生BB後，每次減肥，奶量就跌。結果，遲遲未有成效。
妹妹話我行得慢咗，我都發覺好多衫唔啱著，幾條褲都爆呔。
近日濼言開始加固，飲少咗奶。我呢隻乳牛，可以休息一下。
食少咗飯、紅肉，戒咗朱古力，食少咗雪糕，飲多咗水，飲少咗媽媽奶粉，踩咗3次單車（40分鐘／次），跟咗3日Apps做運動。
Round 1昨天結束。
妹妹提議舉家移民英國。她問我會否同行。
我放不下17歲的狗狗Muimui. 她白內障、關節退化，牙齒脫落。而且她對陌生人，很有戒心。
好動的她，仍然經常跟我行山、划獨木舟、踩單車。
我們現在每餐都會用blender, 打碎雞柳、豬、牛、西蘭花、蕃茄等，摻雜白飯，給她吃。
找新主人已不易，找個會珍惜她，待她如珠如寶的人，更難。
還有我媽，她67歲了。糖尿病，又剛做完白外障手術。
她經常要去健康院覆診。
平時如果我們外出，她必定不會乖乖留在家。
愛熱鬧的她，如果兩個寶貝女兒，還有所有孫兒都離開身邊，她會怎樣?
還有香港的物業，要脫手轉售，也要一定時間。
一哥剛剛才說考慮創業。如果開業一年就移民，可能連回本都成問題。
沒錯，身邊很多好友、小學同學、中學同學、教書的同事，全都走了。澳洲、加拿大，最多人選擇的是英國。
如果考慮濼言的成長、學業、生活環境，英國的確是非常不錯的選擇。
而且，表妹已在英國讀書好幾年了，五姨一家不久後，都會移民和她團聚。
或者媽咪會改變主意，一起同行?
這屆特首，連表面的民主都省掉，甚麼選擇都沒有，中央直接委任李家超。
可以預見，香港的言論自由，只會愈來愈少。
政府還聲稱禁制Telegram.
凡此種種，都令我非常不舒服。
香港已經失去讓市民表達意見的港台節目，例如頭條新聞，星期日也不再有維園的現場直播，讓市民討論政府政策。土地條例，修改後，連環保團體的聲音都被滅聲。所有土地改動，政府和地主說了算。
如果留港，濼言會在怎樣的環境長大?
會否動輒得咎?
我暫時不打算做任何決定。且看妹妹是否開始著手預備，媽咪又會否改變主意，Muimui 的健康狀況如何。
如果媽咪和Muimui情況不同，妹妹又真的打算移民，香港也就沒有甚麼值得留戀。
3間物業，都可以善價而沽。粗略估計，連同股票、基金、外匯，肯定超過一千萬。
移民後，是否工作也沒所謂。
離開，可能更開心。
股市跌勢持續。美市恐慌指數是11，屬於極度恐慌。
外匯、債券，在美國加息陰霾下，現時也不特別吸引。
貴金屬、黃金，我一向比較少涉獵，只持有以前買來或收到的金器、金幣。
曾經打算今年起，每年購入一些金幣或少量金粒，作為後備。
不過現時一哥考慮開茶記創業，我只能靜觀其變，有需要時提供協助。
投資計劃，只能小心謹慎進行。
還是繼續低位增持正股，比較簡單。
傻貓繼續既定策略，當SPY, TSLA, 跌到某個位置，就買入一點點。
稍後，如果跌勢加劇，會陸續增加購入的力度。
這次操作，和以往有些不同。
之前，跌市會好擔心，拋售正股、開short put, short call.
然後，像騰訊，愈short put, 愈跌得甘，結果成手蟹貨。
Short call也不湊效。因為跌市中，沒有人能預知底部。
Short call價格毫不吸引。如果想得到較高的權金，就要做近價的short call.
