Muimui 畢業禮

今日係Muimui 嘅畢業典禮。

上次被職員接走後，今日我哋可以再見面喇。

儀式簡單而莊嚴。除了家人， 4姨、Jiene,妹夫的爸媽，都出席和Muimui道別。

我哋都身穿黑白色衣服，妹夫介紹Muimui生平，代Muimui致謝詞。妹妹和Muimui 話別。

分享第一份禮物後，一齊睇Muimui嘅短片。照片都係Muimui喺屋企，同我哋相處嘅點滴，仲有我同佢行山、游水嘅照片。過去20年，由領養她回家，我哋有無數嘅美好回憶。每個山頭，都有她的足跡。

有她同行，無論泳綑、玩澗、穿林、夜行，我都無所畏懼。

赤洲弓洲

橫涌石澗

泳綑

攀上天書壁

機槍堡

一齊玩獨木舟

行夜山（魔鬼山、獅子山）

我哋一齊參加過馬拉松、毅行者、盲俠行，籌過唔少善款。好欣賞Muimui每次都不徐不疾，伴在身旁，跑足全程。

我哋一齊唱聖詩：<愛是不保留>。無論一生有多精彩，「一刻燦爛便要走」。21歲的狗狗，離開時還是健健康康，走前四天，還能陪我行山。一直都沒甚麼病痛。我覺得Muimui真的好了不起。行山行到接受訪問，上報紙。Muimui,你比其他狗狗，厲害多了。

祈禱後，唸完天主經、聖母經、聖三一光榮經，我們為Muimui 獻花、合照留念。

最後，去附近茶樓，食英雄宴。

Muimui,你酣睡的樣子，好可愛

"Muimui, 多謝你。你係我最疼惜嘅家人，多謝你陪咗我哋20年，一齊經歷人生嘅重要時刻。你同我搬過幾次屋，陪我行過好多高山低谷，見證我結婚、生小朋友。我好唔捨得你，但你要走喇。你畢業啦，喺彩虹橋可以開開心心，自由自在咁跑嚟跑去。你見到多多嗎？Bobby呢？佢哋認得你嗎？佢哋點呀？你哋一齊玩啦！唔好再蝦佢哋呀！見到爸爸嗎？佢點樣？開心嗎？我哋要走喇， bye bye. 我哋會做一個暫時嘅別離，再見啦。我好唔捨得你，不過你唔駛掛住我哋，我會記得我哋一齊嘅開心時光。去享受你嘅新生活啦!!!"

斷捨離100天：Day 2：鞋架

今日去佈道會，聽到其他家庭的見證。大家的生活，都不容易。

感恩 2 個小朋友，都健健康康，乖巧聰明。我的丈夫、媽咪、妹妹、妹夫，都是最強後盾。

留意到鞋架已嚴重破爛，恐怕會傷及小朋友。就斷捨離了。

放工回家，等車要 15 分鐘，反正站著也是餵蚊，就慢慢行路去下一個站。不知不覺，就由上村球場，行到林村。今早至今，行了15712步。

斷捨離100天：Day 1：膠樽、啤酒罐

Muimui走了

家、我，都一團糟。

這幾天，天天都哭得一塌糊塗，濼言也跟著哭。一起讀基礎漢語500時，看著一幅幅山、高高的山，想起以後山上，再沒有Muimui陪伴，又哭。看到Muimui留下的毛毯、零食、用了才1星期的新碗，又哭。

爸爸離開時，我清空了旁邊的一間屋，還有整個2樓，專門放置爸爸的物品。幾年後，婚姻破裂時，我才發現自己一無所有，所有身外物都可捨棄。即使留住爸爸曾經用過、愛過的物品，也留不住爸爸。

這次，Muimui已經提早逐步給我提示，慢慢道別。我要學習放下。

昨天修剪盆栽時，內心很平靜。以前Muimui 總是坐在我旁邊，看我淋菜、淋花，她最愛和陽光玩遊戲。修剪好，心情也好起來。

修剪前

修剪後

連續100天斷捨離，透過收拾物品，一步步去整理看得到的空間，同時整理自己看不見的內心。絕不容易，可能隨時半途而廢。但總是一個好開始。

今日先回收了這些閒置的膠樽、堆積的啤酒罐。

投資回報持續改善中: 負58%➡️負0.72%

回報大幅改善

原因 1：

Elon 潑婦罵街後，TSLA暴跌。

May 2開嘅 TSLA short call @$310, expired.  權金袋袋平安。

傻貓買咗一堆TSLL, 仲有 3 張TSLA short put
TSLA升返。

原因 2:

