再三推卻，甚至轉公司，自願減人工，只求返早收早，放星期日。
結果，仍然做返大廚。
當你識嘢比大佬多，數口比大佬好，食材成本更低，管理技巧又更好，而且，樣樣都跟自己一套行，又行得比大佬好，兼且食物醃製技巧知得更多，做得更快，老細真係冇可能畀你長期做散仔。
不過，一哥每個月人工多$3000, 但返工時間，就由朝8晚6，變成朝8晚11:30。
有人射波，佢頂; 唔夠人，佢頂。
大佬走咗，二佬做嘢唔叻，做唔到一哥要求，自動求去。
人手嚴重短缺，一哥又寧缺勿濫。留下的，工作量更重。可想像留下比離開，更需要勇氣和決心。
每天醒來，一哥已返工。
放學，去埋補習社，回家23:00左右。講2本中文繪本，2本英文ORT, 玩一陣busy book,認吓字卡。然後同濼言沖涼，2B一齊埋身食奶。往往餵餵吓，我就睡著了。
一哥通常01:35左右回來。大家都累，打聲招呼，我就再睡。半夜繼續餵夜奶。一哥2點左右淥麵，然後睡覺。
這樣的非人生活，過幾天就完了。
這份合約，做到June 5.
不過一哥的考驗，還未完。
2年前寫過N班面試分享，轉眼又到妹妹要預備喇。
🏫迦南pn 面試（窩打老道）
門口排到夠鐘先入學校，入到去一個家長陪小朋友in,另一個去聽簡介。
首先入1間大房，聽個主任介紹一大堆佢d教材，大約聽15-20分鐘。跟住就逐個叫名去見老師。
首先老師攞一兜顏色珠珠，請小朋友入返落一樣顏色的樽，再要佢扭埋個蓋。
跟住抽圖咭，問圖片內容。跟住比本書要家長和小朋友一齊睇。
最後送禮物。
其他
1）睇圖書-媽媽同佢睇，問佢咩動物、咩顏色等⋯老師會睇留唔留心
2）綠色/紅色玩具放入綠色/紅色容器
3）分辨綠色/紅色/藍色物品、相片
4）睇圖辨東西
🏫藍田靈糧
分兩part
第一間房5個小朋友，老師一對一同佢玩，有玩樂器交俾媽咪，玩疊積木
第二間房10個小朋友，老師帶唱歌做動作，總校長同副校長觀察，玩大肌活動，爸媽抱高swing, 轉圈，踢球
🏫文娜雅拔面試
1. 大家圍埋一埋外國人唱歌，簡單睛雨表,有叫d小朋友出去幫手痴，睇下佢地有無跟住拍手同dup腳
2. 圍枱玩 egg and 大 Lego
3. 一家長一小孩 interview, 一印度一香港人問問題，中英都有
中文老師：
1）先問佢媽媽係邊度叫佢指
2）俾個公仔問叫小朋友指眼耳口鼻
鬼婆：
3）有一張圖有好多唔同色波波，問佢顏色叫佢指
4）有生果圖，問蘋果，橙，提子叫佢指
中：問邊個湊，點解選呢間
英：有無返playgroup 返邊間返左幾耐，平時同佢去邊玩
🏫青衣宏福
家長要答兩條問題，
1/自我介紹三十秒
2/同埋你覺得小朋友六歲前要學習什麼
每人都要搭，但搭前校長會問邊個家長想搭先
🏫北角明慧interview :
一開始係大房唱歌跳舞，之後換房，一個老師對四個小朋友。
1. Say Hi
2. 同公仔牽手 （毛哥無理佢）
3. 係個籃拿玩具 （有生果，車等等，老師叫毛哥拿車，好彩毛哥一向都鍾意🚗）
4. 叫佢地玩玩具，然後同旁邊的小朋友交換
5. 比返玩具老師 （呢個時候.... 毛哥大大聲咁話 「唔要！」，我係佢後面O嘴😓）
6. 玩搭積木再收起
7. 最後有份野叫交俾媽咪就完啦
🏫荃景 Joyful
1. 先在一間房玩觸感遊戲
有幾個section，有波波，大building block，顏色水瓶shaker，一盤顏色米裡面有動物公仔，自由地玩，有d姐姐係附近觀察，15分鐘左右
2. 普通話故事時間，坐著聽故事，中間有互動如比波波小朋友
2. net 獨立interview，問小朋友叫咩名，鍾意食咩水果，放返水果入籃，拎貼紙，high5，問父母有無問題問，byebye
🏫KLT啟思
一開始交左錢先。再上1樓面試。我係Room4...有四個老師in 緊，放低張form 就等老師叫名
老師拎一大盤道具。
1.睇書，問書入面既公仔
2. 入圖型。入返入個木玩具桶
3.比車車。考推俾老師媽媽，分享
4.生果手抓板
5.生果玩具切生果，分享
6. 疊積木。疊高
7. Hi Five shake hand
8.最後拎貼紙。講謝謝and bye bye
🏫RHS
10小朋友去1個classroom, Fergus is no. 8
課室裏面有2老師in , no 1 至4先去長枱in， 其餘在playmate 玩，有一個net 和bb 玩，另有一個姐姐mark 分。姐姐見Fergus 不懂行，没叫他拉車，只在playmate 上和net 玩。
