這星期多咗帶小朋友出去玩，早兩天又去了小梅沙的主題樂園，學習進度就慢咗少少。
Eddy的學習檔案，明顯數學嘅時間分配太少。音樂、運動方面，都有等加強。小手肌，集中在控筆練習，要多元化少少，玩吓勞作。科學方面，今個星期完全冇玩遊戲。下星期再努力。
Hayley 一向放養，冇特別學習進度要跟。
哥哥睇書時，佢會主動過嚟一齊睇，或者自己攞書，叫我講故事畀佢聽。
這星期，意外地發現，她已經認得唔少body parts的英文字。好多兒歌、唐詩，都琅琅上口。
Monday, January 19, 2026
Tuesday, January 13, 2026
寶寶戒片
睇咗幾本小朋友自己去potty嘅繪本，仲有巧虎DVD, 阿女最近愈來愈鍾意自己除衫褲、除片。見巧虎識自己除褲、上廁所、穿褲、洗手，佢都躍躍欲試。佢成日話“我大個喇”，要同哥哥一樣，唔著片片，要著褲褲。
傻貓淘咗幾條靚靚戒片褲，阿女好鍾意，為咗唔好整濕，會主動講要去vee vee. Poo poo 就一早識自己講完，自己去廁所。不過去完，次次都用咗好多廁紙。話佢，佢就奶音駁嘴：“我抹pat pat之嘛~”
呢個未夠 2.5 歲嘅小朋友，平日口甜舌滑：“媽咪，我好掛住你呀！”、“I love you!”
一到去廁所，就覺得自己好醒好叻🙄🙄🙄
戒片初體驗
要拎可摺叠嘅兒童廁板出街，增加坐落去嘅安全感，而且衛生啲。
先在長假期試行，戒片頭一星期係最慘既，預備好心理：隨時周屋屎尿。買多幾條褲仔，1日濕褲，分分鐘10幾條。
不時問：“急唔急？”，隔一小時就同佢坐廁所。
日頭著戒片內褲，增加濕左體感，小朋友就會學習唔好痾落褲仔。
最緊要家長 "唔鬧&唔發脾氣" (好難㗎~我都鬧/發咗幾次脾氣)
第2個星期就有進步，可以隔2小時，同埋出聲話急。
隔到2小時後，就可以試下出街。 近近哋，落樓下公園玩，畀佢習慣出街嘅情況。真係濕咗，都可以返屋企換衫褲。
之後，叻咗，就可以出街食飯，去商場，最緊要有乾淨廁所嘅地方。拎埋摺疊嘅兒童廁板出街，就基本成功喇。
戒夜片難好多
方法: 夜晚唔好飲咁多水，臨訓前，去一次廁所。
我仲未開始戒夜片，因為一濕床單，就要洗嘢，冇覺瞓。
等阿女瞓醒，乾片出現頻率增加，再挑戰。
Monday, January 12, 2026
Subscribe to:
Comments (Atom)