之前預留咗一筆現金，TSLA暴跌時，有子彈入貨。

原因 3：

TG 谷有高人，不忍心另一位谷友，不斷賠錢，決意拯救佢。幫佢整咗個30萬股票倉。
傻貓有時見到會跟吓。其實始終唔明，點解佢每次都喺股票剛有異動時，就留意到佢會有唔錯的升幅? 
佢已經發掘咗幾隻細價股，回報都好厲害。不過傻貓missed咗。而且，咁細價的股票，我其實都冇乜信心。如果唔能夠安心持有，就算了。這些錢，不是我應賺的。

近日買賣記錄:

回報改善係開心，但工人本來答應續約，又突然辭職，搞到我一頭煙。

佢本來答應 July 18 完約才走。

後來改變主意，仲要求 Jun 30 (last day) 前，放晒所有annual leave. 

傻貓見最近唔駛代課，都唔想日日對住佢，冇補習的日子，就安排佢放假。

幻想中，每朝 06:00 起身，做運動、淋菜
=> 同小朋友睇書、玩玩具
=>食早餐，做功課

=>小朋友 nap, 我就 reheat lunch.
=>佢哋瞓醒，我哋一齊食 lunch, 然後出門口返學。

阿仔返學，我同阿女去圖書館，靜靜地睇書。夠鐘就接哥哥放學。

=>回家沖涼，食afternoon snacks

=>做功課，傾吓偈

=>食 dinner

=> 玩 DWE games, 認中文字，劃吓線/迷宮

=>刷牙洗面瞓覺

跟住我有me time, 可練吓琴，睇吓書

現實好殘酷

每朝起身，我醒，小朋友跟住醒

我淋菜，佢哋跑嚟跑去，跌到面腫、膝頭流血

有睇書，玩玩具，但我自己冇時間睇書

濼言食隻烚蛋，要成個鐘，lunch 幾啖飯，又2個鐘。

好多時冇時間nap, 搭車返學時，就瞓著，然後喊住唔想返學，要瞓覺

Lunch 好多時要搭車繼續食

回家，濼言沖涼、食snacks, 做功課，然後就斷電，直到第 2 朝。
又skip 咗dinner. 

咁好啦，阿仔瞓咗，只照顧阿女，夠輕鬆吧?

浠妤會不斷拎唔同玩具畀我，叫我陪玩。

我練琴，佢會撥開我隻手，大叫"畀我", "no".

我睇書，佢會攞走我本書，塞佢的故事書畀我，要我講。

我用手機，佢會大叫"畀"。

整嘢浠妤食，好簡單，佢咩都食。但我洗碗，佢會爆喊，會瞓地，好無賴。

又唔肯著片，又唔講vee vee, poo poo, 剛沖完涼，不時痾到周圍係。我一邊手洗衫，一邊聽到濼言大叫妹妹玩poo poo. 

以前濼言好快戒片，浠妤明明 6 個月大已經識講 vee vee, 9 個月大已可戒片，而家反而唔肯去potty. 

好崩潰。

本來最開心係行山，但帶住 2 個 BB, 行唔到。

而且，冇Muimui陪，我都唔想行山。

好想躲起來，又明白 Muimui 唔想我咁樣。我唔可以要佢擔心我。佢臨走，凝望我的眼神，用手搭住我手，我都記得。好痛好痛。我心好痛。Time heals. I can only wait. But now Muimui is the only one I can think about. I want to go too. That place must be v. pleasant and comfy. That's why Muimui leaves us for that. Death is not frightening. I'm looking for the day that we see each other again.

Muimui離開後Day 1

醒來，想起Muimui已不在，心裡好像穿了一個好大的洞。眼淚不斷奪眶而出。

翻看照片，我每次行山，都有Muimui 陪伴。她是最佳最忠誠的山友，永不抱怨，陪伴我一步一步，走出陰霾。高山低谷，hea 行、攀石、泳綑、獨木舟、馬拉松，她都在我身邊。

20210321 @ 梧桐寨瀑布

20201007 @ 城門水塘（畔塘徑+菠蘿壩徑）

無論去邊，Muimui都會跟實我，望實我。

行完山，仲陪我做plank. 