之後去長枱in, 首先给一碟水果，問那個是橙，又叫Fergus 拿水果给老師，之後玩彩色棉球放在水彩碟上，玩完，tidy up, kiss mum mum, 给礼物, bye bye ……
🏫太子道方方
1) 砌lego
2)拿蘋果比爸媽
3)拿香蕉比爸媽
4)講多謝*
🏫律倫街啟思
一入到房周圍都係玩具，叫你自由玩下先
玩到咁上下有老師埋黎
1）指張form上邊張相問邊個黎
2）邊個同你黎
3）手抓板（車，船，飛機）
4）面包同香蕉，叫佢俾個包媽媽
5）積木車，推車俾老師/媽媽
6）積木車穿返d粒粒落個積木度
7）有本布書
打開叫佢指Apple, ball ball , 最尾有頁有杯，spoon , 叉，碟，叫佢拎隻杯同匙，之後痴返落本書到
8）送貼紙byebye
🏫荃景 Joyful n interview
1. 先在一間房玩觸感遊戲
有幾個section，有波波，大building block，顏色水瓶shaker，一盤顏色米裡面有動物公仔，自由地玩，有d姐姐係附近觀察，15分鐘左右
2. 普通話故事時間，坐著聽故事，中間有互動如比波波小朋友
2. net 獨立interview，問小朋友叫咩名，鍾意食咩水果，問生果名，apple, banana, orange,放返水果入籃，拎貼紙，high5，問父母有無問題問，byebye
🏫明慧interview
一開始係大房唱歌跳舞，之後換房，一個老師對四個小朋友。
1. Say Hi
2. 同公仔牽手
3. 係個籃拿玩具
4. 叫佢地玩玩具，然後同旁邊的小朋友交換
5. 比返玩具老師
6. 玩搭積木再收起
7. 最後有份野叫交俾媽咪就完啦
🏫蘇浙
考：眼，耳位置，認生果有banana apple orange, 俾apple 媽咪，俾banana 爸爸，揭書找出🐻仔，蛋糕，tea pot cups 找出杯，之後要cheers 同飲水，接貼紙，推椅，拜拜
🏫Kcs 小分享 暫時見到最難
打招呼，叫佢坐
有個公仔要指眼耳口鼻手腳
喺8色顏色盒內拎紅色同黃色畫畫再放返d筆入盒俾老師
拎個杯俾daddy mammy，叫daddy mammy飲完再幫手放返原位
積木圓形插返入長方形指定位置
仲有要香蕉由3件變返一條
拎貼紙講謝謝
Byebye
家長問題
平時邊個照顧，去邊玩
🏫啟思
一坐低老師問我佢識唔識講野。一開始老師攞盤玩具出嚟，問佢係咪媽咪同你嚟呀，媽咪喺邊，叫佢指出嚟。
跟住老師先攞住個波問佢係咩，之後老師推個波俾佢，叫佢推返俾老師，期間個波跌左落地，老師叫佢落地執左俾老師。坐返上椅子，老師再推個波俾佢叫佢俾媽咪。
第二，老師拎住毛公仔狗問係咩嚟，叫佢按狗隻手會有狗聲，睇bb有咩反應。之後叫佢同狗握手，再講bye bye.
第三，攞一set唔同大少木製圈圈(本身已放喺支木棍座), 要佢逐個圈拎出嚟(因為d 圈嘅洞好細老師有幫佢) ,拎晒所有出嚟再叫佢逐個拎返入木棍裡。最後一粒係公仔頭，老師拎向佢面前睇反應，佢就錫左一啖。
第四，木板積木，得3 塊分別係香蕉蘋果提子。老師逐個問佢係咩嚟，再叫佢放喺木板正確位置上。
最後老師問我平時邊個湊，有無返playgroup, 因為無返playgroup老師問佢d野點學返嚟，我話自己教。
最後老師俾貼紙，叫佢貼喺自己心口，再同佢講byebye. 自己落推椅子。行到課室門口老師見佢大叫『婆』。(因婆婆喺門口) 問佢呢個邊個嚟架，佢話『婆婆』，之後再bye bye飛吻。
留堂室。
傻貓試探地問：“Bryan,橫掂罰完抄，都要坐定等時間過，不如傾吓偈丫～”
Bryan趴枱:"唉～是但啦～"
我笑笑口：“聽講你冇返學大半年喎，點解決定返嚟嘅？”
Bryan托住頭:"悶丫嘛，日日打機瞓覺，咪返嚟搵人玩咯～"
傻貓：“咁你出面嘅朋友呢？佢哋唔陪你？”
Bryan坐直斜睨:"佢哋好多都返工㗎嘛～放工咪出嚟咯～都係吹水食吓煙咁"
傻貓有點愕然同學嘅坦白：“佢哋年紀都好大喎”
Bryan:"我留咗班丫嘛～正常啦～"
我暗忖：Bryan讀F.2咋喎~佢留咗幾多次班？
當下輕描淡寫轉話題：“佢哋都返工，咁你有冇諗過將來想返咩工？”
佢冇所謂：“做唔做都冇所謂啦～有老綜嘛～悶咪求其搵份工，賺夠就唔做咯～”’
傻貓問咗個白痴問題：“咁你點養爸爸媽媽呀？”
佢嗤笑：“佢哋都係政府養㗎嘛～佢哋養到自己，養埋我～咁我點會養唔起佢哋呀？”
原來係咁。
