycles 就 test. 仍然未買書，難以接受。

連續多日，冇書冇功課

我上星期五，終於有e class password,就安排欠交功課嘅同學，去留堂

佢哋欠功課，係欠2課Grammar Book

都係嚟緊要test嘅focus

第1堂已經用書，上手冇用過grammar book, 作文 1 篇都冇作過。

Test 要考 6 課書，我一直在追進度。

佢哋話進度係0

我教咗唔夠半個月，但日日都有用書。他們覺得是廢話，連揭書都懶，我也沒法子。

佢哋又質疑我偏心，對待他們的方式，和另一班，不一樣。

成日話，我唔罰2C,只罰2A

事實係：

2C冇書，會攞紙抄筆記,會好誠懇咁道歉

2A係大大聲：

我冇做喎！都冇買書，邊有得做呀？！

唔係冇書，都要罰去留堂啩？！

你點做老師㗎？！咁唔專業嘅！駛唔駛我教你點做老師呀？！

同學答錯，但願意嘗試，我冇罰過。

佢哋不停傾偈、瞓覺，甚至在櫃桶玩手機。我叫佢哋重覆問題，做唔到，先企2分鐘，只要答案問題，可即時坐低。既然他們不願意，不要緊。我每日抽少少時間，打電話給家長，家校合作一下。

這幾天，同學在課室大呼小叫，更來教員室門外，指著我的鼻子狂罵。

他們認為：我唔係欠交功課。我冇買書，當然做唔到功課。咁你唔可以因為我冇帶書，就罰我。我唔係唔想做，係冇得做。

咁點解唔買書？

同學：我買咗啦，冇攞之嘛。我有買喎。

傻貓：😳咁請你盡快去攞，就嚟test,你都要溫習。

同學：咁我係咪放學唔駛留堂,？

貓：咁你交咗功課未？

同學：你都唔講道理嘅，溝通唔到

（怒氣沖沖，掉頭就走）

然後開始大量抹黑。

我跟校規，處理欠交。他們理虧，就抹黑我。

算了。看在每天 $1854, 做滿 1 個月，可跟 point, 月薪最少 $71000 , 別計較。

暑假冇得 enjoy,但聖誕假、復活節假，放假都有得出糧，諗吓都開心嘅😄

既然決定要留低，努力一下，試著改變溝通方式吧。

斷捨離100天：Day 48：夏天衫、幼兒玩具、溜娃車、high chair

 

還有幾天搬屋。檢視衣櫃，順道斷捨離一些不常穿、起毛頭的衣服。回收箱見。

斷捨離鄰居小男孩，來我家玩時，弄壞的玩具。丟了。

斷捨離比較難控制，有時會反車的溜娃車。丟了。

斷捨離這張阿女說自己長大了，不肯再坐 high chair. 工作繁忙，沒時間交收，丟掉了。

斷捨離100天：Day 47：大富翁、口水肩、Times, files

 

今晚會執衣櫃，斷捨離夏天衣服、內衣褲

這幾天戰績：

1. 騙徒行者大富翁

買家親自揸車嚟攞，賣咗 $70

2. BB 口水肩

有污跡、甩色、發霉，已回收；其他洗淨消毒，已free出

3. Times magazines

4. Files

工人又去勞工處屈我哋

 呢個工人係咪痴線???

星期日 Oct 5早上 07:00，佢獨留小朋友在家，自己走咗去。我睇CCTV見到，即時搵屋企人，過嚟幫手湊細路。

黃昏，我返到去，佢已經自己執好行李。

我問佢係咪諗住走? 唔留到 Oct 14? 
佢話佢要走。

我提佢，人工只計到Oct 4, 驚佢唔明，仲慢慢逐字逐句，問佢明唔明。

如果佢要留到 Oct 14, 因為已經放晒所有 day offs, 就冇假放喇。

佢話 ok. 唔留。要即日走。

跟住畀行李，我妹妹檢查。

今日，佢去勞工處，追討欠薪。又去菲律賓領事館，追討 10 日薪水。
佢自己話要走，我畀佢走。而家，佢又出爾反爾。仲要追討薪水???

份約未完，佢可以返嚟工作，至 Oct 14. 
佢已讀不回，打畀佢，唔聽電話。

我個 agent 仲厲害，當日要炒工人，佢話 family matters, 用唔到電話，完全冇理我哋。叫佢計薪水，佢完全冇計到。係我新 agent 計。

斷捨離100天：Day 46：我嘅冬天衫、公仔、高壓水槍

 

反正要執衫，順手斷捨離咗 3 大袋冬天衫。今次係無痛斷捨離。參加了匯君嘅健康萬象 program, 身型好似大學畢業幾年後，好多中碼、大碼衫，都唔啱著。而家著返細碼。

今日起，會由最不需要每天用的東西執起；拿起一件物品，如果 1 年內沒有用過，就斷捨離。

只要用另一個角度諗：「呢件嘢佔左屋企 1 尺，每尺月租 係$40，三年所需既租就係 $40x12x3=$1,440。 呢件嘢值$1,440嗎？」

就可以好捨得。

結束上一段關係時，我覺得冇嘢可以真正屬於自己。

好多嘢都冇帶走。之後，開始重新累積。

人離世時，都冇嘢帶得走。不如變現，化為與親人/自身的開心經歷/記憶。

屋企有 3 盒大富翁，斷捨離咗 2 盒。

香港版大富翁，換咗 $50

騙徒行者版大富翁，換 $70

再斷捨離咗一堆全新，冇玩過冇用過冇攬過嘅毛公仔。

新居冇花園，斷捨離埋高壓水槍，送畀鄰居。

😱工人去領事館屈我哋

之前喺WhatsApp, 清楚列出佢已放的day offs. 
昨晚再提醒佢，已經冇晒假放，仲欠我哋2日工作天。因為佢未做滿3個月，該2天法定假期，會扣人工。

今朝我未起身返工，佢 07:00 就靜靜雞出咗門口。
我問佢去咗邊，今日要返工，佢已讀不回。

然後，agent 講我知，佢去咗菲律賓領事館，投訴我哋出糧畀得 $3000, 冇畀嘢佢食，唔畀佢放假。

我睇返CCTV, 佢上個月出糧時，數咗叠錢 3 次，簽咗form 話收咗人工 $4990. 