我知道Muimui都唔想走，但時候到咗，佢冇辦法。

好難過好難過，個心好痛，個頭好痛。

濼言見我喊，都不斷講: "我好鍾意Muimui呀，點解Muimui要走?"

對呀，Muimui冇病冇痛，點解要走?

過幾日，就係Muimui的喪禮。好期待再見到她，又好害怕，以後都沒有機會再見到她。

Muimui離開了

 

呢兩個小朋友，趁媽咪去洗手間，自己玩 messy play

平時冇事嘅，但媽咪今日崩潰咗

尖叫、嚎哭，好想躲起來

我覺得佢哋係故意嘅

今朝醒來，就收到子傑話要送Muimui去安樂死

我好想去陪Muimui,佢陪咗我21年，我唔想佢孤獨咁走

4日前，我哋先一齊行山，點解話走就走？

過到去，妹妹請咗假，陪Muimui

傑冇瞓，陪住Muimui

柏霖珮琳放學返嚟，同Muimui道別

我抱Muimui落樓散步，輕聲同佢傾偈

佢開始時，仲好精神，周圍望

我講佢知，佢哋會帶佢 2點半打針，如果唔想打針，不如安靜咁走

佢定眼凝望著我

我多謝佢陪我咁多年

陪我玩獨木舟、行石澗、行咗好多好多座山

我知佢辛苦，知佢唔捨得

我都係

不過我唔想佢打針，又唔想佢咁辛苦

我問佢明唔明

佢條頸突然冇晒力，手手僵硬了

我請佢等等，我帶佢返屋企先

如果有vee vee, poo poo,去埋，乾乾淨淨，舒舒服服咁走，好唔好

佢隻腳又有返力

雙眼對焦返

痾完，帶上樓，輕放落床仔

佢對眼已經定定咁

我明白佢要走喇

不過家人未返齊，佢掛心

外婆明知佢要走，但照舊出去上堂操曲

只叫我有空去睇Muimui

就算我走，大概都係咁

不過外婆在，Muimui都會走

多少個夜晚，Muimui一吠，外婆覺都唔瞓，帶佢落街去廁所

多少次，外婆幫唔願落樓嘅Muimui,掃地抹地，清潔穢物、沖涼

濼言要趕返學，送完返學，13:30, 傑話Muimui已走

都好，唔駛打針，咁辛苦

辛苦了！謝謝妳！

Muimui,

This is the last photo of you. 

I'll miss you as always.

I love you and I know you love us too.

Rest in peace. Don't miss us. 

When time comes, we may meet again.

Love you.

代課扎記：我係工具人

今次這間學校，1日9堂。每朝早會，唔係落操場睇升旗，就係入課室處理班務、收功課。Lunch time 有20分鐘，睇食飯。放學前，10分鐘班務時間。

學校人盡其才。12天代課，有4天，我一個人，代2位老師。全日只有1堂free堂，可改卷、改作文改正、改默書。其中10天，free 堂要代埋其他請假嘅老師。所以，今次連泵奶都冇時間，加上skipped早餐，奶量暴跌至10-30 ml. 另外，學校安排嘅泵奶室，係6樓1個冇電冇燈，勁污糟嘅殘廁。鎖門後，一片漆黑，只有悶熱。有時胸脹痛得難受，只好趁lunch出去商場泵奶，lunch都沒時間吃了。

原任老師，視力應該有問題。F.4 由9月至今，應該作了12篇作文，但她只改了幾篇，而且完全沒批改改正，也沒有提供 post-writing worksheets. 她給我的工作安排，就是改作文、改改正、整post-writing worksheets. 雖然workload好重，但last day當日，剛好改晒所有的作文、改正。成功感滿滿的。😊

至於中一，學校可能唔chur進度，學生係乖嘅，但學習態度比較hea. 作為班主任，我發現大部分同學，開學至今，冇請家長簽過名。欠交功課、欠書，非常嚴重。我收晒手冊，逐一檢查，並打電話，通知家長。這才發現有些家長，甚至不知道有家長日。閱讀課，冇同學帶書。我安排class librarian 開書櫃，即堂借閱。Librarian 話從未試過早讀。