代價是: 正股反彈時，自己只能低價忍痛割讓愛股。
今次，我盡量乖乖的，逢低購入SPY, TSLA的正股。
心理壓力細很多，即使全日不看手機，也不礙事。
而且，分段小注購入正股，即使買入股票後，股價下跌，我都只會高高興興地，繼續愈跌愈買。當跌到某一個價位，覺得買夠貨了，又可以停止購買行動。主導權在手，心情也好多了。
沒錯，我沒有水晶球，不知道股市幾時跌完。
但SPY是被動指數基金，持股都是優質公司。
我有信心可以慢慢逐步增持。
而且，美股下跌，我不相信港股能夠獨善其身。
反而美股升，港股可以跌；美股跌，港股大概率跟跌。
還是繼續增持SPY就好。
至於TSLA, 根據波特五力分析模型，它的表現比不少版塊好。在電動車行業中，也獨佔鰲頭。管理層有遠見、魄力、行動力。訂單多到應接不暇。各地一直增建、擴建工廠，以提高供應量。同業規模、競爭力，望塵莫及。
雖然股價浮動，傻貓還是認為逢跌小注買入，就可以。
優質的增長股，值得持有及耐心期待它的發展。
止賺short put TSLA
前晚止賺咗Tesla short put @$710, 到期日: May 20.
昨晚Tesla 升6%.
證明我又睇錯市。
Long put Tesla
然後，我又買入Tesla long put.
我睇圖，唔見佢似築底，下跌空間仍存。
結果，Elon Musk話 on hold Twitter 的收購計劃。然後，Tesla的股票不用做保證金，股價急升。
後來，Twitter方面表示，收購活動未有終止。Tesla尾市又跌。
不過，經過急升，Tesla即使股價低於我買入long put時 (USD $765)，期權已經蝕了時間值及引伸波幅 (詳細我都唔識)，我還是輕微損手。
經過今次，我明白自己頭腦不夠冷靜。
還是乖乖努力工作，儲正股，適當時候，做簡單的short put, short call就好。
個倉同3月一樣，仍然滿江紅。
帳面仲少咗好多錢。之前SPY, AIA, Tesla都好靚仔，而家都跌返晒。
見帳面蝕成53萬，有點不是味兒。
有咗濼言後，時間好像總不夠用。睇市時間少咗，買賣操作少咗，對股市嘅著迷都少咗。
眼見SPY, Tesla都跌咗咁多，我開咗short put Tesla, AIA, 也買了幾股SPY, Tesla的正股。
今個月，最震撼係：一哥辭職了。
我今個月好hea,暫時得2萬蚊收入。實體班只開星期一三六。星期二五只是在家教姨甥仔、姨甥女。星期日又得1堂視像，只教2兄妹。
本來仲想enjoy work-life balance, 享受生活，種多d蔬果。而家改變主意，打算開多幾日補習社，增加主動收入。仲要做返多d宣傳，希望谷返營業額，上去7萬左右。
4月操作:
1. Apr 12: BOUGHT 1 SPY @ 441.25
2. Apr 27: BOUGHT 5 TSLA @ 889.54
3月喺大跌市時，short call 比亞廸，真係錯咗。
$197.5, 呢個價錢畀貨人，我真係有少少唔甘心。
所以，而家見佢跌返少少，就繼續密切留意，希望有靚價，低位short put 1張。
呢個倉，幾年來，球員出出入入，主力都冇變過。
不過，成績一直唔好。
現時仍然高位short call, 低位short put就算。
現階段，只有繼續月供美股。考慮月供返港股。
諗落幾有趣。個市升升升時，大家買嘢唔駛諗咁。
到個市跌跌跌，賤物鬥窮人。大家風險意識反而好似好高，唔敢貿然入場。
要入跌下來的飛刀，好講心理質素。事前功課，都好重要。
太早入場，做大閘蟹。太遲，又追唔切，要買貴貨。
在美國加息陰霾、中國封城不絕、香港演習脫離SWIFT，俄烏戰爭未明朗時，我不敢貿然開short put, 股市又急跌得咁快，short call 又冇乜靚價，所以按兵不動。月中時間值損耗最快，可能到時再睇。
外幣價格一直偏低，本來都有考慮兌換Yen, AUD.
最後諗到，美國加息，其他國家嘅貨幣都唔會高息得去邊。
而且covid 19一直都係未見end game. 大家都係共存緊。咁各國經濟復甦進度唔同。
可能要等等? 留返多少少現金先?