WhatsApp, 有chat history, 證明有整嘢佢食，佢連煮都唔駛煮。

Day offs, 我每次都有喺WhatsApp, 寫清楚佢邊日放假。

呢個工人，已經唔留得。

一陣放工，就返去即炒。

明天起，屋企人要輪流請假，照顧小朋友。

下一個工人，係印傭。希望乖少少，幫到手。

首日返工；阿仔發高燒被強行帶返學

 昨天去大美督踩單車、游水、食泰國菜，好開心。

今早，阿仔突然發高燒，38.9度。

出門口時，工人整醒晒 2 個小朋友，佢哋見我出門口，喊得好淒涼。

我特意提工人，阿仔發燒，唔可以返學。
我搵埋外婆，送阿女返學，叫工人 15:45, 才出門接阿女放學。

結果，佢 11:45帶阿仔出門口，12:15返到學校 (本身12:45返學)。

睇返CCTV, 阿仔好清楚咁同工人講: "Mommy said no school. I have fever!  I am sick!"

工人堅持要帶佢返學。阿仔個樣好攰，好辛苦。

再睇，佢今日冇食過嘢。

工人放低食物，就行開咗。

過咗一陣，就收走。阿仔完全冇食過嘢。

我真係好開心，可以做返全職教師，月薪近 8 萬。
老公網上交友不斷，補習社收入又銳減，難得可以教返書，我真係好珍惜呢個機會。

但返工第一日，就咁樣。
我可以點做? 剛才聽到老師打嚟，話濼言 38.8 度，要即時接走。
我好難過。
阿仔得4歲，病就應該在家休息、瞓覺。
結果冇嘢食，冇得休息。病都要被帶返學。

2025 Sept 股票交易記錄

 9月完全冇工開，只好在股市，碰碰運氣。

好幸運，結果很好。

開咗 long call DUOL, 碰運氣。

最近港股成交活躍，Sept 12 開咗 2 張 short put 行駛價 $440. 

港交所昨天跌破 HKD $440, 今日已回升。賺了權金 $1246

現時做的short call, short put, 都係covered. 可以交貨/接貨。

開始返月供股票: VOO, SMH, TSM

Sept 4 開了 SPY short put. 行駛價 $622. Sept 26 到期。收咗權金 $2928

跟谷友推介，買入了 佐丹奴 709. 最近股價跌返，股息率 8.88%. 會繼續少少，少少咁加。

DUOL, MSTR, U 都係抄谷友功課。
賺蝕都係睇谷友眼光、運氣。

TSM 係抄飛鳥功課，早了沽出，買物業4. 
之後會繼續逢低吸入，慢慢再做返股票倉的核心成員。

沽出正股後，已嘗試short put TSM, 不過股價急升，只能賺權金。

騰訊突然急插了一下，買了 long put ,碰運氣。
幸運賺了一些零用錢 $4893.88

這幾張 NVDA, TSLA, 港交所的期權， 10 月到期。到時再睇駛唔駛接貨。

老公不斷網上交友，令傻貓非常沒有安全感。
還是全職工作，比較好。

做返全職教師，學校好好，肯跟 point scale 出糧。差不多頂薪。

果然，老上帝關了一扇門，總會留一扇窗。

以後財政壓力，可大幅減少。不過就犠牲了陪小朋友長大的時光。
沒法子，有得就有失。

8月尾時，見 TSM 長期股價呆滯，開了 short call. 低價蝕讓了。
以後再逐點逐點買回來吧。

有高薪正職，日後做按揭，都容易多了。
我會畀心機，努力工作。

傻貓買樓記：訂造傢俬 (2) 報價單+3D 設計圖

$38380 ， 做晒廚櫃、客廳儲物櫃、展示櫃、鞋櫃、吊櫃，大家點睇？

入屋，洞洞板，可掛書包、手袋、雨傘

到頂鞋櫃，內做活動層板，可調較高低

最下面懸空，方便替換常穿的鞋

展示櫃，分隔儲物櫃、鞋櫃

放公仔、車車、旅行手信

最左邊：儲物櫃，放工作用的書本、教具、教材、筆記

鋼琴上，做吊櫃，增加儲物空間

廚櫃

U 形吊櫃

L形地櫃

原本報價單，索價 $49627

我逐樣問原因，最後刪除了

1. 廚房吊櫃五金拉籃 $2280

江師傅肯幫我免費安裝，我自己淘寶，就ok.

2. 展示櫃燈帶 $2303.5 

3. 搬運費 $6663 

我搵搬運公司，搬晒全屋傢俬，連梳化、雪櫃、洗衣機、鋼琴、1張組合床、6個衣櫃、3張單人床，連拆連搬連安裝、幾個書櫃，才 $10000

江師傅說，有明確到貨時間，他會幫我免費搬上樓

埋單 $38380