今日返新工，因為只需要教 1 班高中，IT Dept 未得閒幫我開 account, 所以 部電腦用唔到，整個早上，就係玩手機、執枱。
不過校舍真係好大、好靚。我好鍾意呢個 balcony 同茶藝室。
之前間官校，好多課室，咪箱都係壞嘅，課室仲用緊傳統黑板，projector 投映模糊，課室電腦開機後，要5分鐘先用到。沒有教員休息室，開會用課室。全校最靚係STEAM room,但平日大家基本唔會用，只於開放日、VIP到校，才招待外賓。
而家課室用interactive whiteboard,上堂efficient 咗，教學進度快咗，學生有iPad,我可用google classroom 即時畀練習、收功課，課室電腦長期login咗，好方便。
逢星期五，casual wear day,老師可穿牛仔褲、波鞋。
最正係考試周，一連2星期，要監考先要返，唔駛監考就放假。監考，返半日，考完走得。
仲有medical allowances, 連家屬都可以免費睇私家門診。