Office安排我去代課，好多時係臨時打我手機，叫我下一堂去邊個課室。中幾？咩科目？冇所謂。老師都冇放低咩教材。無須教學，只係睇住班學生。

傻貓通常入課室，就問同學呢堂係咩科，學緊咩，幫佢哋溫吓習、預習吓，或者玩吓language games,睇吓英文電影，再抽問吓，睇吓明唔明。

So far 代其他老師時，我教咗

1. Biology: food pyramid, a balanced diet

2. IS: heat conduction 

3. Eng: 

F.1,2,3: vocabulary, reading comprehension, dictation revision 

F.3: phrasal verbs, conditional sentences 

F.5 Paper 1: reading comprehension 

F.5 speaking skills, group interaction 

4. Maths: line chart

5. F.2 LS: 關稅、保護主義

6. F.5 CS: 基本法：國家定義、國家公民、世界公民

7. 中文: 

F.1: 詩三首、友情傘、絕詩、律詩

F.2: 文化知識：中國傳統節日

傻貓好enjoy同學生互動，涉獵咁多唔同科目、範疇，都係好難得嘅教學體驗。

只係學校將我嘅時間表，填得密密麻麻，感覺自己像工具人，情緒有點低落。

我座位附近有另一個老師。他已退休，今年回來當半職教師。他只教1班F.6. 他們已考完DSE。所以他每天就是準時返工、放工，1堂都冇。平時學校日日都有很多老師請假，他就去代課。我來了，他就可以休息吓。😌 

家長信箱：如何緩解幼兒的分離焦慮？

家長提問：

“小朋友3歲，已返N 班。但當要獨立上興趣班，要分離時仍會大喊。去公園玩，如果太多小朋友，有衝撞時，會好驚，唔敢玩。

我地已在上興趣班之前多次向小朋友做心理建設，如指出興趣班有咩好玩，爸媽在外等佢放學。去公園玩時，如果佢驚，都不會強迫她。

請問如何協助她過渡此情況？及分離焦慮？謝謝你的解答。”

老師解答：

“以下方法可以幫助孩子減輕他們的焦慮感：

1️⃣從小事情開始逐漸引導孩子獨立處理。如在家裡完成一些小事，然後逐漸增加難度，直到孩子可以在興趣班或公園中獨立應對。

2️⃣給予他們安全感，在情感上的支持和鼓勵，讓他們知道你會在他們需要的時候在身邊。這樣可以幫助孩子建立安全感，減輕分離焦慮。

3️⃣提前準備好孩子將要面臨的情境。在興趣班或公園前，可以和孩子討論一下即將發生的事情，解釋他們將會遇到的人和活動。

4️⃣建立穩定的日常生活，確保他們有足夠的睡眠和飲食。這樣可以增加孩子的安全感，減輕焦慮情緒。

5️⃣幫助孩子建立社交技能和自信心，可以讓他們更容易適應新的環境。你可以安排一些和其他孩子的互動活動，例如與其他家庭一起出遊或參加遊戲團體，這樣可以讓孩子逐漸習慣和他人相處。

6️⃣當孩子進展順利時，記得給予他們肯定和鼓勵。讓他們更有動力面對新的經歷。”

備註：

傻貓入咗個家長谷，老師、谷友不時分享好多育兒心得。簡單記下，供日後參考。

如果我有事

傻貓上個月，戶口價值，同年頭比較，跌咗100萬。當時只覺得：“嘩，58%，原來係呢個數。呢個moment,值得寫低。”

通常大家都贏就威威，輸就收埋。

傻貓寫blog,就只想記低真正嘅自己，有幾白癡。因為現實的世界，小朋友覺得媽媽一定啱；學生覺得老師一定啱；屋企人覺得你好掂；朋友覺得你唔駛返正職，又搞得掂，好叻。真正的我，就在這裏，面對自己。

呢個人可能太壓抑，分享咗，就被報導出嚟。

36歲，月入4萬。其實唔差。有事業，冇小朋友，開支唔多。如肯戒賭，穩打穩紥，好快就重新,累積到assets.

傻貓冇穩定工作，就嚟50喇。2個小朋友，分別是1.5歲、3.5歲。考慮嘅嘢多啲。

100萬，好似多，又唔係。股市升吓，又cover咗好多。今朝睇，YTD 已去返 -11.5%. 

同文中嘅主角唔同。傻貓唔鍾意借錢。牛熊證，喺投資樹窿，畀匯君鬧完，就戒咗。可能有時，就係欠1個肯鬧你嘅人？

投資回報差，但我睇返，portfolio 嘅股票，都冇乜大問題。帳面跌，就跌啦。順手轉過吓倉。同時，每個月又繼續月供股票、零存整付，低位都被動地，買咗少少股票。

如果家人有事

我和妹妹，都隨時可拎應急錢。

如果我有事

我出事，有3份 in force嘅保險，錢唔多，估計都夠應急:

1. 醫療、意外、危疾

傻貓唔希望自己成為家人嘅負擔。醫療費用，可以搞垮一個家庭，奪去他們的將來。健康，是最大的財富。但凡事有例外。這份保險，就係佢哋嘅保護傘。

2. 人壽

3. 年金

另外，仲有份早就供完嘅儲蓄保險，滾存紅利中。到時可應急。

同時，有3間收租物業。如他們需要，賣出套現，也可以。只是要等幾個月成交。

戶口有儲備金，即使老公冇工開，仍足夠2個孩子，半年生活費。

半年，股票戶口嘅錢、股票，都用到了吧？

如果太長命

但如果，傻貓長命，又夠錢用嗎？

保險年金，到時就派上用場，唔駛攤大手板，問仔女乞。

但幾多錢，先叫足夠？

老公負責：一日三餐、屋租、工人月薪、水電、石油氣、貓糧。

現時生活開支，主要係搭車返工放工，畀小朋友學這學那。讀券校，本身就冇乜開支。

補習、興趣班，隨時可cut. 亦已付諸實行，cut咗平衡車、跳舞、跆拳道、體操、七田真。阿仔話唔鍾意，咁算啦。

拼音班仲有幾堂，學完唔續。成$1200/堂，特登搭去沙田，單對單，但阿仔唔鍾意上堂，仲搞到冇時間親子閱讀、玩遊戲，唔抵。

小朋友慢慢長大，會有更多開支，好似補習、學琴、羽毛球、跳舞、暑期班，但都有數計，有限開支。自己開補習社，到時加埋自己小朋友，一齊上堂，就可以了。

只要阿女唔讀私幼，仔女都唔讀直小、直中，唔打算海外升學，就有數計。當然，如果2B到時想海外升學，就要預鬆幾十萬。

想來，最大支出，就係旅行、保險費。

投資回報改善中: 負58%➡️負14.58%

投資，天才不多。更加多是靚牌打到爛嘅人。即係我。

上個月，戶口帳面數跌咗100萬。

緊張，減倉TSLA.

每次減持，都接近最低位。

股價回升，手上嘅幾百股TSLA,距高位仍有距離，但條數靚仔返。

回想，當時冇持倉壓力，冇經濟負擔，純粹愈跌愈多，見討論區哀鴻遍野，自己就減持。好白癡。

套現嘅錢，買咗TQQQ,回報比TSLA差。

幸好，每個月規律地零存整付、月供股票，仍進行中。

每年儲蓄保單，也進行中。

戶口價值，由350萬左右，跌咗唔少。只剩281萬。

現時戶口現金45萬。有便宜貨，才逐少買。現金流，才提供到安全感，股票大特價，才有子彈吸納。

近日買賣記錄：

股票：

1. Apr 30: SOLD 200 1299 @SEHK @ 58.15

2. Apr 30: BOUGHT 10,000 939 @SEHK @ 6.37

3. May 2: SOLD 1 TSLA Jun06'25 310 CALL @ 13.15

4. May 2: BOUGHT 10 TQQQ @ 59.03

貼錢買難受: 去邊唔重要，睇同邊個去

去完富國島返嚟，投入工作。

但一哥日日問住: "旅行啲錢，計好未?"

好煩。

機票錢、villa錢，都係我出唧。
但傻貓不喜歡拎現金，一哥就兌換咗越南盾，畀吓入場費、買吓嘢食、手信。有限數吧?

負責計錢的是我妹妹。
她每次都寫低邊個出錢，用喺邊。

回港後，大家工作都忙。妹妹更是日理萬機，不停開會、追數、搞training. 

一哥這樣不斷追問，令我和妹妹都很煩躁。

最後妹妹計好，PayMe咗畀佢: HKD $1163

一哥睇到條數，又崩潰咗。"咁貴? 用咗咁多錢?" "旅行咁貴?"

再問多幾句，佢先講: 買咗2隻long call TSLA, 蝕咗錢。
傻貓唔明: 駛錢去旅行，都叫同屋企人一齊，enjoy吓丫。賭錢，除咗刺激，有咩得著? 
唔捨得駛錢同屋企人去玩，但幾冇錢，都要去賭。輸咗仲輕描淡寫。
我好無奈。

因為一哥乜都唔願玩，我哋去到富國島，冇行海底隧道，冇孭樽潛水，冇睇海星，冇去睇Kiss of the Sea.
妹妹佢哋一家，乜都有玩，睇相都知幾好玩。

但係包車去到，一哥都因為要畀入場費，寧願留喺架車，睇手機、瞓覺，落車食煙。

睇煙花表演時，一哥開場不久，就瞓著咗。得牙牙學語的妤妤，同我互動吓。

搭飛機又係令我唔開心。
出發前一晚，我已經問: "訂唔訂飛機餐?"
一哥話唔駛。

班機delay 咗2小時，原本12:00機，14:30先on board. 
妹妹一家訂咗飛機餐，阿仔阿女都嘈話要食。
一哥叫我即係order. 知道早order先有45% off, 又話唔好訂。
睇到表哥表姐有嘢食，自己冇，小朋友喊。
妹妹最後抱咗妤妤，一齊食；妹夫抱濼言，食佢個餐。

一哥面黑黑，話我冇訂餐。
傻貓滿頭黑線。係佢自己話唔駛訂，而家又係我錯?

呢次旅行，我駛咗2萬幾蚊。但玩得唔盡興。

上次去福岡，佢話冇工人，佢日日要湊仔，仲慘過喺香港返工。

今次去富國島，佢又話唔好玩。

傻貓只答"哦"

我覺得，佢呢個人，先係令成個trip唔好玩的主因。

-------------------------------------------------------------------------------------------------------

回港不久，一哥工作時，由椅子上墮下，跌傷腳，走路一拐一拐。醫生話畀假紙，佢拒絕。話公司唔夠人手，佢唔可以攞假。

佢痛咗幾日，隻腳愈來愈腫。去咗睇跌打，行路龜速。由睡房行去旁邊的浴室，行5分鐘。

但他無論返7放1，還是返7放5, 返7放9，最後都係返7放10。放工後，他會代其他員工，繼續工作。他說出現金糧 ($100/hr)，好過出月薪。每日都有錢收，好好。

跌傷，明明係工傷，唔攞病假，仲要幫人做替工。

傻貓完全不能理解。

我也無法理解，我補習一小時收$1000, 代課日薪都$1854, 主動收入多佢好多。
點解佢唔肯花多少少時間，睇住小朋友，堅持要返工，仲要我cut堂，照顧小朋友?

-------------------------------------------------------------------------------------------------------------------

昨晚發燒 39.8度。奶量這2星期，由180 ml, 跌到20 ml. 
冇食早餐、麵包、粉麵，行168, 唔止輕咗，肚腩細咗，仲成日手軟腳軟、頭暈。
這星期，阿女每晚都醒幾次，自己扯起我件衫，啜奶。食一陣，又話冇奶奶，喊喊喊。喊攰了，才睡一會兒。然後，又攞奶食。

浠妤：冇......奶奶奶奶奶

大家都覺得好work, 覺得健康咗。但哺乳中的媽媽，原來需要的熱量不少。
如果唔係谷友提醒，傻貓可能仲堅持呢套飲食方式。可見獨立思考能力，有待改善。

重新出發: 3個月，暴虧 100 萬 之後......

明明已不再年輕，但還是天真自大狂妄得可笑。

才 3 個月前，傻貓寫下: 1年 68%增長：我的投資之旅

當時還在想: 嘩，這個投資回報，全年不工作，也不用愁生活費喇。
於是，這幾個月，去完福岡，又去富國島，用了幾萬蚊，住 villa, 包車周圍去，挺爽耶。

可是，成也Tesla, 敗也 Tesla. 
1月28日，那 68% 回報，建基於近乎全倉的 Tesla. 
回看這幾個月的 Tesla 股價走勢，可以想像回報有多差。

最糟糕的是: 做了一大堆錯誤決定。

現在逐項列出，好好檢討。

期權:

1. Jan 9: SOLD 1 TSM Mar21'25 185 PUT @ 5.84 (已接貨)
2. Jan 29: SOLD 1 NVDA Mar21'25 135 CALL @ 7.05  (賺 HKD $5499)
3. Feb 8: SOLD 1 TSLA Apr17'25 325 PUT @ 15.3  (賺 HKD $11934)
4. Feb 10: SOLD 1 700 Apr29'25 460 CALL (TCH) @SEHK @ 16.35 (近日急升，現價 $478.2, 賺少了)
5. Feb 11: SOLD 1 TSLA May16'25 310 PUT @ 20.6 (未平倉)
6. Feb 20: BOUGHT 1 TSLA Mar28'25 380 CALL @ 17.25 (蝕 HKD $13455)
7. Feb 22: BOUGHT 1 TSLA Mar28'25 380 CALL @ 10.6 (蝕 HKD $8268)
8. Feb 22: SOLD 2 TSLA Apr17'25 375 CALL @ 17.85  (賺 HKD $27846)
9. Mar 21: SOLD 3 TSLA Apr17'25 250 CALL @ 11.88 (Apr 7 已平倉)
10. Apr 3: SOLD 1 TSLA May02'25 230 PUT @ 10.18 (Apr 25 已平倉)
11. Apr 7: BOUGHT 3 TSLA Apr17'25 250 CALL @ 10.4 (賺 HKD $3463.2)
12. Apr 25: BOUGHT 1 TSLA May02'25 230 PUT @ 0.71 (賺 HKD $7386.6)

股票:

1. Jan 13: BOUGHT 500 16 @SEHK @ 70.35
2. Jan 15: SOLD 50 TSLA @ 406.85
3. Jan 15: SOLD 50 TSLA @ 416.785
4. Jan 16: BOUGHT 250 NVDA @ 133.85
5. Feb 7: BOUGHT 10 TSLA @ 369.46
6. Feb 20: SOLD 500 2388 @SEHK @ 27.05 (近日急升，現價 $30.5, 賺少了)
7. Feb 21: BOUGHT 40 TSLA @ 346.68
8. Mar 21: SOLD 40 TSLA @ 232.82 (才一個月，高買低賣，虧損 HKD $35524.32)
9. Mar 24: SOLD 90 NVDA @ 120.18 (蝕 HKD $9596.34)
10. Apr 17: 接貨: TSLA @ 325
Contracts:

Option	Expiration (mm/dd/yyyy)	Strike	Type	Quantity
TSLA	4/17/2025	325.0	PUT	1

11. Apr 21: SOLD 220 TSLA @ 231.82
12. Apr 24: SOLD 10,000 939 @SEHK @ 6.84 
13. Apr 25: SOLD 100 TSLA @ 281.262

檢討:

這些買買賣賣，沒有甚麼邏輯。
跌跌不休，就買了一些。但再跌，就驚，又賣走。
然後，升少少，再賣。賣完，仲升，又買。
財富就這樣，逐漸消失。

現時戶口只餘 2.65M, YTD 回報率 -19.33%

今天開始，每次買賣前，自己好好想清楚。
記錄下來，買賣的原因、邏輯。

5月底再看看。

PN面試第二回：成功取錄

果然想法決定行為，行為決定結果。

取消了今早所有補習，幫Hayley溫習，預備面試。

哥哥游完水，爸爸送完哥哥去學校返畫班，一齊去幼兒園。抵達後，有小朋友走過來，抱起Hayley. 她反正習慣了，靜靜望著他，微笑。

走進課室，浠妤自己拉開椅子，爬上去坐好。

老師說她可隨意拿玩具玩，她笑著走去玩玩具廚房。有板有眼地煮煮煮。

老師問我，她的健康情況、有沒有食物敏感、言語發展、戒片進度，就講解上課時間、被鋪尺吋。

我真的好喜歡這間學校，這裡是大埔區數一數二好關愛嘅學校。

然後，昨天面試表現欠佳的幼兒園，打嚟約2個月後second interview. 我推咗。

嚟緊仲有 SPCN 嘅 interview. 到時等 Hayley 自己揀學校。如果佢鍾意學校嘅老師、環境，表現一定好。

媽媽可以放心，出去返工喇。